ကြုံတွေ့ဖူးတဲ့ခရစ်စမတ်ကာလများ(Berlin Germany)

မင်္ဂလာပါရှင်~~~

ခရစ်စမတ်အချိန်ဆိုရင်ပိတ်ရက်တွေရလို့ချမ်းပေမဲ့လည်း၊

လည်လည်သွားချင်တာနဲ့၊အမြဲဒီလိုရက်မျိုးမှာခရီးထွက်ဖြစ်ပါတယ်။

ဂျာမဏီဘာလင်မြို့ဘူတာကြီး

ဘူတာကြီးမီးစထွန်းတဲ့အချိန်

သူတို့ခရစ်မတ်ပွဲတော်အတွက်အလှဆင်တာ မီးတွေထွန်းတာ၊

လက်လှမ်းမီရာလေးတွေဝေမျှမယ်နော်..။

ကဲ...ပထမဆုံးဂျာမဏီကနေစမယ်။

ရောက်တဲ့နေ့ကတော့အေးတာတခုပါဘဲ။ပြန်မဲ့နေ့ကြမှနှင်းကျတာ၊

နှင်းတွေနဲ့သွားလာရေးခက်ခဲလိုက်တာဗျာ..။ 

ခင်မင်တဲ့ညီမလေးတယောက်ပြောပြလို့Kedawe ဆိုတဲ့ကုန်တိုက်က၊

ဥရောပမှာနံမည်အကြီးဆုံး အကောင်းဆုံးတံဆိပ်အဝတ်အထည်တွေ၊

ရောင်းတယ်ဆိုတော့ သွားကြပါသေးတယ်။

ပတ်ဝန်းကျင်ကလမ်းပြင်နေတော့ကောင်းကောင်းရိုက်လို့ရဘူး

အဝင်ဝကခရစ်စမတ်သစ်ပင်

အထဲကပြင်ဆင်ထားတာ

window show

ခရစ်စမတ်ပင်ကိုလည်း ပြွတ်ခဲနေအောင်ဆင်ထားတာ။

ဝန်ကြီးချုပ်တယောက်ပြောဖူးတယ်ဆိုတဲ့စကားတခုကိုတောင်သတိရမိတယ်။

ဘယ်သူ့သမီးဆိုလည်း!!!စိန်တွေဆင်ထားတာ ခရစ်စမတ်ပင်နဲ့တူတာဆိုတာလေ...။

ဈေးနူန်းတွေက ကောင်းကင်ရဲ့အထက်ပေါ်မှာရှိတယ်။

ဈေးတဝက်ချထားတဲ့ ရှာမွိုင်းသားဦးထုပ် တလုံး ယူရို၁၅၀ ကျော်ပါတယ်။

အဲဒီမှာကိုကိုအာရပ်သားတသိုက် မိန်းမဂျာကင်တထည်ကို ၁၅၀၀ ယူရိုနဲ့၊

ရောင်စုံပေးပါလို့ပြောတာကြားတော့လည်း...။

ကမန်းကတန်းဘဲ တပ်ခေါက်ပြီး(ဘာမှမဝယ်ပါ)လစ်လာကြတာပေါ့။

သံကွင်းဆက်ကြီးရဲ့တဖက်ကအမိုးနီနီလေးတွေက အမှတ်တရပစ္စည်းရောင်းဆိုင်တွေပါ။

ရုတ်တရက်ကြီးမြူတွဆိုင်းကျလာတော့ အဲဒီလိုမှောင်မှောင်ကြီးလေ..။

မဟာမိတ်တွေဗုံးကြဲလို့ပျက်စီးတဲ့ဘုရားရှိခိုးကျောင်း
(Kaiser Wilhelm Memorial Church)နဲ့ကပ်ရပ်ခုခေတ်အဆောက်အဦ၊

ယှဉ်ရပ်တွေ့တော့လည်း၊အမျိုးမျိုးစဉ်းစားမိပါသေးတယ်..မတည်မြဲခြင်းသဘောပါ။

 ဘူတာရုံအသေးတခုရဲ့အဝင်ဝ

ဒါကတော့ သူတို့ရဲ့နာမည်ကျော် ချက်ပွိုင့်ချာလီ အရှေ့နဲ့အနောက်ကွဲတုံးက ခြားထားတဲ့တံတိုင်းကိုဖြတ်ကျော်ဖို့ရာ စစ်ဆေးရေးဂိတ်ပေါ့။

အဲဒီနားမှာAmericanစစ်သားဝတ်စုံနဲ့British စစ်ဝတ်စုံ ဝတ်ထားပြီး၊

သူတို့နိုင်ငံအလံကိုင်ထားပြီးဓါတ်ပုံအရိုက်ခံပါတယ်။

တခါရိုက် ၁ယူရို၊ ဒေါ်မီးတို့တောသားတွေတော့ ၊တယောက်၂ပုံစီရိုက်ခဲ့ကြသေးတယ်..:))

စစ်သားလက်မောင်းကြီးကိုင်လို့ခန့်ခန့်ညားညားကြီးပေါ့။

ကတ်ရပ်မှာချက်ပွိုင့်ချာလီ ပြတိုက်ရှိပါတယ်။စိတ်ဝင်စားစရာတွေအများကြီးဘဲ..။

အဲဒီခေတ်က အရှေ့ဖက်ကလူတွေ ဘယ်လိုအနောက်ဖက်ကိုထွက်ပြေးလာတဲ့အကြောင်း။

ဓါတ်ပုံတွေ၊သုံးတဲ့ပစ္စည်းကရိယာ၊ကားတွေပြထားတယ်။

လိပ်ခုံးကားလေးထဲမှာခွေပြီးထွက်ပြေးလာတာလည်းရှိတယ်။မီးပုံးပျံနဲ့ပြေးတာလည်းရှိတယ်။

ဘာလင်တံတိုင်းဆိုပြီးနာမည်တာကြီးတာ မြင်တော့လည်းသေးသေးလေး။

ဒါမျိုးမယ်မီးတို့ဆို အသာလေးနဲ့ကျော်နိုင်တယ်...

(အရပ်ကတော့ ၅ ပေမပြည့်တပြည့်ပါ..ဟီး)

ကျမကကင်မရာကိုလှမ်းကြည့်နေတာလေ..:D

ကိုကြီးဟစ်တာလာတို့ရုံးဆိုလား...။အဲဒီရှေ့ကမြင်ရတဲ့လူအုပ်တွေက တိုးရစ်တွေ၊

သူတို့ကလမ်းလျောက်တိုး Walking Tours အုပ်စုတွေလေ။တယောက်ကို ၁၅ယူရိုပေးရတယ်။

ဖရီးလည်းရှိပါတယ်။နောက်ဆုံးတော့တစ်ပ်လေးဘာလေးပေးပေါ့။

ကျမတို့၂ ယောက်က မယောင်မလည်နဲ့အဲဒီနောက်ကိုလိုက်ပါတယ်။

ကိုယ်ကြိုက်တဲ့နေရာရောက်ရင်ကြာကြာနေရတာပေါ့။

ဟီး...မနက်ရှစ်နာရီ ဟိုတယ်ကနေထွက်တာ ည ရနာရီခွဲမှပြန်ရောက်တယ်။

တောက်ရှောက်လမ်းဘဲလျောက်တာ။

ဒီမှာလူမရှိဘူးကျောက်ရုပ်တွေကတော့အများကြီး:P

ဒီပန်းချီကား၂ ချပ်ကတော့ တကယ်ဘဲမြန်မာနိုင်ငံကိုသတိရပါတယ်။

(ကွန်မြူနစ် ဆိုရှယ်လစ်ဘာဘဲပြောပြောပါ၊

အရာကြီးနဲ့ကုလာကြီးပါဘဲလေ။)

စနစ်ကိုထင်ဟပ်စေတဲ့ ပန်းချီကားပါလေ။

အမြော်အမြင်ကြီးမားလှသောခေါင်းဆောင်ကြီးလက်အောက်မှာတိုးတက်နေကြပါတယ်..။

ဘလားဘလားဘလား.....ပေါ့။

မျိုးဖြုတ်ခံရတဲ့ဂျုး သန်းပေါင်းများစွာအတွက်အမှတ်တရ ဂူလေးတွေလုပ်ထားတဲ့နေရာ။

မျက်စိတဆုံးပါဘဲ။

Brandenburg gate ကိုဘေးတိုက်မြင်ရတဲ့အနေအထား။

ကပ်ရပ်အဆောက်အဦက အမေရိကန်သံရုံးပါ။

သူကလည်းဖြတ်သန်းသွားလာခွင့်တံဆိပ်တုံးလေးတွေနှိပ်ပေးတာပေါ့။

အမှတ်တရ လူတွေယူကြ။ပိုက်ပိုက်လေးတွေပေးလို့ပေါ့။

berlinerdom ဒီchurch ကတော့တော်တော်ကြီးမားလှတဲ့အဆောက်အဦကြီးပါဘဲ။

ဝင်ဖို့တန်းစီစောင့်နေတဲ့လူတွေလည်းအများကြီးပါဘဲ။

နေ့လည်စာကိုတော့ ဂျုးအုတ်ဂူတွေနားကတရုတ်ဆိုင်မှာဝင်တီးတာပေါ့။

ငါးအကြွတ်ကြော်နဲ့ထမင်း။

ကျမကတော့ခေါက်ဆွဲကြော်..ထုံးစံလေ။

ရောက်တဲ့ညကတော့ ဟိုတယ်ရှေ့က တူရကီဆိုင်မှာ ကြက်ကြော်နဲ့ဆလပ်စားတယ်။

ဂျာမန်ကြက်ကြော်က အမေရိကားထက်အများကြီးကောင်းတယ်။

ဟိုတယ်ကမနက်စာ

ဟော်တယ် ထမင်းစားခန်းကလည်းကျမနေခဲ့တဲ့ လသာ၂ ကထမင်းစားခန်းလိုပါဘဲ။

ညနေဖက်ရောက်တော့တော်တော်အေးတာဘဲ။

ဓါတ်ပုံတွေကမန်းကတန်းရိုက်ပြီးပြေးရတယ်လေ။

ပြန်ချင်နေပြီလေ။အေးကလည်းအေး၊နေလည်းညိုတော့ခြေလည်းတိုပြီပေါ့။

အဲဒီညမှာနှင်းတအားကျတော့တာပါဘဲ။

မနက်အိပ်ယာကထတော့ ဒီလိုနှင်းတွေကျနေတာ၊

တော်တော်စိတ်ပိန်သွားတယ်။

ကံကောင်းလို့ပြန်မဲ့နေ့မှကျတာ။

နို့မို့ရင်လည်ရမှာဟုတ်ဘူး။

တည်းခဲ့တဲ့ဟော်တယ်

 နှင်းဖွေးဖွေးကြားထဲကဘူတာရုံကြီး ..။

ဘူတာရုံအပြင်ဖက်..။

ဘူတာရုံထဲကခရစ်စမတ်သစ်ပင်။

ဘူတာရုံအပေါ်ဆုံးထပ်ကမြို့တွင်းပြေးရထားဆိုက်တာ။

အဲ...ရေးရင်းနဲ့တော်တော်ရှည်သွားပြီ။

ခရစ်မတ်ကာလက လကုန်အထိအကျုံးဝင်တယ်လေ။

ဒါကြောင့်ကျန်တဲ့ ၄ နှစ်စာခရစ်စမတ်လည်လည်သွားတာ တွေကို၊

(သမိုင်းဟောင်းကိုတူးဆွခြင်းပေါ့ လေ...)

လကုန်တဲ့အထိ စလိုးမိုးရှင်း နူန်းနဲ့ပြောပြသွားပါရစေ...။

နော်....:)))))

အားလုံးဘဲပျော်ပျော်ပါးပါးပေါ့။

ပျော်ရွှင်ချမ်းမြေ့တဲ့ခရစ်စမတ်ကာလတွေ ဖြစ်ပါစေနော်။

မီးမီး