မီးမီးကမီးကိုကြောက်ပါတယ်ရှင်...

မင်္ဂလာပါရှင်~~~

မနေ့ နေ့လည်က (တနင်္လာနေ့ဆိုရင် စနေတနင်္ဂနွေတနေကုန်သွားလည်ခဲ့တော့ တနေကုန်သိမ်းဆည်း) ရတဲ့နေ့တနေ့ပေါ့) သီချင်းလေးဆိုလိုက် ကြမ်းတိုက် သိမ်းဆည်းနေတာ၊ ဗြုံးဆို မီးကပျက်သွားရော..၊ ထမင်းအိုးကစပြီးခလုပ်နှိပ်ရုံလေး...။ အိုးမိုင်ဂေါ့..ဆိုပြီး ချစ်ချစ်ကြီးဆီ ဖုံးဆက်မေးရတယ်..။ လေကလည်း

အရမ်းတိုက်တာကိုး...။ သူကပြောပါတယ် ဘေးပတ်ဝန်းကျင်ကိုကြည့်အုံး ကိုယ့်အိမ်တအိမ်ထဲဖြစ်နေအုံး

မယ်တဲ့။ ဒါနဲ့ ပြူတင်းပေါက်လိုက်ကာ လှပ်ပြီး ကြည့်လိုက်တော့ ပြေးနေတဲ့လူတွေမြင်မိသား။ နောက်တော့ အိမ်တံခါးကိုတအုံးအုံးနဲ့ လာထု တံခါးဖွင့်လိုက်တာနဲ့ လူကို "Mam!! you have to leave now!!!" ဘုရားရေ...ကယ်ပါ..ခုချက်ချင်းအိမ်ကနေထွက်ပေးပါတဲ့...။ မီးလောင်နေတယ်ဆိုဘဲ..။

အောင်မငေး..ရွှေတိဂုံဘုရားကယ်ပါ အလောင်းမင်းတရားကယ်ပါ။ မယ်ငီး အိမ်နေရင်းချက်ရင်းပြုတ်ရင်းနဲ့

အင်္ကျီပါးပါးလေး ဘောင်းဘောင်းပါးပါးလေး( အပူပေးစက် ၅လုံး စလုံးဖွင့်ထားတာလေ ဟန်ကျနေတာ) ချက်

ချင်းဆိုတော့ အင်္ကျီထူဘဲဆွဲရမလိုလို သေတ္တာ(ကျမကျားကျားကအမြဲဘဲအဆင်သင့်ပြင်ထားတာ စာရွက်စာ

တမ်းနဲ့ပတ်စ်ပို့ထဲ့ထားတယ်၊ အရေးအကြောင်းရှိရင် အဲတာယူပြီးပြေးလို့မှာထားတာ) ဘဲအရင်ယူရမလိုလို၊

ကွန်ပြူတာ၂လုံးထဲ့လို့မှာထားတာလည်းရှိတော့ ကိုယ်လည်း ကွန်ပြူတာတော့ ထည့်တယ်။ ဟီး..မယ်ငီးကွန်

ပြူတာဘဲထဲ့တာ သူ့ဟာကျတော့ထဲ့ခဲ့မိဘူးဗျ။ 😂 သူရုံးသွားတော့ သူ့ရုံးကွန်ပြူတာဘဲသုံးတာကိုး..။ သူ့ကွန်

ပြူတာတော့ အပြင်ကိစ္စ ကိုယ်ရေးကိုယ်တာကိစ္စဘဲသုံးတာလေ။ ဒီလိုဘဲ အိမ်မှာဒီအတိုင်းထားတာဆိုတော့

ဂရုမစိုက်မိတာလည်းပါတယ်။ အပြင်မထွက်ခင် စိတ်ကိုငြိမ်အောင် ထိန်းပြီး ပြန်စဉ်းစားရတယ်..။ ဘာတွေ လိုသေးတုံး..ပေါ့.. memory recall ပြန်လုပ်ရသေးတယ်..။အသက်လေး ၅ဝ ကျော်တာနဲ့ မှတ်ညာဏ်က အိမ်နောက်လှေခါးထစ်ကနေပြန်ဆင်းသွားပြီဘဲ..။ အော်..ပိုက်ဆံအိပ်..လေကအရမ်းတိုက်တော့ ဦးထုပ်

အပူချိန် အနုတ်အောက်မှာ ဘယ်သူများအပြင်မှာကြာကြာနေနိုင်မလဲဗျာ..။ အာရှမှာနေတဲ့သူတွေ မျက်စိထဲ

မြင်အောင်ပြောရရင်တော့ ရေခဲသေတ္တာအပေါ်ထပ်အခန်းထဲဝင်ထိုင်နေသလိုပေါ့လေ..။ winter coat နဲ့

လည်ပတ်..။ ဘွတ်ကြီးကောက်စီးလို့ ထွက်ဖို့အဆင်သင့်..။

ကိုင်း..ချစ်မိတ်ဆွေများ..မျက်စိထဲမြင်ယောင်ကြည့်ပေါ့..ညအိပ်ဝတ်ချည်သားဘောင်းဘောင်းပါးပါးလေးနဲ့

winter coat သိုးမွေးလည်ပတ် သိုးမွေးဦးထုပ် သေတ္တာတလုံးနဲ့နှင်းတောထဲစီး ဘွတ်ဖိနပ်ကြီးနဲ့ 😝

ရဲကြီးကိုကိုကအဆင်သင့် အပြင်မှာစောင့်နေတာလေ။ထွက်မလိုလုပ်နေတုံးသတ္တိခဲကြီး မယ်ငီး ရူရူးဖလား ဝါးချင်သလိုလို အင်းအင်း..ဘဲသွားရမလိုလို( သေချာတယ် သူများတွေပြောပြောနေတဲ့ ကြောက်ချေးပန်း

ဆိုတာဘဲနေမှာလေ)😜 ဒင်းကိုချောင်းကြည့်ပြီး ပါးစပ်ကလည်း I'm coming..လို့အော် ရူးရူးဖလားဝါးရပေါ့

ဟီးဟီး..တံခါးတောင်ပိတ်ရဘူးဆို..မီးသတ်သမားက တံခါးသော့မခပ်ခိုင်းဘူး..ဒီအတိုင်းဖွင့်ထားခိုင်းတာ။

ရဲတွေ လူနာတင်ကားတွေ မီးသတ်သမားတွေ ခန္ဓာတောင့်တောင့်ကြီးတွေ တူတွေရဲဒင်းတွေနဲ့ ပြေးလာ

ကြတာ..ကြောက်စရာကြီးဗျာ..လူမရှိတဲ့အခန်းဆို တံခါးတွေဖျက်ပြီးဝင်သွားကြတယ်..။

ထွက်ဆိုတော့ ထွက်လာတာ ပြောင်းလာကြတာလည်း ၅လလောက်ရှိပေမဲ့ ခင်မင်တဲ့သူမရှိ။ ရီပြပြုံးပြအ

ဆင့်ဘဲရှိကြတော့ လမ်းမပေါ်မှာ မယ်ငီး ဘယ်သွားရမှန်းမသိ..။ လေကလည်းတဝူးဝူးတိုက်..။ တချိန်လုံး

ကျားကျားကိုဘဲ ဖုံးခေါ်နေတယ်။ သူလည်း သူ့အလုပ်ကနေ ချက်ချင်းထွက်ခဲ့ပါတယ်။ ရဲတွေက နေရာပတ် လည်ကိုအဝါရောင် တိတ်ကြိုးတွေနဲ့ပတ်ကာပစ်လိုက်တာ..။ ဘယ်သူ့မှ အဲ့နေရာဖြတ်သွားမရ..။ အော်...

ဘဝ ဘဝ..ဟစ်လို့သာအော်လိုက်ချင်ပါ၏....။ ကိုင်း..ဖြစ်သမျှအကြောင်းအကောင်းဘဲ..လာစမ်း...ဓါတ်ပုံ

ရိုက်မလို့ ကင်မရာကမပါလာ..ကိုယ်ကတောသား သုံးတဲ့ဖုံးက ပန်းသီး သစ်တော်သီးဟုတ်ဘူး..။ black

berry အစုတ်လေး..။ အမယ်..အထင်မသေးနဲ့ရှင့်..အမေရိကန်သမတ ဆိုရင် အဲ့ဖုံးမျိုးဘဲကိုင်ရတာ..တဲ့။

ရှိတဲ့ဖုံးနဲ့ ကင်မရာနဲ့ဓါတ်ပုံရိုက်တာဘဲ.. ၁ဝ ပုံရိုက်တာ ၂ပုံဘဲရတယ်..။ ကျန်တာတွေက Black Berry

ဆိုတဲ့အတိုင်း black ဘဲထွက်လာတယ်..အဟဲ... လက်တုန်လို့ ဘာနှိပ်လို့နှိပ်မိမှန်းလည်းမသိ..။

အဆိုးထဲရောက်ရင် အကောင်းကိုရှာပါဆိုတဲ့အတိုင်း သူများတွေလို ( တောပြန်တော့ ဟိုကမေးကြပါတယ်

အထုပ်အထည်တွေ ဘယ်နှစ်ဆက်လောက်စုမိပြီလဲ..တဲ့) အထုပ်အထည်ဆိုတော့ ဒီ ငဒူကြီး သိပ်နားမ လည်ဘူးလေ 😁 ဒီတော့ ပြန်မေးကြည့်ရပါသေးတယ်..ဟဲ့ အထုပ်က အဆက်နဲ့လာတာလား...ဘယ်လို အထုပ်ကြီးလဲပေါ့ 👀 မေးခွန်းထုတ်တဲ့ချစ်လှစွာသော ဘယ်ရင်းကြီး မျက်စောင်းတလုံး ပစ်သွင်းပြီးမှ မယ် ငီးနင့်ကိုမေးတာ စိန်ရွှေရတနာ ဘယ်လောက်စုမိထားလဲ...တဲ့..။ ကိုင်း..မယ်ငီးတောကြတာများ ကြာလေ အူလေရှင့်...။ အဆက်အထုပ်ကြီးဆိုတာကလည်း မရှိရှာလေတော့ ဆွဲပြေးဖို့ စာရင်းထဲမရှိ၊ ဒီတော့ ရှိတာ

လေးဆွဲပြေးရတာ..အဟဲ အတော်လေးသား..အဆက်ကြီးသာရှိရင် အရေးကြီးတဲ့ ရူရူးဖလားဝါး လုပ်ချိန်

တောင်ရှိမှာဟုတ်ဘူးနော်..တော်သေး..ဒီလိုကောင်းကွက်လေးရှာတွေးလို့ရသေးဗျား...။

သူများတွေတော့ ညှော်နံ့တွေရကြတယ်တဲ့..။ ဒီက မယ်ငီးတော့ တချိန်လုံး နှာစေး နှာမမကြီးဆိုတော့ ဘာ
အနံ့မှလည်းမရ..မီးတောက်လည်းမမြင်ရဘဲနဲ့ ပြေးလွှားနေရတာ..။ နောက် မျက်မှန်းတန်းမိနေတဲ့ အိမ်နီးချင်း
အမဲဆိုပေမဲ့တော်တော်ဖြူတဲ့အမဲဘဲ) သူကအိမ်ထဲဝင်ဖို့လာခေါ်တာနဲ့၊ သူ့အိမ်ထဲခဏဝင်ထိုင်နေရ

သေးတယ်။ နာရီဝက်ကျော်ကြာတော့ ကျားကျားပြန်လာပြီး ကားထဲဝင်ထိုင်စောင့်နေရတာ။ ၁၅မိနစ်

လောက်ပါဘဲ သူတို့တွေဝင်လို့ရပြီဆိုမှ သေတ္တာလေးဆွဲလို့ ပြည်တော်ပြန်ခန်းလေး လုပ်ရတော့တယ်..။

ထမင်းအိုးကလည်း ဆန်က ၂နာရီနီးပါးလောက်စိမ်ထားသလိုဖြစ်နေတာ။ ပြီး ဂစ်နဲ့ချက်တော့ အရမ်းကို

ကောင်းနေရော...ရင်တုန်ပန်းတုန်နဲ့ စားသောက်ပြီး ကုလားသေကုလားမောအိပ်..အဲ့လေ...အဲ့လိုရေးရင်

ပြောခံနေရအုံးမယ်..ရှမ်းသေရှမ်းမော..အိပ်ပေါ့ရှင်....။ တော်ပါပြီမီးရယ်.. ၃ခါရှိပါကောလား..ညည်းလေး

နဲ့တွေ့တိုင်း ခင်ခင်အူကြောင်ကြားဖြစ်ရတယ်...။

ဒီတခါ ဖြစ်တဲ့အိမ်ခန်းပိုင်ရှင်က ဒေါ်နယ်ထရမ့် ဗီဇာပိတ်လိုက်တဲ့နိုင်ငံတွေထဲကလူတွေပေါ့။ မျက်နှာကြီးကို

ရှစ်ခေါက်ချိုးမာန်ချီထားတဲ့ အခန်းကတဲ့...ဟွန့်...သူတို့ကိုမြင်လို့ ရီပြရင် ကိုယ့်ယုန်သွားအအေးမိသွားတာ

ဘဲအဖတ်တင်တာ လူကိုမတူသလိုလိုမတန်သလိုလို လုပ်တတ်လို့ စိတ်ထဲကြိတ်ဆဲနဲ့ကြည့်မရဖြစ်နေတာ

လေ...အဟဲ..။ လူလူချင်းဘဲ ဘယ်နိုင်ငံ ဘယ်လူမျိုး ဘာအသားရောင်ဖြစ်ပါစေ မယ်ငီးတို့ကတော့ အိုကေ

ပါတယ်..။ အားလုံးကိုရင်းနှီးစွာ ပွင့်လင်းစွာနဲ့ ခင်မင်တတ်ပါတယ်လေ...။ အယ်..အထက်လမ်းကလိုလို

အရာကြီးများပုံစံလာလည်း ပေါင်းသင်းဖြစ်ပါတယ်..။ နောက်ကွယ်မှာသာ အူတက်အောင်ရီမှာနော့် 😇😆😂

အရင်မီးလန့်တာ၂ခါကြူံခဲ့ဖူးတာလေး ဒီနေရာမှာရေးဖူးပါတယ်။
အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage