BKK က၂၅ဘတ်တန်ခေါက်ဆွဲ

မင်္ဂလာပါရှင်~~~

စားစာရာအကြောင်းမတင်ရတာအတော်ကြာပေါ့နော်...ဒီခေါက်ဆွဲဆိုင်ကလွန်ခဲ့တဲ့ ၂ဝ၁၅ ဘန်ကောက်
သွားကတဲကစားခဲ့တာပါ။ နောက်ပြီးသူငယ်ချင်းကပြောပါတယ်။ ဈေးပေါတယ်ထင်ပေမဲ့ ဗိုက်ပြည့်ဖို့
ဘတ်၁ဝဝ မှလောက်တယ်တဲ့..။

တကယ်လည်း ပုံထဲမှာမြင်ရတဲ့အတိုင်း ပါလေရာဖင်ကပ်လေးဘဲ ထည့်ပေးတာကိုး..။

 ဆိုင်လေးကလည်း ခပ်သေးသေးပါ။ မိန်းမကထည့်ပေး ယောက်ကျားက စားပွဲထိုးလုပ်တာ။

ထိုင်တာနဲ့ စာရွှက်နဲ့ခဲတံတို လာချပေးတာပါ။ လူတယောက်ကို ၃ ပွဲကနေစမှာကြတာဘဲ။ ဂျုံရည်နဲ့တပွဲ

ညှပ်ခေါက်ဆွဲအသုပ်တပွဲ တုမ့်ယမ်းအသုပ် ဒီလိုပေါ့...။ တယောက်တပေါက်မှာရင် လုပ်ပေးတဲ့သူလည်း

ခေါင်းရူပ်လို့လားမသိ။ ကျမကရှည်ပြီးမေးကြည့်တာ ပုဂံကြီးကြီးနဲ့တခါထဲ လုပ်ပေးမရဘူးလားဆိုတော့

သူကနဲနဲစီဘဲလုပ်ပေးတတ်တယ်တဲ့။ အများကြီးမထဲ့တတ်လို့ပါတဲ့..။ပုဂံဆေးတဲ့သူကတော့ တချိန်လုံးဆေး

ပေတော့ပေါ့ရှင်..။

လမ်းမကြီးနဲ့ကပ်ရပ် သုဝဏ္ဏသာမိလေယာဉ်ကွင်းနားက စက်မူ့ဇုံနားမှာပါ။ မြန်မာတွေအများကြီးဘဲ လမ်း

ပေါ်မှာလမ်းလျောက်ဖြတ်သွားတာတွေ့ရတယ်..။အနီးအနားစက်ရုံမှာလုပ်တဲ့ အလုပ်သမားတွေလို့ပြောပါ

တယ်။

 ဆိုင်က သေးပေမဲ့ ထိုင်းထုံးစံအတိုင်း သပ်သပ်ရပ်ရပ်နဲ့စားချင်စရာဖြစ်အောင် သန့်ရှင်းအောင်ပြင်ဆင်ထား

ပါတယ်။ နေ့လည် ထမင်းစားချိန်ဆို ထိုင်ခုံမရတတ်ပါဘူး။ ကျမတို့ ၃ခါလောက်သွားစားဖြစ်တယ်။

 ကဲ...ပြော ဘယ်နှစ်ယောက်စားတယ်ထင်လဲ...၄ယောက်ဗျ....တပွဲကို မြန်မာငွေ ၈၆ဝ ကျပ်လောက်ကျမှာ

ပေါ့..။တယောက် ၃ပွဲဆိုတော့ ၂၅ဝဝ ကျပ် နေ့လည်စာတနပ် မဆိုးဘူးနော်..။ ရန်ကုန်ထက် အပုံကြီးဈေး

သက်သာတယ်။ အရင်က တပွဲမှ ၂ဝ ထဲရယ်တဲ့ အခုမှဈေးတက်သွားတာ..ဆိုဘဲ...

နောက်ဆိုင်တခုက ABAC တက္ကသိုလ်နားမှာ လမ်းဘေးလေးပန်းပေါ့ဗျာ...Apartment မှာတယောက်ထဲ

ဟင်းချက်ပျင်းရင် သွားစားလေ့ရှိတဲ့ဆိုင်..အပြင်လမ်းဘေးမဟုတ်တဲ့အတွက် ကားနံ့ ဆူညံခြင်းအလျှင်းကင်း

တဲ့ဆိုင်ပေါ့..

အဲဒီမှာ ငါးခေါက်ဆွဲလည်းရတယ်ဆိုလို့သဘောကျတာ...ခေါက်ဆွဲဖတ်က ငါးနဲ့လုပ်ထားတာလေ။ အဲဒီတုံး ကဓါတ်ပုံမရိုက်ထားမိဘူး..

နောက်ဆုံးသွားစားတဲ့အခါကျတော့မှ ရိုးရိုးဝက်သားလုံးနဲ့ ဝက်သား ညှပ်ခေါက်ဆွဲစားခဲ့တာ။ သူ့ဟင်းရည် က ကြက်ဟင်းခါးသီးနဲ့ မုန်လာဥဖြူထဲ့ပြုတ်ထားတာ ချိုမှချို..အချိုမူန့်မလိုဘူး..အဖွားကြီးပြောတာတော့ အချိုမူန့်မထဲ့ ဘူးတဲ့..ဒါပေမဲ့ သူတို့က ဟင်းခပ်မူန့်တွေသိပ်သုံးတာ.. ပြီး ဖက်ထုပ်ခေါက်ဆွဲလုပ်တဲ့ အဖတ်ကို ကြွပ် ကြွပ်ကြော်ပြီးတပွဲလာချပေးတာ အရမ်းသဘောကျတယ်..တပွဲမှ ၃၅ ဘတ် ထဲရယ်...

စကားမစပ်နေမကောင်းလို့..ခေါက်ဆွဲအရမ်းစားချင်တာဘဲ..သိလား..အခုကျမရောဂါတခုခံစားနေရတယ်။ အအေးလောင်နေတာတဲ့ ပြီးခဲ့တဲ့အပတ်က အနုတ် ၁၇ လောက်အေးခဲသွားတဲ့အချိန် ကျားကျားကြီး မတော်

တဆချော်လှဲလို့ ဆေးခန်းသွားရတယ် အိမ်နဲ့ ၄ လမ်းလောက်ဘဲခြားတော့ လမ်းလျှောက်သွားတယ်လေ။

အပြန်မှာ အော်တောင်ငိုချင်တယ် လေကလည်းအရမ်းတိုက် အေးကအေး အနုတ် ၁၇ ဆိုတာ လေတိုက် ရင် အဲ့ထက် ၄၊၅ ဒီကရီလောက်နိမ့်ဆင်းတာလေ.. အိမ်ရောက်တော့ မျက်နှာပြင်တခုလုံးခဲပြီး အအေး

လောင်သွားတယ်တဲ့..နီရဲထွတ်ပြီး အင်ပြင်တွေထ ယားယံယောင်ယမ်းပေါ့ရှင်...မျက်နှာတခုလုံးဖူးယောင်

နေတာအပြင်လည်းမထွက်နိုင် မျက်ခွံတောင်အစ်ပြီးတွဲကျနေတာ..အော်..ဒုက္ခ ဒုက္ခ..အသက်တရာမနေ ရပေမဲ့ ရောဂါပေါင်းသောင်းခြောက်ထောင်ကြုံတွေ့နေရတာဘဲနော်...မိတ်ဆွေများလည်း သတိထားပါ။

အရမ်းအေး အရမ်းပူရင် မျက်နှာတို့ဘာတို့ အရင်ဆုံးကာရံထားဖို့မမေ့ကြနဲ့နော်..

အားလုံးဘဲရွှင်လန်းချမ်းမြေ့ကြပါစေ~~~

မီးမီး