Tuesday, May 24, 2016

လွိုင်မွှေတောင်စခန်းမြို့လေး...

မင်္ဂလာပါရှင်~~~
ဒီတခါတော့ ကျိုင်းတုံနားက လွိုင်မွေဆိုတဲ့ တောင်ပေါ်သွားကြရအောင်..။
ကျမတော့ ကျိုင်းတုံသူဖြစ်ပြီး ဒီ
နေရာကို ၂ခါဘဲရောက်ဘူးပါတယ်။ ကျိုင်းတုံမြို့ဆိုတာလည်း တောင်ပတ်ချာလည်ဝန်းရံနေတဲ့ လွင်ပြင်ထဲက ကုန်းကမူလေးပေါ်မှာတည်ရှိတယ်ဆိုပါတော့..။  ကျိုင်းတုံပတ်ဝန်းကျင်တောင်ပေါ်ရောက်လို့ မြို့ဖက်ကိုလှမ်းမျှော်ကြည့်လိုက်ရင် မူန်ပြပြလေး မြင်ရပါတယ်။
ဒါကတော့ လျွိင်မွေတောင်ပေါ်တက်လမ်းကနေ မြို့ကိုမြင်ရတာပါ။ ရှမ်းလိုတိုက်ရိုက်ဘာသာပြန်ရမယ်ဆိုရင်မြူနှင်းတောင်လို့ခေါ်ရမယ်နဲ့တူတယ်။
မနက်ဖက်ဆိုရင် မြူတွေပိတ်နေတတ်ပြီး ၁၂ ရာသီပတ်လုံးအေးတဲ့
ရာသီဥတုရှိလို့ ဗြိတိသျှတွေရဲ့ ရုံးစိုက်ရာဒေသဖြစ်ခဲ့ဖူးတာပါ။ အမြင့်ပေ ၅၅ဝဝ ကျော်ကနေ ၆ဝဝဝကျော် အထိမြင့်တဲ့ တောင်ထိပ်ပေါ်က တောင်စခန်းမြို့လေးပေါ့..
သမိုင်းကြောင်းအရ အရင်ကတော့ ရှမ်းတွေအများစုနေခဲ့ပေမဲ့ ၁၇ ရာစုနောက်ပိုင်း ုင်၊အာခါ၊ရှမ်းတရုတ်၊ဝ၊လီရှော တို့က တရုတ်အနောက်ပိုင်း
ဒေသကနေ မိုင်းလား မိုင်းယန်းဖြတ်ပြီး ရောက်လာကြတယ်တဲ့။
နောက်ပိုင်း ရှမ်းတွေထက် တခြားလူမျိုးစုကပိုများပါတယ်။ သူတို့က လူမျိုးစု
အလိုက်ရွှာဖွဲ့နေထိုင်ကြပါ။ အ
သီးမျိုးစုံထွက်တော့ ဝိုင်မျိုးစုံရတယ်။
ကိုယ်တို့တောင်  တခွက်တဖလားလောက်ဟဲလိုက်သေးတယ်...
နေ့လည်လောက်မှစိတ်ကူးပေါက်ပြီး ဆိုင်ကယ်နဲ့ ထွက်လာကြတာပါ။ စားစရာလည်း ဂျုံ ခေါက်ဆွဲအသုပ်ရှိတယ်ဆိုလို့ စားခဲ့ပါသေးတယ်။
 မြို့လေးကသေးသေးလေးပါ..
စားစရာကို သူတို့ဈေးနားမှာဘဲရနိုင်တာပါ.. ဝိုင်မျိုးစုံ ကြိုက်တာယူ နှစ်ချိုု့ဆိုတာ ၂နှစ်ကြာတာတဲ့..အဲ့တာကိုတပုလင်းမှ ၂ဝဝဝ ထဲပေးရတာပါ..။
ပြီးတော့ နှစ်တရာအိမ်ဆိုတာ နံမည်ကြီးပေါ့.. ဘိုကြီးတွေနေခဲ့တဲ့ရုံးအဆောက်အဦပါ..စာတိုက်နဲ့ဆေးရုံ လည်းနှစ်ပေါင်းမနဲတော့ဘူး..
ခုထိအသုံးပြုနေကြပါသေးတယ်။

 ခင်စပ်စုက ပတ်ချာလည် လှည့်ကြည့်ပြီး အထဲဝင်ဖို့ ကြိုးစားပါတယ်..
ပြောလည်းပြောချင်တယ် တခါခါ ခလုပ်တိုက်မိနေတတ်လို့..ကဲပါလေ..အစိမ်းရောင်တယောက်ဆိုပါတော့ရုံးပိတ်ရက်မိသားစုနဲ့လာတာပါ..သူကအစောင့်ကို တံခါးဖွင့်ခိုင်းနေတာ တွေ့တယ် မျက်နှာထန်ထန်နဲ့ပေါ့လေ..ဘယ်နေရာမှာ
ဘယ်ဘာဘဲပြောင်းပြောင်း ကျုပ်တို့နေရာက နေမြဲပါရှင်..ကိုကိုစိမ်းတို့ စိမ်းကိုကိုတို့
နေရာရမြဲပါရှင်..ဒါလည်းထူးဆန်းတဲ့ကိစ္စမဟုတ်ပါဘူး..
နေရာအနှံ တောထဲတောင်ထဲ ရောက်ဖူးတာ သွားနေကြတာလည်း သူတို့ပါဘဲ မဟုတ်လား..ဒီတော့ မဲကိစ္စပြောစရာမလိုဘူး..တောသူတောင်သားတွေက ဘာမှမသိ ထည့်ဆိုထည့်မှာဘဲ..တခြားပါတီတွေလည်း အဲ..ထဲ အထိလိုက်ပြီးမဲဆွယ်စည်းရုံးလည်း နိုင်မှာဟုတ်ဘူး..ရွာတွေကလည်း လူမျိုးပေါင်းစုံ လူနေအိမ် ၇ အိမ် 
လောက်လည်းရွာရှိတာဘဲ။ ပါတီကလည်းလူမျိုိုပေါင်းစုံရဲ့ ပါတီများစွာ ဘယ်လိုလုပ်ပြီး အင်အားတောင့် တင်းမှာလဲ..ထုံးစံအတိုင်း နေမြဲအတိုင်းဘဲပေါ့...တခုဘဲဆုတောင်းရမှာက ဘာမှမလုပ်ပေးရင်တောင်မှ အရင်လို သားဖြဲနားသွပ်ခြင်းကနေကင်းဝေးပါစေလို့ ...ကိုင်း..ဆုတောင်းကြရှင့်... ^_^
ကဲပါလေ..လောလောဆယ်တော့ သူ့ကိုကျေးဇူးတင်ရမှာ သူ့ကြောင့်ကိုယ်ကဝင်ကြည့်ခွင့်ရတာ...အခန်းထဲ မှာတော့ ထုံးစံအတိုင်း အားလုံးပြင်ဆင်ထားပါတယ် ပါကေးခင်းဆေးသုတ်တော့ မဝင်ခင်ကမြင်ရတဲ့ ရှေးဟောင်းဆိုတဲ့ စကားလုံးတောင်မေ့နေတာ...အေးလေ..မြန်မာ့နည်းမြန်မာ့ဟန်ဆိုတာ..ပုဂံဘုရားထုံးသုတ်
နံပါတ်တပ်ပြီး ပြုပြင်ထိမ်းသိမ်းလာခဲ့တာဘဲ..ဘာများဆန်းလဲကွာ..အဟဲ..
ရင်နာလို့ အခန်းကို တမင်ဓါတ်ပုံမရိုက်ဘဲ အစောင့်ဦးလေးပြတဲ့ အစကတည်းကရှိနေတယ်ဆိုတဲ့ အဝင် တံခါးနံရံပေါ်က ဒေါင်းရုပ်ကိုဘဲ ရိုက်ခဲ့တယ်..ထူးဆန်းတာနော်...(နောက်ပိုင်း သမိုင်းဆိုပြီး ပြောပြောနေကြားကြားနေတာတွေ ယုံဘူးရှင့် ကျမတော့ပြောတိုင်း ယုံတတ်တဲ့လူတိုင်းစားထဲမပါတော့ပါဘူး..)
ကြည့်ပါလေ..သမိုင်းဝင် အဆောက်အဦရဲ့မှတ်တမ်းတွေဆိုပြီး သူတို့ စိမ်းဘဘတို့တသိုက် ထီးတင်တာတွေကအဓိကပါ ထားပါလေ ဗုဒ္ဓရောင်ဝါထိန်ငြီးပါစေသောဝ်..ပေါ့။တကယ်တော့ အရင်ကရှမ်းတွေနေခဲ့ဖူးပေမဲ့ လည်းနောက်ပိုင်း ရွှေ့ပြောင်းလာတဲ့ လူမျိုးစုတွေထဲမှာ အာခါနဲ့ လားဟူတွေ အများစုက လွိုိုမွေနယ်မှာ အ များဆုံးပေါ့ အာခါက ၆ဝ % တောင်ရှိပါတယ်။ ခရစ်ယာန်ဘာသာကိုးကွယ်ကြတာပေါ့..ကြီးကြီးမားမား ဗုဒ္ဓ ဘာသာစေတီကျောင်းတခုလောက်တော့ ရှိမှဖြစ်မယ်ဆိုပြီး တည်ထားတာဖြစ်ပါလိမ့်မယ်..။ စစ်တပ်
လေတပ် အခြေ စိုက်စခန်းဖြစ်တော့ စစ်ဖက်ကမိသားစုတွေလည်း အများကြီးတွေ့ရတယ်..။

အစောင့်ဦးလေးကြီးကပိန်ကပ်နေတာဘဲ..မေးကြည့်တော့ ပင်စင်ယူပြီး ဒီမှာ အစောင့်လုပ်နေတာတဲ့။ ကျမသူ့ကို ပိုက်ဆံ ၅ဝဝဝ ပေးလိုက်တာ..ချက်ချင်းဘဲ နေ့လည်စာသွားဝယ်ဖို့ဈေးသွားအုံးမယ်ဆိုပြီး ကျမတို့ ထွက်တာနဲ့ တံခါးပိတ်ပြီး ပြေးတော့တာဘဲ..တကယ်ဘဲအပြေးလေးနဲ့လမ်းလျောက်တယ်ဆိုရမှာ..သနား စရာကောင်းတယ်..နေ့လည် ၂နာရီကျော်နေပြီ..သူထမင်းမစားရသေးဘူး..နဲ့တူတယ်..။
၁၉၂၇ လွှိုင်မွေသူကြီးဦးစံသာက ရေကန်ကနေရေစီးဆင်းတဲ့စမ်းချောင်းကို ဆည်ဖို့ပိတ်လိုက်တော့ လွှိုင်မွေကန်ကြီးပေါ်လာတယ်..တဲ့။ နှစ်တရာအိမ်ထဲက ရေးထားတဲ့အတိုင်းပြောပြတာ..အဟဲ
ရေကန်လည်းလှ ရာသီဥတုလည်းကောင်း..လူပေါင်းတို့တကူးတကလာပြီး စားကြသောက်ကြနဲ့ အလှတရားကဘယ်အချိန်အထိခံနိုင်မယ်လို့..ထင်ကြပါသလဲ...(မယ်ငီးတော့ ၁ဝနှစ်အတွင်းပျက်စီးမယ်လို့ဗေဒင်ဟောချင်ထှာနော်...)
ထိုင်းမှာနေတုံးက အငြိမ်းစားဗိုလ်ချုပ်တယောက်နဲ့စကားပြောဖူးတယ်။ သူက
လွှိုင်မွေမှာနေဖူးတယ်တဲ့။ အဲ့
တုံးကတော့ သေသေချာချာမသိလို့..ဟုတ်လားတခွန်းဘဲပြောခဲ့တာပါ။ အရင်က ဗြိတိသျှတို့အုပ်စိုးစဉ်ခါဒီတောင်ပေါ်မြို့လေးကို ဂျပန်နဲ့စစ်ဖြစ်လို့သာဆုတ်ခွါသွားကြရတာ။ မေမြို့ တောင်ကြီးနဲ့ လွှိုင်မွေ ဒီ ၃မြို့ကသူတို့ရာသီဥတုနဲ့တူပြီး အေးချမ်းတာလေ..။ အတော်သဘောကျကြတယ်တဲ့။ဒုတိယကမ္ဘာစစ်ဦးပိုင်းမှာ ထိုင်းကဂျပန် ကိုထောက်ခံ ဗြိတိသျှနဲ့အမေရိကန်ကိုစစ်ကြေငြာပေးခဲ့လို့၊ ဂျပန်တို့က ဒီလွှိုင်မွေခရိုင်ကို ၁၉၄၃ ဇူလိုင်လ ၄ ရက်နေ့မှာ ထိုင်းကိုလွဲပြောင်းပေးခဲ့တယ်တဲ့။ ခုမှဇာတ်ရည်လည်ပါတော့တယ်..။
ရွာပေါင်း ၃၈ ရွှာတောင်ရှိတယ်တဲ့..မြို့ကတော့ ခပ်ခြောက်ခြောက်လေးပါ...
ကဲပါလေ...မြို့ဦးစေတီရောက်တုံးဖူးကြတာပေါ့..နံမည်ကတော့အရှည်ကြီးပါ..မြို့ထိပ်ရွာထိပ်မှာတွေ့ရင် ရွာဦးစေတီ မြို့ဦးစေတီပေါ့..ဟုတ်လား..
အလှုငွေလေးလည်းထဲ့..ကိုကိုလေးကအသည်းအသန်ဖုံးထဲကစာကိုဖတ်ရူနေလေရဲ့ ..သေချာတယ် နောက်နှစ်မျက်မှန်တပ်ရပြီ..ဟီး..
ဒီဇင်ဘာဆိုရင် လွှိုင်မွေက ချယ်ရီတွေ တောင်လုံးပွင့်တာပေါ့...ခုတော့ ရှားရှားပါးပါး တပွင့်ထဲမြင်ခဲ့တယ်..
ကိုင်း..နူတ်ဆက်ပြီး..ပြန်လိုက်ပါအုံးမယ်လေ..
တောင်တွေလည်း သေသေချာချာကြည့်ရင် မြင်ရတာက သစ်ပင်ကြီးတွေသိပ်မရှိတာပါဘဲ...
ငယ်ငယ်က လေယဉ်ပျံပေါ်ကနေကြည့်ရင် တောအုပ်ထူထပ်နေတာပေါ့...တခုပြောပြမယ်သိလား..အာခါနဲ့လားဟူကို ထိုင်းတွေက တောစားဘီလူးလို့ခေါ်ကြတယ်..တောင်စောင်းမှာ ခုတ်ထွင်ပြီး ၃နှစ်လောက်စိုက်ပြီးနေရာပြောင်း..
အဲ့တာနဲ့ဘဲတောတွေပြောင်ကုန်တာတဲ့..ထိုင်းမိတ်ဆွေပြောပြတာပါ...
ကျိုင်းတုံလွင်ပြင်...
မယ်ငီး..လွမ်းလည်းလွမ်းလောက်ပါတယ်...မွေးရပ်မြေဟာ ဘယ်အချိန်ကြည့်ကြည့် သာယာနေတာ အမှန်ပါဘဲရှင်...

အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage

5 comments:

  1. ကိုယ္ေတာင္ေရာလြမ္းသြားတယ္ကြယ္။
    အိုင္အိုရာ

    ReplyDelete
    Replies
    1. အဟီး...
      မတို႔ရဲ႔ေမြးရပ္ေျမကိုလည္း
      စာဖဲြ႔ျပေလ..
      ေျမာက္ပိုင္းရွမ္းမေရာက္ဖူးဘူး..
      ေရာက္ဖူးခ်င္ထွာေနာ္... း))))

      Delete
  2. ဒီကေန႔ ဘေလာ့တစ္ခြင္လွည့္လည္စဥ္အခန္းမွာ မီးမီးငယ္ရဲ႕ 'လိႊဳင္ေမႊေတာင္စခန္းၿမိဳ႕ေလး' တစ္ပုဒ္ပဲ ဖတ္ခြင့္ရတယ္။ က်ိဳင္းတံုအလြမ္းေျပေလးျဖစ္သလို ငယ္စဥ္ဘ၀ က်ိဳင္းတံုမွာ တီတင့္ေဖေဖတာ၀န္က်စဥ္က လႊိဳင္ေမႊေတာင္ဘက္ကို ေရာက္ဘူးခဲ့တယ္။ အဲ့ဒီအခ်ိန္ကာလက အခုလိုနယ္ေျမ ေအးခ်မ္းမႈသိတ္မရွိေသးေတာ့ ေနာက္ခံရိကၡာျဖည့္တပ္စခန္္းေလးအေနနဲ႔ေပါ့။ ၃-လေလာက္ အိမ္ျပန္မေရာက္တဲ့ ေဖေဖ့ကိုလြမ္းတာနဲ႔ ေမေမ့ကိုပူစာၿပီး ရိကၡာပို႔အဖြဲ႔နဲ႔ လိုက္သြားဘူးတာ။ တစ္ညေလာက္ပဲေနရၿပီး က်ိဳင္းတံုျပန္တဲ့အဖြဲ႔နဲ႔ ျပန္လိုက္ခဲ့ရတယ္။ ဘယ္အခ်ိန္ၾကည့္ၾကည့္ လွပေနတဲ့ေတာင္တန္္းႀကီးေတြျမင္ခြင့္ရလို႔ ေက်းဇူးပါ မီးမီးငယ္။

    ReplyDelete
    Replies
    1. ေအာ္..
      ဟုတ္သားဘဲ၊ အန္တီတင့္ကက်ဳိင္းတုံဖက္မွာေနခဲ့ဖူးတာဘဲ။
      လြိဳင္ေမြမွာအမ၂ဝမ္းကဲြရဲပအမ်ဳိးသားလည္း
      ေလတပ္ဗိုလ္မူးဘဝနဲ႔တာဝန္ထမ္းေဆာင္ဖူးတယ္
      အဲ့တုံးကလည္းမေရာက္ျဖစ္ခဲ့ပါဘူး..
      ဒီလက်ဳိင္းတုံစိန္ေမရီေက်ာင္းႏွစ္၁ဝဝျပည့္နဲ႔ဆရာကန္ေတာ့ပဲြ
      ဆိုလားဘဲ အႀကီးအက်ယ္က်င္းပၾကတယ္။
      အန္တီတင့္ေကာ အထက ၂ မွာေက်ာင္းေနဖူးလား။
      ဟုတ္တယ္အရင္ကနယ္ေျမမေအးခ်မ္းေတာ့
      ေရပူစမ္းေလာက္ေတာင္
      သြားရင္အႏၱရယ္ရွိတယ္လို႔ထင္ရတာ..။
      လာလည္တာလည္းေက်းဇူးတင္ပါရေစရွင္...
      :D

      Delete
    2. တာေလကေန ၆တန္းေအာင္လာေတာ့ က်ိဳင္းတံု အထက-၂မွာ ၇-တန္းဆက္တက္ရတယ္ မီးမီးငယ္။ စာကညံ့ေလေတာ့ ၇-တန္းက်တယ္ေလ ဟာဟ။ တီတင့္ေဖေဖက တပ္တြင္းေက်ာင္းကိုေျပာင္းေပးလိုက္တယ္။ အခု ၇-တန္းတက္တုန္းက ရင္းႏွီးတဲ့သူငယ္ခ်င္းနဲ႔ ဖဘမွာျပန္ဆက္သြယ္မိၾကၿပီ။ ေရပူစမ္းကို အလည္သြားရင္း သူငယ္ခ်င္းအုပ္စု ဓာတ္ပံုရိုက္ခဲ့တဲ့ အမွတ္္တရပံုေလးေတာင္ ဘေလာ့ရဲ႕ဘ၀မွတ္တိုင္မ်ား ပို႔စ္တစ္ပုဒ္မွာတင္ခဲ့ေသးတယ္ :)

      Delete