Sunday, December 29, 2013

အလှူတခုအကြောင်းပြု..

 
မင်္ဂလာပါရှင်~~~
ရာသီဥတုအရမ်းကြီးသာယာတဲ့စနေနေ့ တနေ့ မှာ ချစ်လှစွာသောမိတ်ဆွေ ရဲ့ နှစ်သစ်ရည်စူးလို့ အလှူ
တခုဖိတ်ကြားခြင်းခံရပါတယ်။ နယူးယောက်မြို့ ထဲ Brooklyn ကမစိုးရိမ်ကျောင်းတိုက်မှာပါ။ အဲဒီလမ်း ထဲမှာမစိုးရိမ်ကျောင်း ၂ကျောင်းတောင်ရှိတယ်။ ဖြစ်ချင်တော့ တနေ့ ကတဲက ပဲပုပ်ကြော်ကောင်းလို့ (ပြူ
တင်းပေါက်တွေ အားလုံးဖွင့်ရတယ်လေ) လူကနဲနဲအအေးမိချင်ပြီး ညစာမစားဘဲဆေးသောက်အိပ်တာ၊
အိပ်ယာကထတော့ နွားနို့ ဘဲသောက်ပြီး စားကြောကိုမှန်းလို့ ဗိုက်ဟောင်းလောင်းနဲ့ ကိုသွားတာ ^_^


နယူးယောက်မှာ နယ်မြေပိုင်းခြားထားတာ ၅ ခုဘဲရှိတာ ။ မှတ်ရလွယ်တယ် ။ ကျမတို့ ဖက်ကလာတော့ တကယ်ဆို Holland Tunnel ကနေလာရင်လွယ်ပေမဲ့ အိမ်က ကို GPS ကြီးက ကကျိုးကကြောင် ။
အမြဲတမ်းသွားတတ်တဲ့ Gorge Washington Bridge ကိုဘဲပြတယ်..။ ဒါကတံတားပေါ်ကနေ မြို့ ထဲကို
လှမ်းကြည့်တာ..။ Toll ပေးရတဲ့ဂိတ်နံပါတ်တွေ လိုက်ဖတ်တာ စုစုပေါင်း ၇ဝကျော်တယ် ။ ကားသေးဆိုရင်
၁၃ ဒေါ်လာ ။ အရင်က ၈ ဒေါ်လာဘဲလားမသိဘူး..သူတို့ လည်းတရိတ်ရိတ်ပါဘဲ..။
ဒီတော့ ဟတ်ဆန်မြစ်ကမ်းနားတလျှောက်ဆင်းသွားရတာပေါ့..ကမ်းနားလမ်းမှာ ဒီစစ်သဘောင်္ပြတိုက်ကြီး intrepid museum ကိုသွားမယ်ဆိုပြီးချိန်နေတာ နှစ်ပေါက်နေပါပြီ မရောက်သေးဘူး..။
ဒီကကမ်းနားလမ်းကတော့ငါးနံ့ ညီနံ့ မရပါဘူး..လမ်းကမြို့ ထဲထက်ပိုရှင်းပြီး ကားမောင်းရလွယ်ပါတယ်။
မက်ဟန်တန် ကမ်းနားတလျောက်ရွှက်လှေသဘောင်္တွေ...
ဒီ Brooklyn တံတားပေါ်တက်ပြီး ဟိုဖက် Brooklyn ထဲရောက်မှာလေ...
GPS က 9/11 နားမှာ ကွေ့ ခိုင်းတယ်။ လမ်းကပိတ်ထားတော့ တကွေ့ တပတ်ကြီးပြန်ပတ်နေရတာ..
တိုက်တွေ..အဆောက်အဦတွေ ချွန်ချွန်ပုံ ဂငယ်ပုံ လေးထောင့်ပုံ ပုံစံများစွားနဲ့ ဘဲ...
 
ဒီတံတားက သက်တမ်းရာကျော်ရှိတဲ့ ဒီနိုင်ငံရဲ့ နံမည်ကျော်ကြားတဲ့တံတားတခုပါ ၁၈၈၃ ခုနှစ်ကတည်းစ
ဖွင့်ခဲ့တယ်တဲ့..။

ဘယ်ဖက်ဘေးကမြင်ရတဲ့ အပေါ်မှာလူလျှောက်လမ်းရှိတယ်..များသောအားဖြင့် တိုးရစ်တွေ အားကစားလုပ်တဲ့လူတွေနဲ့ ပြည့်နေတာဘဲ..။
အပေါ်ကအစွန်းထွက်နေတာက ကားလမ်းလေ..ဒီလိုမျိုးပုံစံနဲ့ ကားလမ်းတွေ နယူးယောက်မြို့ မှာ အများကြီးဘဲ။
 
ကဲ..ဘရွတ်ကလင်..ဆိုတဲ့ နယ်မြေထဲဝင်လာပြီ..။ဘုန်းကြီးကျောင်းထဲမရောက်မှီ ဂျုးနယ်မြေတမျှော်တခေါ်
ကြီးဖြတ်ရသေးပါတယ်..။ မည်းမည်းကြီးတွေဝတ်ထားတဲ့ ဦးထုပ်မည်းကြီးဆောင်းလို့  လူတွေ ကလေးတွဲ
လောင်းတွေ ဂါဝန်ဒူးဖုံးတွေနဲ့ အမျိုးသမီးတွေရော အဖိုးကြီးတွေအုပ်စုလိုက်ထိုင်ပြီး အဖွဲ့ ကျနေကြတယ်။

ကဲ..ရောက်ပြီ..ဒီဘုရားကသစ်သားနဲ့ ထုလုပ်ထားတာမဟုတ်ဘူးတဲ့။ ပန်းပေါင်းစုံစုထားတဲ့ ကြိတ်သားနဲ့ 
လုပ်ထားတာတဲ့..။
အဟဲ..မိတ်ဆွေကြီးမခိုင်၊ညီမလေး စန်းထွန်း နဲ့ ရှမ်းမကြီးပေါ့...တွေ့ တုံးအမှတ်တရ..ကျမက အလှူဆို
တော့များများဝင်အောင်လို့  အလျှော့အတင်းရှိတဲ့ ထမိန်လေးနဲ့ ပေါ့..လူလည်လေ.. :P
ဒီအလှူကြောင့် စာနဲ့ ဘဲဆက်သွယ်ဖူးတဲ့ စန်းထွန်းကိုလည်းတွေ့ ဖူးသွားပါပြီ။ ကျမက မိတ်ဆွေတွေ လိုချင်လို့ လိုက်ရှာနေတာ၊ဒီမှာနေလာတာ အကြာကြီးအပေါင်းအသင်းမရှိဘူး..နောက်တော့လည်း ဘလောက်အကြောင်းပြုပြီး မိတ်ဆွေသစ်တွေ တိုးလာတယ်။ တကယ်ဘဲ ဝမ်းသာကြည်နူးမိတယ်။
အစားအသောက်က ကျမရိုက်တာဟုတ်ဘူး..အလူရှင်တို့ FB ဝေါ်ပေါ်ကဆွဲလာတာ..။
ကိုယ်က ငမ်းကြောဆွဲနေလို့ မရိုက်ဖြစ်ဘူး..ကျမ၂ပွဲစားခဲ့တဲ့ ထိုဖူးသုပ်လည်းဒီမှာမပါဘူး..
တကယ်ကောင်းတယ် သူတို့ ကလားရိူးက ရှမ်းတရုတ်စပ်တဲ့ ..ပြောစရာကိုမလိုဘူး ထိုဖူးအိနေတာဘဲ.
စားသောက်ပြီး အာလူးလေးဘာလေးဖုတ် တရားလေးနာ မိတ်ဆွေအသစ်တောင်ရသွားတယ်..။
အလှူရှင်မိသားစုနဲ့ အမှတ်တရ
အလူရှင်တွေကို ဆုတောင်းပေးဖို့ တောင်သတိမရလိုက်ဘူး..ပြီးတန်းပြန်တာဘဲ..အားနာလိုက်တာ
နောက်တခါမဖိတ်ရင်..ဒွတ်ဘဲ :)))

ကိုထွန်းထွန်းဝင်းတို့ ဇနီးမောင်နှံနဲ့ တကွ ကျန်တဲ့အလူရှင်မောင်ငယ်ညီမငယ်လေးအားလုံး နှစ်သစ်အခါမှာ
         စိတ်၏ချမ်းသာခြင်း ကိုယ်၏ကျမ်းမာခြင်းတို့ နဲ့ အမြဲထာဝရပြည့်စုံနိုင်ကြပါစေရှင်.....

ကဲ..ပြန်မယ်..ကို GPS ကြီးပြောတော့ ၁နာရီသာသာပါ..ဟူး..တကယ်တမ်း ကိုယ်ကမှားလိုက် ပြောင်း လိုက်နဲ့ အိမ်ကို မှောင်မှရောက်သွားတော့တယ်..၂နာရီလောက်ကြာပါတယ်ဆို.. :((
ဟိုဖက်က..မက်သက်တန်ကိုလှမ်းမြင်ရတာ...
ဒါက လေဘာတီကိုသွားကြမယ်ဆိုရင် ဒီနေရာတဝိုက် Battery Park ကိုလာကြရတယ် ဖယ်ရီရှိတယ်လေ
နောက်ပြီး 9/11 တာဝါနဲ့ Wall street ပတ်ဝန်းကျင်နေရာဆိုတော့ တကယ်လူရူပ်တယ်..။

လူတွေနဲ့ ဘတ်စကားတွေကြားထဲမှာ ကို GPS signal ပျောက်သွားပါတယ်..။
အဲနားလည်နေတာက ၁ဝမိနစ်လောက်ရှိတယ်..။
နောက်တော့ကမ်းနားအတိုင်းသွားဖို့ ဟာ..ကားခေါင်းက မက်ဟန်တန်အရှေ့ ဖက်ကိုတော်နေတယ်..။
ဒီတော့ မက်ဟန်တန်နဲ့ ဘရွှတ်ကလင်၊ကွင်းတို့ ဆက်စပ်တဲ့ တံတားပေါင်းမြောက်မြားစွာ မြင်ခဲ့ရတာပေါ့။
အဟား..ကျမပြောတဲ့အလှူတခုအကြောင်းပြုရ်ျ ဆိုတာ မိတ်ဆွေများကို နယူးယောက် sightseeing ပေါ့ ။
ကဲ..အင်ပါယာစတိတ်ကိုတောင်လှမ်းမြင်ရပြီ..။
ကျမတို့ ကဒီအလမ်းအတိုင်းဆင်းပြီး Bronx အထိသွားရမှာလေ..
ရှေ့ ကမြင်ရတဲ့ပြားပြားတိုက်ကြီးကတော့ UN ပေါ့ရှင်..။
ကဲ..နောက်တံတားတခု...
တံတားတွေကမျာလွန်းလို့ ဘယ်ဟာက ဘာမှန်းတောင်မမှတ်မိတော့ဘူး..
ကျမက ကမ်းနားလမ်းတွေကို ဒီလို ၂ထပ်ဆောက်ထားတာသဘောကျတယ်..ရန်ကုန်မှာကားသိပ်ကျပ်
တယ်တဲ့..သူတို့ ဒီလိုလေးဆောက်ပေးရင် ..ဘယ်ပြောကောင်းမလဲနော်..အဘွားတနေ့ တထောင်ပေး ပစ်မယ် @_@(ဘယ်တော့မှမဖြစ်လာနိုင်ဘူးသိလို့ ပြောတာ..ဟိ)
ဒီလိုတိုက်အောက်ကနေ ကားလမ်းဖေါက်ထားတာတော့ ကြိုက်ပါတယ်။ ဒါပေမဲ့ အဲဒီတိုက်ပေါ်တော့ ဘယ်တော့မှ မနေဘူး သေချာတယ်..။
တိုက်ကလည်းပြားချပ်နေတာဘဲ..မော်ဒယ်ကိုယ်လုံးလေးလို.. :)))
ဒီပုံမှာ တံတား ၃ စင်းပါတယ်...
လွှမ်းစရာ..ညနေခင်းလေး...
ရာသီဥတုကောင်းတော့ ကောင်းကင်တခုလုံးလင်းနေတာဘဲ...
ဒီကနေစပြီးကားတွေကပ်တော့တာဘဲ...
ကျမက တချပ်ချပ်နဲ့ ရိုက်နေတာ သူလမ်းယူမှားလို့ နောက်တံတားတခုပေါ်ရောက်သွားတယ်...ဟိ
အော်လိုက်တာ..လမ်းကြည့်ပေးပါဆို....ဘလားဘလားနဲ့ ..ဒီတော့ ကင်မရာကိုပိတ်...ပိုက်ဆံအိပ်ဖွင့်
ထပ်ပေးရတယ်လေ.. ၇.၅ဝ ဒေါ်လာ..ဟီး...၅း၄၅ လောက်မှ အိမ်ရောက်တော့တယ်...ဟူး....
ဒါပေမဲ့ပျော်တယ်လေ...နော်

အလှူတခုအကြောင်းပြုလို့ နယူးယောက်ကို Sightseeing Tour လည်းပြီးပေါ့ရှင်..
အားလုံးဘဲရွှင်လန်းချမ်းမြေ့ ကြပါစေရှင်~~~
မီးမီး


9 comments:

  1. မမီးကတော့ အလှုတစ်ခု အကြောင်းပြု၍ နယူးယောက်တခွင် ပြဲပြဲစင် သွားတာပေါ့...နယူးယောက်မှာ အဲလောက်တောင် တံတားတွေ များတယ်နော်...တော်သေးတာပေါ့ ၂ နာရီနဲ့  အိမ်ပြန်ရောက်တာ..:D

    ReplyDelete
    Replies
    1. အေးပါ့ကွာ..
      တော်ရုံဆိုမြို့ ထဲကိုဘယ်တော့မှကားမယူသွားချင်ဘူး..
      တိုက်တွေကြားထဲ အမြဲ Signal ပျောက်သွားတတ်တယ်
      အဲဒါဆိုဘယ်ကွေ့ လို့ ဘယ်သွားရမှန်းသိတော့ဘူး
      လူတွေကလည်းများ အနောက်ကကားကလည်း
      လက်ချောင်းတွေလက်ညိုးတွေထောင်ပြနေပြီလေ..
      ဟီး... :P

      Delete
  2. အလှူကိုကြွရောက်တဲ့အတွက် ကျေးဇူးတင်ပါတယ်။ လူအရမ်းများသည့် အတွက် အမတို့ကို ကောင်းကောင်း ဧည့်မခံနိုင်လိုက်နိုင်တာ sorry ပဲ .... :)

    ReplyDelete
    Replies
    1. အမ
      ဘုရားပုံတော် ကို ဘာ software သုံးပြီး လုပ်ထားတာလဲ။ အရမ်း ကောင်းတာပဲ။

      Delete
    2. တကယ်ပါ..အားလုံးအဆင်ပြေတယ်
      ထမိန်လေးတွေ၊ပုဆိုးတွေနဲ့ လှပြီးချစ်စရာကောင်းတဲ့
      ညီမလေးတွေမောင်လေးတွေကို လှတယ်လို့ သွားပြောမလို့ ဆို..
      ကျားကျားကြီးအတင်းဆွဲထားလို့ ..
      သိလည်းမသိဘဲနဲ့ သွားရှည်ချင်တယ်ဆိုပြီးလေ..ဟိ
      ဘုရားပုံတော်က Google + မှာတင်တော့ သူကဒီလိုပြန်ပို့ ပေးတာ
      အရမ်းကြီးကြည်ညိုစရာကောင်းသွားတယ်..
      ဒါနဲ့ ...ကိုယ့်ပုံပါတဲ့ဂရုပ်ပုံလေး မစပါအုံး..
      သူများတွေရိုက်တုံးအနောက်မှာလေရှည်နေလို့ လေ..
      :))))

      Delete
  3. NY...
    နှစ်ယောက်ထဲရူးဖူးတဲ့နယူးယောက်...
    :))))
    km

    ReplyDelete
    Replies
    1. အေးဗျာ..ခုတော့ ၂ယောက်ထဲရူး၇တာပေါ့
      :P

      Delete
  4. စန်းထွန်းလည်းတွေ့ ရ
    မီးမီးလည်းတွေ့ ရ
    နယူးယောက်လည်းလည်ရ
    အစားလည်းစားရ
    ဂွတ်ထဂွတ်ထ။
    အိုင်အိုရာ

    ReplyDelete
    Replies
    1. မအိုင်အိုရာရေ့ ...
      နှစ်ကူးကာလမှာ ကိုယ်တော့ ကွေးနေရတယ်..
      သိပ်နေမကောင်းလို့ ...
      စကားမစပ်..မအိုင်အိုရာကိုလည်းမြင်ဖူးချင်လိုက်တာ..
      :))

      Delete