ကျမရဲ့နေရာလေး: ကျိုင်းတုံရေတံခွန်

မင်္ဂလာပါရှင်~~~

ငယ်ငယ်တုံးကရေတံခွန်ဆိုတာ ပြန်အမှတ်ရနေမိ၊ တော်ထဲတောင်ထဲလမ်းလျောက်သွားခဲ့ရဖူးတယ်။ ဈေးထဲကောက်ညှင်း ထိုဖူးသုပ် ဝက်ခေါက်ကြော်ငရုပ်သီးထောင်းထိုဖူးချဉ်တွေဝယ်ပြီး ကိုယ့်အထုပ်ကိုယ်လွယ်လို့အုပ်စုလိုက်ချီတက်ကြရတာ..။ ခုတော့ နောက်တနေရာမှာ ရေတံခွန်တခုတဲ့။ ကျိုင်းတုံရေတံခွန်တဲ့။ အသစ်ဖွင့်တာတဲ့။ပင်းတောက်ရေတံခွန်ဆိုတာလည်း ရောက်ဖူးတယ်။ အာခါရွာကိုဖြတ်သွားရတာ။ အိမ်ကအညာသားကြီး ရေတံခွန်အရမ်းကြိုက် 😁 ကဲ..သွားကြရအောင်လေ..။

ကျိုင်းတုံဆိုတာ တောင်တန်းတွေပတ်ချာလည်ဝိုင်းရံနေတဲ့လွင်ပြင်ပြန့်ကြီးတခုမှာတည်ရှိနေပါတယ်။ ဒယ်အိုးပုံသဏ္ဉာန်ရှိတဲ့မြို့ဆိုတော့..ပတ်ချာလည်တောင်တန်းတွေပေါ်မှာ တိုင်းရင်းသားမျိုးစုံရဲ့ ရွာပေါင်းကမနဲပါ။ အနောက် နိုင်ငံက တိုးရစ်တွေလာရင် အဲ့ဒီတောင်ပေါ်တက်ကြတော့တာပဲ😎

ဒီကျိုင်းတုံရေတံခွန်ဆိုတာလည်း ပတ်ချာလည်တောင်ကြောအောက်ခြေတနေရာကဆိုပါတော့။ ပုဂ္ဂုလိကလုပ်ငန်းတခုပါ။ အစိုးရမြေဌားပြီး(ရေတံခွန်အပါ)ကပ်ရပ်မှာ ခြံစိုက်ထားတာလည်းတွေ့ခဲ့တယ်။

ဟော်တယ်တခုပါပြီး အပမ်းဖြေနေရာလေးတခု စားသောက်ဆိုင်တဆိုင်ရှိတယ်။ နွေရာသီဆိုရင် ပိုစည်တယ်ပြောတာပဲ။ ပိုင်ရှင်ကတော့ လူဝင်ကြေး ကားဝင်ကြေးတွေကောက်ပါတယ် အရင်းတောင်ပြန်မရနိုင်သေးလို့ဆိုပါသတဲ့။

အလုပ်သမားတွေအများကြီးတွေ့ခဲ့တယ်။ ရေလောင်းပေါင်းသင် သန့်ရှင်းရေး
အစုံပါပဲ..စပ်စုစိန်တို့ ကပ်ပြီးစကားပြောကြည့်တာ ပြည်မကခလေးတွေလည်းမနဲဘူးဗျ...။

ရာသီဥတုကသာယာပေမဲ့ လယ်ခင်းတွေရဲ့ကောက်ရိုးမီးရိူ့ချိန်ဆိုတော့ မှောင်ရီမိူင်းလို့ပေါ့ဗျာ..အီကိုယ်လည်းအသက်ရူကြပ်ပေါ့..။ အလာဂျီသမားဆိုတော့ အနံ့တွေကအရမ်းဒုက္ခရောက်ပါတယ်။