Friday, September 23, 2016

လူအချင်းချင်း...

မင်္ဂလာပါရှင်~~~
ခုတလောလူတိုင်းရင်ထဲနင့်ကနဲဖြစ်ရတဲ့ရန်ကုန်ကခလေးမလေး၂ယောက်ကိစ္စနဲ့ဆက်ပြီးအကြောင်း
အရာဟောင်းပုံပြင်ဇာတ်လမ်းအဟောင်းတပုဒ် ပြန်ပြီးတင်ပါရစေ။ သူတို့ဓါတ်ပုံလေးတွေကိုမရဲတရဲကြည့်မိတယ်။ကြည့်တိုင်းလည်းမျက်ရည်ဝဲနေဆဲပါ။ပြုသူအသစ် ခံရသူ
ဝဋ်ကျွေးအဟောင်းဆိုတဲ့ကျမတို့ဗုဒ္ဓဘာသာအဆုံးအမစကားကို ဒီနေရာမှာပြီးစလွယ်မသုံးရက်ဘူး..။
သူတို့လေးတွေကိုကြည့်ပြီး မိမိကိုယ်တိုင်ဆိုရင်ကော ကိုယ့်သွေးသားဖြစ်ခဲ့ရင်ကော!!!!! ဝဋ်ကျွေးပေါ့ဟဲ့
လို့လာပြောသူကို စိတ်ဆိုးမိမှာအမှန်ဘဲ...။

ဓါတ်ပုံကို ဒီကနေယူပါတယ်
လူမဲတွေကိုကျွန်ပြုနှိပ်စက်ထားတဲ့ပုံတခုပါ

ဒီဘလော့မှာရေးခဲ့ဖူးတာလည်းကြာလှပါပြီ။ ၂၀၁၁ ကတဲကပါ။တချို့ လည်းဖတ်ဖူးခဲ့ကြမှာပါ။ မဖတ်ဖူး
သေးရင်လည်း..ဒီမှာဘဲစဆုံး ရေးထားပါတယ်။ ဒီလိုကိစ္စဆိုတာလူမျိုးတမျိုးထဲမှာတိုင်းပြည်တခုထဲ
မှာဘဲဖြစ်ပျက်နေတာမဟုတ်ပါဘူး။ ကမ္ဘာအနှံ နေရာတိုင်းမှာဖြစ်ပျက်ခဲ့တာ ဖြစ်နေတာ ဖြစ်လာအုံး
မဲ့ပြသာနာတွေပါ။ အနောက်ကမ္ဘာကလူဖြူလူမဲ ကုလားပြည်ကဇာတ်ခွဲခြားတာ..ဒါတွေဟာ...ကျမ တို့လူသားတွေရဲ့အတ္တစိတ်ကနေပေါက်ပွားလာကြတာပါဘဲ...။တကယ်ရင်နာစရာကောင်းလှပါတယ်။
-------------------------------------------------------------------------------------------------------------
အများသူငါပြောသလိုဆိုရင်၊ တိုက်ဆိုင်မူ့ ရှိရင်ခွင့်လွှတ်ပါ..လို့ လုံးဝမပြောပါဘူး။တကယ့်ပတ်ဝန်းကျင်လေး
တခုမှာတကယ်ဖြစ်သွားခဲ့တာပါ။ တကယ့်အဖြစ်အပျက်ဆိုပါတော့။ ဘာရယ်လို့ လည်းမဟုတ်ပါဘူး။ သာ
မာန်လူသားတယောက်အနေနဲ့ ဝင်ရောက်စွက်ဖက်မိတာပါ။ ဒီထဲမှာပါဝင်တဲ့လူတွေကိုလည်း ကျမ

ပြန်မတွေ့ မိတော့ပါဘူး။ တနေ့ ရေစက်မကုန်ရင်တော့ ပြန်တွေ့ ကြမှာပေါ့လေ...။

အချိန်က ဆောင်းတွင်းကာလတခု..။နေရာက ရန်ကုန်မြို့ ပြည်လမ်းမပေါ်က တက္ကသိုလ် ကောလိပ်ကျောင်း သူတွေနေတဲ့၊အပြင်ဆောင်(ပုဂ္ဂလိကပိုင်)အဆောင်ဆိုပါတော့ဗျာ..။လွန်လေပြီးသော(မယ်မီး ပထမနှစ်
ကောလိပ်ကျောင်းသူဘ၀အချိန်ကာလပေါ့)..။ အဟဲ..ခုနှစ်တွေတော့တိတိကျကျ မဆိုတော့ပါဘူး။သူများ
တွေအတွက်ဖုံးဖိပြောရတာဆိုတော့..။ကောင်းဘူးလေ။

 
အဲဒီအချိန်တုံးက အဲဒီအဆောင်လေးကနာမည်ကြီးပါဘဲ။ ကျောင်းသူတွေ၈၀ ကျော်တောင်ရှိတာ။ ခြံက လည်းအကျယ်ကြီး၊သူတို့ ကနှင်းဆီစိုက်တာ၊ကျမတို့ နေတဲ့အချိန်ကျမှ၊ဘာစိတ်ကူးပေါက်လည်းသိပါဘူး။
ကြက်မွေးတော်မူပါတယ်။အဲဒီတော့ ကြက်ဆောင်လို့ လည်းခေါ်ကြပါတယ်..:((((


ကျမရဲ့ အမကလည်းကျောင်းနဲ့ နီးနီးဆိုတဲ့အဆောင်မှာရှာပြီး။ ညီမတော်..ကိုထားပါတယ်။ နောက်မှသိရ
တာက အဆောင်ပိုင်ရှင်ရဲ့ သမက်ဗိုလ်မူးရှေ့တန်းထွက်တုံးက၊စစ်ဖြစ်လို့ ရွှာပျက်ပြီးဒုက္ခရောက်နေတဲ့၊ရှမ်း
မိသားတစုကို ခေါ်လာတယ်၊ကယ်တင်လာတယ်ပေါ့ဗျာ..။ ဒီကလည်းရှမ်းဆိုတော့ ရှမ်းလိုမူတ်ကြတာပေါ့။

သူတို့ ရောက်ကတဲက သူများနဲ့ စကားတခါမှမပြောဖူးဘူးတဲ့။ အင်း..ဗမာလိုလည်းတလုံးမှမတတ်ကြတာ..။
ရောက်တာလည်း ၂ နှစ်လောက်ရှိပြီဆိုလားဘဲ..။ စုစုပေါင်း သားအမိသားအဖတသိုက် ရ ယောက် လား၊
သေသေချာချာတောင်မသိတော့ပါဘူးလေ။ ကြာလာတော့လည်းလက်ဟန်ခြေဟန်နဲ့  ဟိုပြော ဒီပြောနဲ့ ၊
ဗမာစကားနဲနဲပါးပါးနားလည်ပါတယ်တဲ့။ ဖြစ်ချင်တော့ ကျေးဆီးမာန်ဆမ်(ရှမ်းမြောက်ပိုင်း)ကဆိုတော့၊
ကျမလည်းပိုစိတ်ဝင်စားတာပေါ့။အဖွားက မိုင်းနောင်ဆိုတဲ့ဒေသကနေလာတာလေ။အဲဒီနားတဝိုက်ကဆို
ပါတော့။

သူတို့ လည်းကြက်စာစင်း ခြံအလုပ်လုပ် တကုက်ကုပ်နဲ့ ၊တနေကုန်နားတယ်လို့ မတွေ့ ရပါဘူး။နေရတာ
လည်း မြေစိုက်တဲလေးနဲ့ ပါ။(ခြံကျယ်ကြီးထဲမှာနော်)ဇာတ်လမ်းက အစားအသောက်ကနေစတာပေါ့။ကျမ
တို့ ခေတ်ကထမင်းဂျိုင့်(ဒန်ဂျိုင့်)ဆွဲစားကြတာ၊၂ဝ ကျပ်ပိုပေးပြီး ၂ ယောက်စားကြတယ်လေ။မယ်ငီးတော့ ကျယ်ကြီးတော်မူတယ်လေ။၂ဝ ပိုပေးပြီး ပေါ်ဆန်းမွှေးဆန်လေးထည့်ခိုင်းတယ်။သူတို့ ပေးတဲ့ဆန်ကစပါး
လုံးတွေကြွက်ချေးတွေများလို့ ။ဟင်းကလည်းစာရင်းစာရွက်နဲ့ ရေးပြီးထမင်းဂျိုင့်မှာချိတ်ထားတယ်။မစားတဲ့
ဟင်းက....ရွှေဂေါင်းပြောင်ဆိုတဲ့ကြက်ဥဘဲဥဟင်း၊ငါးဘတ်မွှေ၊မဲမှောင်မာတောင့်နေတတ်တဲ့ ကန်စွန်းရွက်
ကြော် ....အိုးးး.. အများကြီးဘဲ...။သူများနဲ့ ရောသွားမှာစိုးလို့ အိမ်ကကြွေရည်သုတ်ချိုင့်လးဘယ်လာတာ။ ဒါတောင်ခဏခဏမကြိုက်တာရောပါလာလို့ ၊ ရှမ်းမိသားစုကိုထမင်းချိုင့်သွားပေးတယ်။ စားပြီးသောက်ပြီး

ဆေးပြီးပြန်ပေးပေါ့လေ။
ဒီလိုနေတာကို ဘယ်သကောင့်သမီးလက်ချက်လည်းသိပါဘူး။ သွားတိုင်တယ်လေ...။အဆောင်ပိုင်ရှင်ခေါ်
ပြောပါတယ်။ အကျင့်ပျက်မှာစိုးလို့ ပေးပါနဲ့ တဲ့။မကြိုက်ရင်ခွေးကျွေးတဲ့၊ သွန်ပစ်တဲ့။သူတို့က ကိုယ့်ဖာသာ
ကိုယ်ချက်စားရတာ။နေ့တိုင်းကန်စွန်းရွက်...။ကြက်စာကန်စွန်းပေါတယ်လေ။သုံးရတဲ့မီးဖိုကခြံထဲကသစ်တို
သစ်စတွေနဲ့ ထင်းမီးဖို..။မီးခိုးတလူလူလေးနဲ့ ပေါ့။ကျမ သူတို့ တဲထဲ ဝင်ရင်သိပ်ကြောက်တာ..။သူများမြင်
သွားမှာစိုးလို့ ။သူတို့ အတီးခံရတယ်တဲ့။

ကျမပေးတဲ့ထမင်းချိုင့်ကသူတို့ အတွက်နတ်သုဓ္ဒာ..။အစအဆုံးပြောရင် ယုံတမ်းပုံပြင်လိုပါ့...။အိမ်ကြီးရှင်
တွေက ၅မိုင်ခွဲဖက်မှာဆိုလား၊နောက်ထပ်ခြံတခု ပိုင်သေးတယ်။ အဲဒီဖက်ကိုလည်းသွားအလုပ်လုပ်ရတယ်
လေ။တော်တော်ကို ဆိုးဝါးလှတဲ့အခြေအနေမျိုးမှာနေထိုင်ရတာပါ။

၁၆-၁ရ နှစ်ကျောင်းသူမယ်ငီးလည်း၊ သိပ်ဦးနှောက်စဉ်းစားတတ်တာမဟုတ်ပါဘူး။ ထွက်ပြေးလေဆိုပြီး
မြှောက်ပေးလိုက်တယ်။ ရ ယောက်လုံးပြည်လမ်းမပေါ်မှာ အတွဲလိုက်ပြေးကြပါတယ်၊စိကုပ်ပြီးပြန်ခေါ်လာ
အတီးခံရတယ်လို့ ပြောပါတယ်။၂ ခါ ၃ခါထွက်ပြေးတယ်။နောက်တော့ ကျမရွှေဥာဏ်တမိုက်လေးနဲ့ စဉ်း စားမိတယ်။ အင်း...တခုခုတော့လုပ်ရမယ်...။
အကိုနဲ့ အမကိုလုံးဝ မပြောရဲဘူး။ လျှာရှည်လွန်းလို့ အိမ်က အီဖေကိုယ်ဆိုရင် တခုခုလုပ်ပြီးပြသာနာ ရှာတတ်လွန်းလို့ နှိပ်ကွပ်ထားတယ်ဆိုပါတော့လေ။ကျမအိမ် (ကျိုင်းတုံ)ကပ်ရပ်က အမတယောက် ဆီကိုအကူအညီတောင်းလိုက်ပါတယ်။တက္ကသိုလ်ကရှမ်းစာပနဲ့ ယဉ်ကျေးမူ့ အသင်းဆိုတာ ရှိတယ်။ အဲဒီကိုသွားပြောပေးပါ။ အသင်းမှာသွားပြောကြည့်ရင်တခုခုကူညီပေးမယ်လို့  ထင်ပါတယ်ပေါ့။ ဒီလိုဘဲပြောခဲ့ရပါတယ်လေ။
နောက်တပတ်လောက်မှာတော့ အဲဒီအမလေးက ပြောပြပါတယ်။ရှမ်းအသင်းက ကျမတို့ အဆောင်အိမ်
ပိုင်ရှင်ဆီကိုသွားတယ်တဲ့။သူတို့ ကိုသွားပြန်တောင်းတယ်တဲ့။ဟိုကလည်းအပြင်လူတွေနဲ့ မတွေ့ခင် ဓါး
ကြိမ်းထားတယ်ဆိုတော့။ ကြောက်တယ်လေ။မလိုက်ဘူးလို့ ငြင်းတယ်တဲ့။ သူများတွေပြန်သွားရင်ကျမ
ကိုအတင်းခေါ်ပြီးဖက်ငိုကြတယ်လေ။ကျမလေစိတ်တိုလိုက်တာ။ လိုက်မယ်
လို့ ဘာဖြစ်လို့ မပြောလိုက်
တာလဲဆိုပြီးသူတို့ ကိုအော်မိသေးတယ်။ ကျမအားလုံးကို ခိုးကြောင်ခိုးဝှက်နဲ့ လုပ်ရ တာလေ။အိမ်ပိုင်ရှင် အန်တီကြီးကလည်းကျမကိုချစ်တယ်။ မြို့ ပြန်ရင်ခြင်းတောင်းနဲ့  အပြည့်စားစရာတွေထည့်ပေးရှာတယ်။

အဲဒါနဲ့ အသင်းက ကျမနဲ့ စကားပြောချင်တယ်ဆိုလို့ ..ညညဆိုရင်မိန်းခလေးဆောင်ဆိုတာ ၆နာရီဆိုပိတ်
တာနဲ့ ..အကြောင်းပြချက်ကောင်းအောင်လို့..ရှမ်းပြည်နယ်နေ့ မှာကဖို့ အကကျင့်တယ်ဆိုပြီးညနေထွက်
ရပါတယ်။တကယ်လည်း ကရတယ်။ ဒါနဲ့ စကားမစပ်..စိုင်းထီးဆိုင်ကသီချင်းဆိုတာလေ။ရှမ်းဓားသိုင်းအက
နဲ့ ကောက်စိုက်မျိုးကြဲအက ဆိုလား ။အဲဒီတုံးက ဆေးတက္ကသိုလ်လိပ်ခုံးမှာဖေဖော်ဝါရီလ ၇ ရက်နေ့ဆိုရင်
ရှမ်းပြည်နယ်နေ့  ကျင်းပပါတယ်။

အဲဒီနေ့ မတိုင်မှီ ကျမတို့ ရဲ့ စွန့် စားခန်းကြီး၊ အကောင်အထည်ဖော်ပါတယ်။ သူတို့ ကို ခြံထဲ ကနေခိုး ထုတ်
ပေးတာ။ခြံကလည်း ခြံစည်းရိုး၂ထပ်တောင်ကာထားတာ။ခြံထိပ်မှာ ပုလိပ်ကင်းတို့ ရဲကင်းတို့ ဆိုတာကရှိ
သေးတယ်။အဲဒီခေတ်ကတိုင်းပြည်ရဲ့ အကြီးဆုံးသောလူကြီးမင်းနေတဲ့ လမ်းထိပ်လေ။ ခြံကထောင့်ခြံ၊ ဘေး နားကလမ်းရဲ့ တဖက်မှာ ၊အစိုးရပိုင်တဲ့ စခန်းတခုနဲ့ကင်းစောင့်တွေကလည်းရှိတယ်။မြေပုံတွေ
ဆွဲ၊အကွက်
တွေချ၊ မမလေးကိုမောင်ခိုးမယ်ဆိုတာမျိုးပေါ့။ ကျမဖက်ကလည်းအခက်အခဲတွေရှိတယ်။ ခြံစည်းရိုးကိုဖြဲ လို့ မရဘူး။ကြိုပြီးဖေါက်ထားဖို့ လည်းလူကမ ပြတ်ဘူး။ အဲဒီတော့ဒီလူသား ရယောက် ခြံစည်းရိုးကျော်နိုင် ဖို့ ပင့်တင်ပေးရမဲ့ပုံ။အရပ်လေး ၅ပေ ပေါင် ၁ဝဝတောင်မရှိဘူး။အဲ့လိုပေမှီဒေါက်မှီ တာလေ😂ဆရာသမားတွေကို တိုင်ပင်ရသေးတယ်။ နဲနဲလောက် စိတ်ချရမဲ့တယောက် ၂ယောက်
လောက်ဖွင့်ပြောပါရစေလို့ ။အကူအညီလိုလို့ ပါပေါ့။ အစက တော့ပ်စီးကရက်လေ..။တကယ်တမ်း ထွက်ပြေးရမဲ့နေ့မှာနို့ညှာကောင်လေးတယောက်က၊နောက်ခြံတခုမှာညအိပ်သွားရတယ်တဲ့😨😬
ဘယ်လိုလုပ်ကြမှာလဲ။


ဒီလိုနဲ့...အားလုံးစောင့်မျှော်ကြတဲ့နေ့ လည်းရောက်ရော။အဲ..မနက်စောစော လမ်းလျှောက်အပြေးကျင့်ကြ တဲ့ အချိန်ပေါ့။၎ နာရီခွဲ ပတ်ဝန်းကျင်လောက် ရွှေးထားတာ။ညီအကိုမသိတသိချိန်ဆိုလားဘဲ..။  အင်း...
ဟုတ်ဘူး။မှောင်ကိုမှောင်နေသေးတာ။အပြင်ဖက်မှာလည်းတကယ်လမ်းလျှောက်ကြတဲ့သူတွေများပါတယ်။
အင်းယားလေးဆိုတာနဲ့ ကပ်ရပ်လေးကိုး..။
သူများတွေ ကာယကံရှင်တွေတော့မပြောတတ်ဘူး။ကျမတော့ တညလုံးရေသောက်လိုက် ရူးပေါက်လိုက်နဲ့ 
😋😆😅စိတ်တွေလူပ်ရှားလိုက်တာ။ဂဏာမငြိမ်ဘူး။ခိုးစားရင်တော့တန်းပေါ်မှာဘဲ။ အခန်းဖော် ကမေး
ယူရတယ်။ ဘာတွေဖြစ်နေလဲ မယ်ငီးပေါ့၊ ညဦးပိုင်းကတဲက ခြံစည်းရိုးတွေကို မယောင်မလည်နဲ့ သွားလေ့ လာထားပြီးသား။အုတ်တုံးလေးတွေရှာကြံပြီးသွားထားရတယ်လေ။


ခါတိုင်းညနေ ၅နာရီခွဲဆိုရင်တခြားခြံမှာသွားအလုပ်လုပ်တဲ့ ၊ကောင်လေးပြန်လာရတယ်။ချောတောငေါ့
ပြီးဒီတခါပြန်မရာက်လာတော့။ကောင်လေးအဖေကငိုပြီလေ..။ဘာဘဲဖြစ်ဖြစ်သွားပါ။ ရှင့်သားလေးကို
ရှင်တို့ ဆီအရောက်ပို့ ပေးပါ့မယ်။အာမခံရတာ။ရ ယောက်လုံးမပြည့်ရင်လည်းအပြင်က လူကြီးမင်းများ၊
စိတ်ပူကြအုံးမှာ။ဖုံးလည်းမဆက်ရဲဘူး။ဖုံးကအိမ်ထဲမှာ။အိမ်ကြီးရှင်ရှေ့ မှာပြောရတာ။ သူတို့ ကိုဘဲသေ
သေချာချာမှာရတယ်။အပြင်ရောက်ရောက်ခြင်း အပြေးယောင်ဆောင်နေတဲ့ ၊သူတို့ ကိုလာကြိုနေတဲ့
ကျာင်းသားတွေရှမ်းလိုဘဲပြောတယ်မပူနဲ့ ။အထဲကတယောက်အပြင်ရောက်ရင်ကျောင်းသား တယောက်
ကပြေး သလိုလိုနဲ့ အနားရောက်လာပြီး..ခေါ်သွားမှာလေ..။

သူများခေါ်တဲ့နေရာလိုက်သွားစကားတခွန်းမှမပြောနဲ့ ။ကျမလည်းသူတို့ နောက်လိုက်မယ်လို့ ထင်နေ
တာလေ။ကျမမလိုက်ဘူးသိတော့ကြောက်နေကြတယ်။ကျမကိုယုံပါ.အခါပေါင်းထောင်သောင်းပြောရတယ်။
အိမ်ကြီးရှင်ကပြောထားတယ်တဲ့။အပြင်ကလူတွေကသူတို့ ကိုရောင်းစားမယ်ဆိုဘဲ။အဲဒါကိုကြောက်
ကြတာလေ။အော်...အကြောက်တရားတွေ ..။ဟိုဟာကြောက်ရ...ဒီဟာကြောက်ရနဲ့ ။ရေးမဲ့သာရေး
တာပါ..မီးမီးကြောက်ကြောက်..။

အဲ..ခြံစည်းရိုးနားပြန်ရောက်အောင်သွားရအုံးမယ်လေ။သူငယ်ချင်း ၂ယောက်ကိုလက်တို့ ခေါ်လာရတယ်။ ခုဘာမှမမေးနဲ့ ။ငါ့ကိုကူညီ။သူတို့ ကိုသနားရင်ကူညီ။ဒါဗြဲ...။နောက်မှအကြောင်းစုံပြောပြမယ်ပေါ့။ တယောက်က လူရိပ်ကြည့်...။နောက်တယောက်က ကျမနဲ့ လက်ချင်းယှက်။အဲဒီအပေါ်မှာ သူတို့ တွေ တက်နင်းပြီးခြံကိုကျော်ခွပေါ့။ ဟိုလူတွေကို တယောက်ပြီးတယောက်အချက်ပြခေါ်။ အောင်မငီး😱😵အကြီးမလေးကအပျိုအရွယ်၊ထောင်ထောင်မောင်းမောင်း အေးကြင်တဲ့...။ဒင်းကတော့ ကျုပ်တို့ 
လက်ကျိုးမှာသေချာတယ်ဆိုပြီး၊ သူ့ တင်ပါးကြီးကိုတွန်းတင်ပေးရတယ်လေ။မြောက်ပိုင်းက
ရှမ်းမလေး
တွေမြင်ဘူးကြမှာပေါ့..။မယ်မီးနဲ့ သူငယ်ချင်း "အီး"ထွက်မတတ်ဆိုတာပါဘဲ...။တယောက်အဆင်ပြေရင်
ငှက်သံလေး(ကူးကူးဆိုလေ)။အပြင်ကအချက်ပေးရင် ကျမကနောက်တယောက်ကို ထပ်တင်ပေးပေါ့။

ရှပ်ရုင်ထဲကအတိုင်းပါ့။ကျမကိုထိုင်ရှိခိုးငိုပြီးလက်ပေါ်နင်း။မယ်မီးကပင့်တင်ပြီးဖင်တွန်းလိုက်နဲ့ ၊
အောင်မလေးးးးး😭။တေဇောပန်းဆိုတာတဗူးလုံးပြောင်အောင်လူးလိုက်ရတယ်။အားလုံးပြီးသွားတော့
မိုးလည်းစင်စင်လင်းတော့မယ်။

ကိုယ့်အခန်းကိုယ်ပြန်ပြီးသာသာလေးအိပ်ကြတာပေါ့။မနက်ကြတော့၊အဆောင်တခုလုံးပွတ်လော
ထနေပြီလေ။ရှမ်းတွေအားလုံးထွက်ပြေးကုန်ပြီ...တဲ့ ။ကျမမျက်နှာသွားသစ်တော့၊ကောင်လေးနဲ့တွေ့ တယ်။
ပီနန်း ပီနန်း...ကယ်ပါကယ်ပါ..ပေါ့။ ငါ့တယောက်ထဲမထားပါနဲ့ ..။ အောင်မလေး...ရှင်...ကလေးရယ်၊ ဒီမှာမပြောနဲ့ ။ စီစဉ်ထားတယ်။ပူနဲ့ ပေါ့။ တောင်ကြည့်မြောက်ကြည့်နဲ့  အခြေအနေကိုလေ့လာရသေး တယ်လေ။အိမ်ကြီးရှင်ကိုယ်တိုင်ကြက်စာစင်း ကြက်စာကျွေး ခြံအလုပ်တွေလုပ်နေရတယ်လေ။ အန်တီကြီးရေ..မယ်မီးကိုခွင့်လွှတ်ပါ။

နောက်သိပ်မကြာဘူး အသင်းကလူကြီးတွေလာတောင်းတော့။ သူတို့ လည်းကောင်လေးကိုထည့် လိုက်တယ်လေ။ ရန်ကုန် ၉မိုင်ခွဲဖက်ကရှမ်းရွာမှာသူတို့ နေထိုင်ဖို့ စီစဉ်ပေးတယ်တဲ့။ကျမနဲ့ တယောက် လိုက်နေမယ်..လို့ ပြောပေမဲ့လည်း။ကျမကမခေါ်တော့ပါဘူး။နေ့ တိုင်းကျမကိုမေတ္တာပို့ ပေးနေမယ်တဲ့ ..။ ဘယ်လောက်ချစ်စရာကောင်းလဲ...။ကျမမြို့ ကလည်းဝေး။ သူများမိသားစုနဲ့ သိုက်သိုက်ဝိုင်းဝိုင်းနေတာ။ မဖျက်စီးချင်ပါဘူးလေ...။

အိမ်ကြီးရှင်တွေလည်း ကွယ်လွန်သွားကြပြီလို့ ပြောပါတယ်။အိမ်ကြီးရှင်သားသမီးတွေလည်း အိမ်ထောင်
ရေးသိပ်အဆင်မပြေဘူးလို့ ပြောသံကြားရတယ်။ အန်တီနဲ့ အန်ကယ်ကြီးကိုတော့ ဒီကနေပြီးတောင်းပန် ပါတယ်။ကျမကိုချစ်ကြတယ်။သူများထက်အခွင့်အရေးတွေပေးတယ်။ ကျေးဇူးရှိပါတယ်။စော်ကားမော်ကား
နဲ့ကျေးစွပ်တာဟုတ်ပါဘူး။သနားလို့ ကူညီမိတာပါ။


အေးကြင်တို့ မိသားစုလည်းဘယ်ရောက်ကုန်ပြီလည်းမသိတော့ပါဘူး။
လူလူချင်းနှိပ်စက်ခြင်းမှကင်းဝေးကြပါစေ။ အားလုံးဘဲအကြောက်တရားမှကင်းဝေးကြပါစေ။

အားလုံးရွှင်လန်းချမ်းမြေ့ကြပါစေရှင်~~~
မီးမီး

2 comments:

  1. ဖတ်ရတာ စိတ်မကောင်းဘူး အန်တီမီး ကတော့  Hero ပဲ

    ReplyDelete
    Replies
    1. တခါတလေပြန်လို့
      ဆွေမျိုးမိတ်ဆွေအပေါင်းအသင်းအိမ်တွေ
      လိုက်လည်ရင်းအဲ့မှာလည်းတွေ့ဖူးမြင်ဘူးတာပါဘဲ
      ကိုယ်ထိလက်ရောက်မနှိပ်စက်ပေမဲ့
      အော်ဟစ်ငေါက်ငန်းတာတို့
      တွေ့နေရတာဘဲ..
      စိတ်ထဲမကောင်းဘူး..
      သေချာတာက..အဲ့လိုဆိုရင်
      နောက်ထပ်သွားကိုမလည်တော့တာလေ..


      Delete