မီယာမီမြို့သို့တနေ့တာ...

မင်္ဂလာပါရှင်~~~

Miami မီယာမီဆိုတာ အမေရိကားနိုင်ငံ့အချမ်းသာဆုံးနဲ့အသန့်ရှင်းဆုံးနံပါတ်ချိတ်ဖူးတဲ့မြို့ပေါ့။

လက်တင်အမေရိကရဲ့မြို့တော် ဆိုတဲ့ nickname ရှိပြီး ကျုးဘားကလာတဲ့ ကျုးဘားအမေရိကန်တွေ

(စူပါသူဋ္ဌေးကြီးတွေများတယ်..ဘာနဲ့ချမ်းသာလာသလဲမမေးနဲ့..အဟဲ..ရိုးရိုးသားသားတွေရှိသလို ဟိုလို

ဒီလိုပေါ့ဗျာ..မိုးကောင်းကင် ထိပ်ဖျားလောက်အထိ ပိုက်ပိုက်တွေပေါများကြပါတယ်တဲ့...)ဂိုက်ပြောပြ တာပါ...ရမ်းတုတ်ဟုတ်ဘူးနော့်....

အမေရိက မြေပုံကိုကြည့်လိုက်ရင်  ဖလော်ရီဒါပြည်နယ်ဆိုတာ အရှေ့တောင်ဖက် အတ္တလန်တိတ်သမုဒ္ဒရာ

ကမ်းခြေ အစွန်ဖျားလေးနားမှာပေါ့ ၊အဲဒီမှာမှ မီယာမီက ဟိုးထိပ်ဖျားလေးနားမှာရှိပါတယ်..။

မီယာမီတရက်ခရီး ရှိတဲ့Tour ဝယ်လာတာလေ..၊ သူတို့ပြောတဲ့အတိုင်းမနက်အစောကြီး ၆း၃ဝ မိနစ်ကတဲ

ကဟော်တယ်ရှေ့မှာစောင့်နေရတယ်..ပေါင်မုန့်ကားလို့ကျမတို့ခေါ်တဲ့ မီနီဗင်နဲ့လာခေါ်ပါတယ်။ ကားပေါ်

မှာ လူ ၆ယောက်လောက်ရှိနေပြီ ကျမတို့ကိုခေါ်ပြီး နောက်ထပ်လူ ၄ယောက်ပတ်ပြီးကြိုရသေးတယ်..။

ပြီး၂၄ နာရီဖွင့်တဲ့ ဆေးဆိုင်နဲ့စတိုးဆိုင်ကြီးတခုရှေ့မှာချထားခဲ့ပြီး..၊နောက် ၁ဝမိနစ်လောက်ဆိုရင်ဘတ်စ် ကားတစင်းလာလိမ့်မယ် အဲဒါနဲ့လိုက်သွားကြတဲ့...ဒီလိုလွယ်တာ။ ကားကုမ္မဏီက Gray Line ကုမ္မဏီ  

ကြီးပါ ကမ္ဘာ အနှံ့မှာရှိတယ်..။နောက်ဆိုသူ့နဲ့တိုက်ရိုက်ဆက်ပြီးသွားရင်ရပြီ..။ကျမတို့ကတခြား Tour ကနေဝယ်တော့အဲဒီလိုင်းနဲ့ပြန်ချိတ်ပေးတာပါ..။ စာရင်းချုပ်တော့ ၈နာရီလောက်မှမြို့ထဲကနေထွက်ရတာ

ပေါ့ ။ကားပေါ်မှာ နိုင်ငံခြားသားတွေများပါတယ် အထူးသဖြင့် အင်္ဂလန် စကော့တလန် နဲ့ဂျပန်၂ တရုတ် ၂ မူတူး ၄ တို့တတွေ နဲ့ပါလေရာပဲခူးဆားလေး မယ်ငီးတို့၂ယောက်ပေါ့ :))..။ကားပေါ်မှာ မထင်ရဘူး ။ လူအပြည့်ပါဘဲ။ Gray Line ကုမ္မဏီရဲ့CEO တယောက်ဟာ စကော့တလန်ကတဲ့..ဒါကြောင့် သူ့တိုင်းပြည် ဖက်ကလူတွေချည်းဘဲ တကားလုံး...ဒါနဲ့စကားမစပ်အင်္ဂလိပ်ဗြိတိသျှအသံထွက်တွေဟာတကယ်နား 

ထောင်လို့ကောင်းတာဘဲနော်..

Orlando နဲ့မီယာမီ၃နာရီခွဲကျော်လောက်ကားစီးရတယ်လေ..ကျုးဘားနဲ့လက်တင် အမရိကနိုင်ငံငယ်

တခုဖြစ်တဲ့ချီလီနိုင်ငံသား ကပြား ဒီမှာမွေးပြီး အမေရိကန်ဖြစ်နေတဲ့ Tour Guide ကတကယ်ပျော်စရာ

ကောင်းတယ် ပေါက်ကရရှစ်သောင်းပြောလိုက် တဟီးဟီးရီလိုက် အားလုံးကိုလိုက်စနေတယ်..ဂျပန်

ကြီးကိုလည်း alligators အာရိဂေတာ မိချောင်းလို့လိုက်ခေါ်တယ်..ကိုယ်တို့ကို မာဖီးယားလားတဲ့ ^_^

လမ်းမှာတခါနားတယ်..။ကြုံလို့ဒီလိုဘတ်စ်ကားနဲ့ခရီးထွက်သမျှ ကားပေါ်ကဂိုက်တွေပြောတာ တပုံစံထဲဘဲ

ကားပေါ်ကရေအိမ်ကို အရေးပေါ်အပေါ့အပါးတွက်ဘဲသုံးပါ တစုံတယောက်ဝင်သွားပြီး ၅မိနစ်ထက် ပိုကြာ ရင်ကားဆရာနဲ့ဂိုက်ကတော့ပါးစပ်နဲ့လာမပြောဘူး ဒါပေမဲ့ကားကိုဟိုယမ်းဒီယမ်းနဲ့မောင်းရင်အဲဒါသတိပေး

တာပါဘဲ ဆိုတာမျိုးတွေ ပုံသဏ္ဏန်ကွဲပြားပေမဲ့ ရည်ရွှယ်ချက်တူတဲ့သဘောမျိူးတွေပြောကြတာဘဲ..အဟဲ

ကိုယ့်ဆီကတော့ ပြတ်တယ်..အိမ်သာခန်းကိုဖြုတ်ထားလိုက်တယ်..အေးရော ကျမတောင်ကြီးကိုသွား

ရင် လမ်းဘေးမှာဘဲထိုးရပ်ပေးတာဘဲ..ပေါက်တော...ဆိုပြီး..အဲဒီလေးဘမ်းလမ်းဘေးမှာဘဲ အားရပါးရ ထမိန်ခြုံတောထိုင်ခဲ့ကြတာ..ဟားဟား မိုက်ထှာ.ခုအမြန်လမ်းမကြီးဖေါက်ပြီးတော့ဘတ်စ်ကားနဲ့ တခါမှမ

သွားဖူးသေးဘူး..တခါဘဲရပ်နားတယ်လို့တော့ ပြောကြတာဘဲ..။

မီယာမီနဲ့နီးလာလေ..လမ်းဘေးတဖက်တချက်မှာ ကုမ္မဏီကြီးတွေ ကာစီနိုတွေတန်းစီနေတာဘဲ..မြင်ရတဲ့

Hard Rock ကာစီနိုဟာနံမည်ကြီးဘဲ..တဲ့..ဒီမြို့မှာ တဖက်က လက်တင်အမေရိကနဲ့ဆက်သွယ်သွားလာမူ့

လွယ်ကူတာကြောင့် လက်တင်အမေရိကနိုင်ငံအတွက် နိုင်ငံတကာကုမ္မဏီကြီးတွေရဲ့headquarters ပေါင်း

၁၄ဝဝ ကျော်ရှိတယ်တဲ့ဗျား...။ နောက်ဒီအမေရိက ရဲ့နံမည်ကြီး Burger King အပါအဝင်နောက်ကုမ္မဏီ

မြောက်များ စွာတွေရဲ့မိခင်ဌာနတွေနဲ့ ပင်လယ်ကူးဇိမ်ခံသဘောၤကြီးတွေရဲ့headquarters တွေအများကြီး

ဘဲတဲ့..။ မီယာမီဆိပ်ကမ်းကိုတောင် ပင်လယ်ကူးဇိမ်ခံသဘောၤကြီးတွေရဲ့မြို့တော်လို့တောင်တင်စားခေါ်

ဝေါ်ကြတယ်တဲ့..။ ကျမတော့ ၅စင်းတန်းစီပြီးရပ်ထားတာတွေ့ခဲ့ရတယ်..။ အော်..စီးပွားရေးကောင်း လို့မြို့လေးက နံမည်ကြီးတာကိုး..ကိုယ်သွားခါမှဘဲလေ့လာမိတော့တယ်လေ..။

ဒီရထားတိုလေးကို Metromover လို့ခေါ်ပြီး မြို့ထဲက ရပ်ကွက်လို့ခေါ်မလားဒေသ၄နေရာကိုပြေးဆွဲ

ပေးတယ်။ ပိုပြီးစိတ်ဝင်စားစရာကောင်းတာက Free တဲ့ ပိုက်ဆံပေးစရာမလိုပါဘူး..လူတွေရုံးတက်ရုံးဆင်း

ချိန်ကားတွေ ရထားတွေနဲ့ကြပ်ပိတ်နေတာကို ဖြေရှင်းပေးဖို့လုပ်ထားပေးတာတဲ့။ ရထားတိုရပ်တဲ့ဘူတာရုံ

ပေါင်း ၂၁ ခုရှိတယ်တဲ့..။စစခြင်းတော့ ၂၅ပြားကောက်ပါသေးတယ်..။ လူကျချိန်ဆို ၃မိနစ်ကိုတစင်းလာပြီး သာမာန်ချိန်ဆို ၅-၆ မိနစ် တကြိမ်ထွက်ပါတယ်တဲ့။သူတို့မြို့ရဲ့လူဦးရေ ကားလမ်း အလုပ်ဝင်ချိန်ကားတွေ

ကပ်ပြီး အချိန်တွေပုပ် ဓါတ်ဆီတွေကုန်တဲ့ ပိုက်ဆံတွေ အားလုံးတွက်ချက်ပြီး ဒီစနစ်လေးကို တီထွင်လိုက်

တာတဲ့၊ ပြီး Free တဲ့..။(သူတို့မြို့ကိုတိုးတက်အောင် ကြံဆောင်လုပ်ကိုင်ပေးတဲ့ လူတွေကိုမချီးကျုးဘဲမနေ

နိုင်ပါဘူး..ပါးစပ်ကချစ်ပါတယ်ပြောပြီး တိုင်းပြည်ချစ်မောင်တွေ ချစ်ကိုကြီး ချစ်ဘကြီးတို့တသိုက်ကို ကိုယ်

တို့ဆီမှာဒီလို တိုင်းပြည်သူသားတွေ အတွက် နဲနဲလေးကူညီပေးဖို့နည်းလမ်းလေးများ စဉ်းစားပေးခဲ့ရင်...

ဟီး...လေကြော..လေကြော...ရှည်တယ်နော်...)

ကိုယ်တို့လိုရှေးဘတ်စ်ကားကြီးနော်...

ဒီပုံကတော့ ကျမရိုက်တာဟုတ်ဘူး..မိတ်ဆွေတွေကိုပြဖို့ကူးလာတာ...အပေါ်ဆုံးက ရထား၊ အလယ်က ရထားတို (ကျမအခေါ်ပေါ့) အောက်ဆုံးက ဘတ်စ်ကား...မီယာမီရဲ့ဘယ်ယူပို့ဆောင်ရေးစနစ်...။

ကဲပါလေ..ကျမလည်း ကိုGuide ကြီးအတုခိုးလို့ မိတ်ဆွေများ မပျင်းအောင် ပေါက်ကရပြောဆွဲခေါ်လာတာ

ခုမှမြို့ထဲရောက်တော့တယ်..အဟိ...ကိုယ်တို့သာအင်္ီထူကြီးဝတ်နေတာ သူတို့ကတော့ ဟော့ဟော့

ရှော့ရှော့ပါဘဲ...တကယ်ဘဲ မြို့လေးဟာသန့်ရှင်းနေပါတယ်..။

ကျမတို့စီးလာတဲ့ဘတ်စ်ကားပါ..ဒီနေရာမှာ ရပ်ပြီး တချို့နဲ့လမ်းခဏခွဲကြပါတယ်...အဟဲ..ဒီလိုလေ

သူတို့ထုံးစံ Tour ဆိုတာ Tour ပါဘဲ..အဲလေ..တခြားဘာညာကွိကွက သပ်သပ်ဆိုတာလေ...ဒီတော့ ဒီမှာ

ရပ်မယ် နောက်ဘယ်နှစ်နာရီမှာ ကမ်းခြေတခုမှာ ပြန်တွေ့မယ်ပေါ့..။တချို့လည်း Sightseeing ကားစီး

လည်ကမ်းခြေသွားရေကစား..။နောက်တခုက သူလိုက်ပို့မယ် မော်တော်သေး နဲ့မော်တော်ကြီးစီး..တဲ့..။

ကျမနဲ့ချစ်ချစ်ကြီး ကားပေါ်မှာနဖူးတိုက်ဒူးတိုက် အခြေအတင်ဆွေးနွေးပြီး ရလာတဲ့ရလဒ်က မော်တော်

ကြီးသေး ၂ခုလုံးစီးဖို့အရေးပါဘဲ..ဒီတော့ ပိုက်ဆံတွေထပ်ပေးပေါ့ ဒီမှာခဏဆင်းပြီးတောင်မြောက် ဓါတ်ပုံ ရိုက်ပြီး ကားပေါ်ပြန်တက် မော်တော်သေးသေးသွားစီးမယ်..။

  ကဲ..မြို့ထဲကနေတခါပြန်ထွက်မယ်..

လေယာဉ်ကွင်းလည်းလမ်းရဲ့တဖက်မှာဘဲ လှမ်းမြင်ရတယ်...။

 လေယာဉ်ဆင်းတက် မြင်နေရတယ်...။

 Berger King ရဲ့ headquarter ပါ..

လမ်းမှာ အဝေးပြေးလမ်းကြီးလမ်းလွဲတွေ ပင့်ကူယှက်အပေါ်ထပ်လမ်းတွေဆောက်နေတယ်..

အဲဒါနဲ့ပတ်သက်ပြီး နောက်တခါပြောပြအုံးမယ်နော်...စိတ်ဝင်စားစရာတွေပါ..။

 ဘေးက သစ်ပင်တွေမီးလောင်ခံရလို့တဲ့...

ကားလမ်းမ နှဘေးကမြောင်းကြီးက လူလုပ်ရေထုတ်မြောင်းပါ ဒီဒေသတခုလုံးရဲ့ရေတွေထွက်ပေါက်တဲ့ ဟိုးပင်လယ်သမုဒ္ဒရာအထိအရှည်ကြီးဖေါက်ထားပါတယ်..အထဲမှာ မိချောင်းတွေအများကြီးဘဲ..

 ဟား..သူပြောတဲ့မော်တော်သေးသေးဆိုတာ Air boat ကိုခေါ်တာကိုး...ဒါမျိုးတွေ ဓါတ်ရှင်ထဲမြင်ဘူးတာပေါ့

ပွတာဘဲ..မသိဘဲနဲ့လိုက်ခဲ့တာ..အတော်ကြောင်တဲ့မယ်ငီးဘဲ..:P

ကဲ..ဆင်းကြတော့ ..အီဖေကိုယ်တို့တက်ရမယ်... (တခန်းရပ်လိုက်အုံးမယ်နော်)

နဲနဲလေပေါလိုက်ရင် စာလည်းရှည်သွားပေါ့ရှင်..

နောက်တခါမှ အင်းထဲသွားရင်း ဌက်တွေ မိချောင်းတွေနဲ့တခြားပျော်စရာလေးတွေမျှဝေတော့မယ်နော်...

ပျော်ရွှင်တဲ့ ခရစ်စမတ်ကာလလေးတွေဖြစ်ကြပါစေ မိတ်ဆွေများ...

အားလုံးဘဲရွှင်လန်းချမ်းမြေ့ကြပါစေရှင်~~~

မီးမီး