Saturday, March 28, 2020

ကျိုင်းတုံဗုဒ္ဓဥယျာဉ်

မင်္ဂလာပါရှင်~~~
ခုနောက်ပိုင်းမှာ ကျိုင်းတုံကိုအလည်ရောက်ရင် လည်ပတ်စရာနောက်ထပ်အ သစ်တွေအများကြီးရှိလာပြီ။ လွန်ခဲ့တဲ့၂၀၁၂ ခုနှစ်တုံးက ၄လနေခဲ့သေး။ ကိုယ်ကဘဲအလုပ်တွေရူပ်နေလို့လားမသိ၊ ဘာမှမကြားမိ မသိခဲ့ဖူး။ 
တက္ကသိုလ်အနောက်ဖက်ကတောင်ပေါ်မှာ ဆရာတော်တပါးရှိတယ်။ နံမည်ကြီးတယ်လို့တော့ ပြောသံကြားမိပါတယ်။ အကြောင်းမတိုက်ဆိုင်လို့ မမေးမိပါ။
နောက်ပိုင်းဆရာတော်က ဒေသခံတွေနဲ့လက်ဖက်ခင်းတွေ နှင်းဆီခင်းတွေကြီးအကျယ်စိုက်ပျိုးတယ်တဲ့။ ဘိန်းအစားထိုးစိုက်ပျိုးရေးတွေလုပ်ပြီး တောသူ တောင်သားတွေကို ကူညီပေးတယ်တဲ့။ 
ကျိုင်းတုံမြို့ပတ်ချာလည်မှာလည်းစစ်တပ်တွေကများတော့ ဆရာတော်စစ်တပ်ဖက်ကလူတွေ အဝင်အထွက်များတယ်ပေါ့လေ။ ထုံးစံအတိုင်း ရာထူးကြီးတွေ ဝိုင်းတော့လည်း ဆရာတော်ဖြစ်ချင်တာတွေ လက်ညိုးထိုးရင် ဖြစ်လာသလိုပါဘဲ။ 
တောင်ကတုံးပတ်ချာ လည်နီးပါးဖြစ်လာတော့မဲ့ ကျိုင်းတုံမြို့လေးမှာ ဆရာတော် မေတ္တာစေသနာကြောင့်လှပတဲ့ နှင်းဆီတောင်ကုန်းတွေပန်းခင်း‌ ဘုရားတွေနဲ့ အထူးခြားဆုံးက ဆရာတော်ကစာရေးဝါသနာပါ ကဗျာစပ်ဝါသနာပါလို့ ဆရာတော်စပ်ထားတဲ့ကဗျာလေးတွေကို အုတ်ဂူလို ကမည်းတင်ထားတဲ့ ကဗျာသင်ချိုင်းဆိုတာတွေ (ဖတ်လို့အရမ်းကောင်းပါတယ်) ပေါ်လာတယ်။ 

ရောက်ရင် သွားလည်ဖို့တိုက်တွန်းပါတယ်။ ဆရာတော်က တာချီလိတ်ဖက်မှာလည်း သီတင်းသုံးဖူးတော့ ထိုင်းဒကာတွေအများကြီးလည်းရှိတယ်တဲ့။
ဗုဒ္ဓဥယျဉ်လို့နာမည်ပေးထားတဲ့ တာချီလိတ်အသွားလမ်းမှာရှိတဲ့ တောင်ပေါ်ဘုရား
 ထုဆစ်လုပ်ထားတာတွေ သပ်ရပ်လှပချက်က ပြောစရာမရှိပါ
ဘုရားရုပ်ထု အနောက်ဖက်နားက အိမ်သာဆောက်နေတာ၊ ပြီးသွားပါပြီ ဒါပေမဲ့ဆရာတော်ပြန်စစ်ကြည့်တော့ မကြိုက်လို့ ပြန်ဖျက်ပြန်ပြင်နေတာတဲ့( ခင်ခင်စပ်စုကြည့်တာ😁)
အဝါရောင်အကွက်လေးတွေက ကနုကမာလေးတွေပါ..။ 
တချက်ခြင်းဆက်ပြီး ဘုရားကိုယ်တော်ရဲ့အောက်က ပလ္လင်ပုံစံမှာ ဟော်ခန်းလိုလို ပြတိုက်လိုလိုရှိတဲ့ ပြခန်းအဝင်ဝတံခါးမှာ ကပ်ထားတာအဝေးကနေကြည့်ရင် ကျောက်ပြားတချပ်လိုပါပဲ။
ကနုကမာတချပ်ကို တန်ဖိုးလည်းမနဲလှဘူး..။ ဒီတချပ်လုံးတပြင်လုံးဆို..တန်ဖိုးအတော်ကြီးမယ်လို့..ခန့်မှန်းမိပါတယ်။ ကိုယ်တိုင်လည်းကနုကမာလေးကြိုက်တတ်သူဆိုတော့ တစိမ့်စိမ့်ကြည့် တောင်ဖက်ကနေကြည့် မြောက်ဖက်ကနေကြည့် ဘယ်လိုကြည့်ကြည့်လှနေတာပဲဆို😍
အထဲက လွိုင်ကော်ကျောက်ပြားခေါ်မလား မာဘယ်ကျောက်ပြားလို့ဆိုသလား
အချပ်လိုက် ဗုဒ္ဓဝင်ပုံတော်တွေထုထားတာ Wow 😮 တင့်တယ်လှပခန့်ညား🙏🙏🙏

အောက်က စာတမ်းထဲမှာ(အကြီးမဟုတ် ခပ်သေးသေးလေး ကျောက်ပြားနားကပ်ထောင်ထားတာ)အလူရှင်နံမည်ပါတယ်...ဘယ်သူတွေလည်းသိချင်ကြလား..😁
အောက်ထောက်ထားတဲ့တိုင်လည်း ကျောက်ပြားတိုင်ပဲ..။ လက်ရာအနုစိတ်က အဲ့မခန်းပါဘဲ။
အသေးစိတ်သိချင်ရင် အဲ့ကျောက်ပြားကို ပုံကြီးချဲ့ဖတ်ပါလေ😜 ၂၀၁၆ မှာစပြီး" အဘယရာဇမုနိ ရုပ်ပွားတော်မြတ်ကြီး"ကို မြေသန့်ရှင်းလင်းတည်ဆောက်ခဲ့တာ၂၀၁၈ မှာ ဖွင့်လှစ်ခဲ့တာ..တဲ့😁... ။ လိုရင်းတိုရှင်းပေါ့ဗျာ 🙏🙏🙏

 အပေါ်(ဘုရားရုပ်ပွားတော်) တက်ဖို့လှေခါး
 ဘုရားတောင်ပေါ်ကနေမြင်မြင်သမျှလှပလို့...
 နောက်နေရာတခုထပ်သွားကြရအောင်..ဘုရားတောင်ပေါ်ကနေထပ်တက်ရ
 နှင်းဆီပန်းခင်း...
အဲ့ဒီနေရာကနေကြည့်ရင် မိုးလေဝသ(လွှိုင်မွေတောင်) ဖက်ကိုလှမ်းမြင်ရတာတဲ့..။
ဟိုး..အမိုးနဲ့စိုက်ခင်းက ဟော်လန်ပန်း လီလီပန်းခင်းတွေပါ
နှင်းဆီပန်းခင်းရဲ့ ထိပ်ကအိမ်တန်းလျားမှာ ဆရာတော်ကြွလာလို့ (ဆရာတော်လာရင် အဲ့နေရာမှာ နားတယ်လေ) သွားဖူးတာ ဖူးလိုက်ရသေး 🙏
 ပန်းတွေပွင့်ချိန်ဆိုရင် အရမ်းလှတာပဲတဲ့။

 စတော်ဘယ်ရီကို သံပုံးတွေနဲ့တန်းစီစိုက်ထားတာ...
 
လီလီပန်းတွေ အများကြီးဝယ်တော့ အဲ့ဒီကအလုပ်သမားကြီး စတော်ဘယ်ရီကျွေးတယ်..😇 တကယ်ဆိုတောင်းစားတာပါ..😂



တချို့စတော်ဘယ်ရီကိုတော့ မြေချစိုက်ထားတယ်။

သွားလည်ရင် အချိန်ရွှေးပြီးသွားပါလေ..အော်ဂဲနစ်စတော်ဘယ်ရီစားရမယ်

 ပန်းတွေလက်ညိုးထိုးပြီးရွှေးဝယ်လာလို့ရ😘
 အလုပ်သမားကြီးကိုလည်း အများကြီးစပ်စုခဲ့...😎
 လှတယ်နော်...
ဆရာတော်လာတာ လိုက်ပို့တဲ့ ကားသမားလေးက အတင်းသွားဖူးဖို့ပြောတာနဲသွားတာ..စိတ်ထဲမှာ ကိုယ်တွေကိုဂရုတောင်စိုက်မှာမို့လားလို့ထင်တာ.. အဟဲ.. ပုံစံကိုကြည့်ပြီး ဆရာတော်စကားမစခင် ခင်ခင်ရှည်ကြီးကဦးအောင် ရှမ်းလိုတပည့်တော်က ကျိုင်းတုံဇာတိပါ အလည်ရောက်တုံးလာဖူးတာပါဆိုမှ ဆရာ တော်က ထိုင်းလူမျိုးထင်နေလို့လေ..😉 ဆရာတော်ကထိုင်း၄-၅ ယောက်နဲ့ကြွလာတာ။ ထိုင်းတေထေးတွေပေါ့ 😊 မြင်လိုက်တာနဲ့သိတာ နံမည်ကြီးတွေဗျ
ဆရာတော်ကို ပန်းတွေလှကြောင်း အနံမရှိတာကိုပြောမိတယ် တပည့်တော်လီလီပန်း အမြဲဘုရားတင်တယ်လို့ ၂ ခိုင်ကို US$10ကျော်ပေးရတယ်လို့ လီလီပန်းကြိုက်တာရော ဟော်လန်မှာနေဖူးတော့ ပန်းတွေလေ့လာဖြစ်တာရော..ဖယာဖယား..အချိန်တိုတိုလေးကို ငါအတော်ရှည်တာပဲလို့ဆို😱😂 ဆရာတော်ပြန်မိန့်ပါတယ် ဟော်လန်ကနေတိုက်ရိုက်သွင်းတာကိုလိုချင်ပါတယ်တဲ့။ ခုကတရုတ်ကနေပဲ ဝယ်ရတယ်ဆိုတဲ့အကြောင်းနဲ့ ဆရာတော်ဖုံးနံပါတ်ပေးပြီး သူ့ဆီကိုတိုက် ရိုက်ဆက်ခိုင်းပါတယ်..စိတ်မကောင်းစရာတခုက မြန်မာပြည်မှာတ
ဦး တည်းကိုယ်စလှယ်ရှိပြီး သူ့ဆီမှာဘဲဝယ်လို့ရတယ် ဟော်လန်ကနေတင်သွင်းခွင့်မရှိဆိုတဲ့အကြောင်း ဟော်လန်မှာစုံစမ်းပြီး ဆရာတော်ကိုအကြောင်း ပြန်ဖို့ကြိုးစားတာခုထိမရသေး 😔 

 အပြန်ကို ဥယျာဉ်ဝင်ကြတယ်။
 တောင်တွေနောက်ခံထားပြီး ဒီလိုမြင်ရတာက တမျိုးထူးခြားနေပါသလား..
 အချိန်ရှိရင် နေထွက်ချိန်စောင့်ပြီး ရိုက်ရင် ပိုလှမှာ
 ဖတ်ပြီး..စိတ်ထဲတမျိုးခံစားရပါတယ်..
 လွမ်းမောစရာကောင်းတဲ့နေရာလေးတခု
 ဘာအဓိပ္ပါယ်မှန်းတော့မသိ...
 ကဗျာသင်ချိုင်းဆိုတာ ရှေ့ကအုတ်ဂူလိုလိုပြောတာပါ
 ဆရာတော်ဘုရားက မိုင်းဖုန်းဆရာတော်လာရင် တည်းဖို့လုပ်ထားတယ်တဲ့။
 ဆရာတော်ရဲ့ ကဗျာ အဆုံးအမစာ
 မိုင်းဖုန်းဆရာတော်ဂူကနေ တောင်ပေါ်ဖက်ပြန်ကြည့်ရင်..
ကဲ... အားလုံးမဟုတ်ပါ အသေးစိတ်မဟုတ်ပါ ကိုယ်မြင်ခဲ့တာ ကိုယ်ခံစားသလို
နဲနဲပါးပါးပြန်ဖေါက်သည်ချတာပါလေ..

အားလုံးပဲ ကိုဗစ်ကပ်ရောဂါဘေးကနေကင်းလွှတ်ကြပါစေ
ရွှင်လန်းချမ်းမြေ့ကြပါစေ
#meemeenage

0 comments:

Post a Comment