မယုံလို့ပုံပြင်မှတ်ပြီးပြန်ခဲ့တယ်

မင်္ဂလာပါရှင်~~~

ကျိုင်းတုံငါးကန်ကစားသောက်ဆိုင်တခုပါ

အဟမ်းအဟမ်း..အရင်ဆုံးလည်ချောင်းရှင်းတာပါ..အဟဲ...။ ပထမဦးဆုံးလနဲ့ချီပြီး ဘလော့ကနေပျောက် သွားဖူးတာက အကိုဆုံးလို့၊ ဝမ်းနဲပြီး ဘာမှမလုပ်နိုင်။ နောက်ထပ် အကိုကြီးက ၈လလောက်ကြာတော့

ထပ်ဆုံးပြန်တယ်။ ခုကြတော့ အမက ရုတ်ရက် လည်ပင်းအကြိတ် ခွဲရတာ၊ အဆီကြိတ်ဖြစ်မယ်မှန်းမသိ ဘာမှန်းမသိ၊ ရင်ထဲမှာ တမျိုးကြီး၊ တူမလေးကလည်း လမစေ့ ခလေးဗိုက်ခွဲမွေးရမယ်တဲ့၊ တူလေးကလည်း အစာအိမ်ယောင်လို့ဆေးရုံတက်နဲ့အိမ်ကအမေ ၈၄နှစ်ရှိတဲ့လေဖြတ်နေတဲ့မိခင်အိုကြီးကို တံခါးပိတ်ထားပြီး ဆေးရုံမှာ အားလုံးသွားအိပ်နေကြရတယ်..ဆိုတော့ မယ်ငီးလည်း ခါးထောင်းကျိုက်ပြီးပြေးတာပေါ့...။ အိမ်ဌားကတက်လာတာ ရက်ပိုင်းဘဲရှိသေးတာ..။ သူ့တို့ကိုသော့အပ်ပြီး ဆေးရုံပြေးကြတော့ သူတို့ ခမျာလည်း အမေ့ကို ချေးဝတ်သေးဝတ်ကအစ လာပြီး စောင့်ရှောက်ပေးကြတယ်။ လူမမာ၂ယောက်ကို

ပြုစုရတဲ့ တူမလေးက ကိုယ်ဝန်ဆိပ်တက်ပြီး လမစေ့ဘဲ ဗိုက်ခွဲ ခလေးမွေး။အိုး..ပြောမနေနဲ့ အိမ်မှာက

ဆိုင်ဖွင့်ထားသေးတယ်..။ ဒါတွေသိမ်းကျုံးပြီး မယ်ငီး လုပ်ခဲ့တာလေ..။စာရင်းချုပ်လိုက်တော့ရှင်..ဆိုလိုရင်း

က ပို့စ်မတင်ဖြစ်ဘူးဆိုပါတော့..အဟီး..😁😆😉

ဂုံရှမ်းထုံးစံခလေးကင်မွန်းတပ်နဲ့အမအတွက်ဇာတာဆက်(စေ့ကျိုင်းတာ)လုပ်တုံးကခလေးတလပြည့်

ကိုင်း..ပုံပြင်မှတ်ရမဲ့ဇာတ်လမ်းတွေလည်း အများကြီးပေါ့...။ မွေးလာတဲ့ခလေးက အားလုံးပြည့်စုံ အမက လည်းရိုးရိုးအဆီကြိတ် ဆိုတော့ မယ်ငီးစိတ်အေးလို့၊ တောပြန်ခရီးမှာ သူငယ်ချင်းတယောက်ပါလာတာ

ကိုထိုင်းလိုက်ပို့ပေးမယ်ပြောထားတာ..ဆက်လက်အကောင်အထည်ဖော်..လို့ကျိုင်းမယ် ကျိုင်းရိုင်းသွားဖို့

ပြင်တာပေါ့၊ ခရီးထွက်မဲ့မနက်မှာဘဲ၊ အမကဆိုင်ကယ်တိုက်ခံရပါတယ်..။ လူက ကတ္တရာလမ်းပေါ်ပစ်

ကျလို့ ခါးရိုးထိသွားတယ်။ ကျိုးတော့မကျိုးဘူး..ဆိုတာနဲ့..ထူးပါဘူး..သွားစရာရှိတာသွားခဲ့ပါတယ်..။

ရက်အတိအကျမသတ်မှတ်ဘဲ ခြေဦးတည့်ရာသွားလည်ကြလို့ ၁၂ရက်ကြာသွားပါတယ်..။ သူငယ်ချင်းကို

အစကတဲကပြောလိုက်တာ..မယ်ငီးကိုခရီးစာရိတ်ခံနော်...လို့..ဟီး..ဆရာသမားလည်းပေးရှာပါတယ်။

မယ်ငီးတော့ ဒေါ်လာ ၄ဝဝ ကျော်ဘဲကုန်ပါတယ်(မှန်တာပြောတာနော်..) သူတော့ အတော်ကုန်သွားမှာပေါ့

ဒီလိုကပ်စီးကုပ်ပြီး ကြံဖန်သွားရတာ အတော်သနားစရာကောင်းတဲ့ မယ်ငီးလေ😁😁တကယ်တော့ စီစဉ်ထားတာတမျိုးပါ တကယ်တန်းသွားရတာက နောက်တမျိုးနဲ့ပေါ့လေ..။ ဒီလိုပါဘဲ ဘဝမှာ မမျော်လင့်ဘဲ အကွေ့အကောက်တွေနဲ့ရင်ဆိုင်လာရင်လည်း အလိုက်သင့် အလျားသင့်လေးမျောသွားတတ်ရတယ်လေ။

ကျိုင်းတုံဂိုက်လေးနဲ့မယ်ငီးတို့တောင်ပေါ်လားဟူရှီးဆိုတဲ့လူမျိုးရွာကိုသွားခဲ့တယ်

ကျိုင်းတုံမှာလည်း သူငယ်ချင်းကိုလိုက်ပို့ရင်း..တောတွေတောင်တွေတက်ခဲ့သေးတယ်...။

နံမည်ကြီးတဲ့ရွှေတြိဂံနယ်မြေ

တာချီလိတ်၊မယ်ဆိုင်၊ကျိုင်းရိုင်း၊ ကျိုင်းမယ်၊ လွိုင်တုန်း၊ ဘုရင့်မယ်တော်ပန်းခြံ၊ မယ်စလောင်၊ ရွှေကြိဂံ နယ်မြေ..ဒီလိုနေရာတွေသွားခဲ့ကြတာပေါ့။ ခုတလော ကိုယ်တို့မွေးရပ်မြေအပါအဝင် ထိုင်းနယ်စပ်ဖက်က လည်စရာပတ်စရာတွေ သွားလည်ကြတာ ကိုယ်တို့ပြည်ကြီးမှာ အတော်ခေတ်စားဆိုဘဲ...။

Chaingrai Black house

ရန်ကုန်ရောက်ပြီး ချစ်လှစွာသောညီမလေး မဒမ်ကိုးရဲ့ကျေးဇူးနဲ့ တောင်ငူသွားရင်း သံတောင်ကိုလည်း

ရောက်လိုက်သေးတယ်လေ..။

ကရင်ပြည်ရောက်ရှမ်းတယောက်ပါ :P

ဒီတော့ ဒီမှာမိတ်ဆက်ပေးတဲ့သဘောနဲ့ ဓါတ်ပုံလေးနဲနဲလောက်မျှဝေထားပါရစေ။ နောက်မှ တနေ့နည်း နည်းလာအာလူးဖုတ်ကြတာပေါ့နော်..။ ပုံပြင်ဇာတ်လမ်းမဟုတ်တဲ့ ပုံပြင်လေးတွေအများကြီး ကြုံခဲ့ တွေ့ခဲ့

ခံစားခဲ့တဲ့ ခရီးစဉ်တလျောက် (ကျိုင်းတုံမှာနေတဲ့ ၃လအပါအဝင်) ဆိုပါတော့...။

အချိန်တိုင်းစပ်ဖြီးဖြီးမယ်ငီးပါ
လမ်းတွေ့ရင်လည်းခေါ်လို့ရပါတယ်လမ်းကြုံရင်လည်းမုန့်သာဝယ်ကျွေးလိုက်ပါ..လေ

အော်...မေ့နေလို့...အမြဲတမ်းဓါတ်ဖမ်းတတ်တဲ့ သူငယ်ချင်းပုံပြရအုံးမယ်...

နောက်တခါမှ ခရီးစဉ်လေးတွေ အာလူးလာဖုတ်အုံးမယ်လေ...

အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage