ကျမရဲ့နေရာလေး: ထိုင်းတို့ရဲ့ရှင်ပြု ရဟန်းခံမင်္ဂလာအခမ်းအနား..

မင်္ဂလာပါရှင်~~~

ဘန်ကောက်ရောက်ခဲ့တဲ့အအချိန်က မတ် ဧပြီလ ဆိုတော့ ကျမတို့မြန်မာပြည်လိုဘဲ၊ရှင်ပြု ရဟန်းခံအလူ

တွေများပါတယ်။ ကျမသူငယ်ချင်းနေတဲ့ ဘန်ကောက် လေယာဉ်ကွင်းအသစ်ပတ်ဝန်းကျင်ဒေသကလူတွေ

အလှူအဒါန်းလည်းရက်ရောကြပါတယ်။ အခမ်းအနားပွဲတွေကို အပတ်စဉ်မအားရဘူး။ ကျမတော့ ၂ ခုဘဲသွား ခဲ့တာ။အဲဒီအထဲက ဒီ ရဟန်းခံပွဲကပုံရိပ်လေးတွေနဲ့ ပြောပြရအုံးမယ်..မိတ်ဆွေတို့ရေ..

အလှူမသွားခင် ခြံရှေ့မှာ မနက်စောစော ဆွမ်းခံကြွတဲ့ဘုန်းကြီးကို တွေ့ရတာက ကြည်နူးစရာ............

က်မနေခဲ့ဖူးတဲ့ ၉နှစ် ကာလတခါမှ မသွားခဲ့ဖူးတဲ့ မကြုံခဲ့ဖူးတဲ့ ရဟန်းခံပွဲတခုပါ...။

ပြီးခဲ့တဲ့အပတ်ကမောင်ရှင်လောင်းအလှူတခုတော့ မလိုက်သွားဖြစ်ဘူး..အံသြစရာကောင်းတာက ညစာကို တရုတ်ထမင်းစားဝိုင်းနဲ့ကျွေးတယ်တဲ့။ ဘတ်သိန်းချီအကုန်ခံတယ်ဆိုဘဲ..ဝိုင်းပေါင်း ၃ဝဝ ကျော်တယ်..

စတိတ်ရိူးပွဲလည်းပါတယ်။

ကျမကျိုင်းမယ်မှာနေတုံးကသူငယ်ချင်းမင်္ဂလာဆောင်တော့ ရွှာဖက်ပိုင်းကပါ.. ကောက်ညှင်းပေါင်းဆန်၂အိပ်တောင်ကုန်တယ်ဆိုဘဲ..ကျိုင်းမယ်ကထိုင်းတွေက ကောက်ညှင်းဘဲစားကြတာများတယ်လေ။
စတိတ်ရိူးနဲ့ ပွဲဈေးတန်းနဲ့အရမ်းစည်ဘဲ..တရွှာလုံးမီးခိုးတိတ်လာကြတာ.. ၃ ရက်တိတိကျွေးတယ်..😄

ခုလည်း ခပ်ဆန်းဆန်း ရဟန်းခံပွဲတခုခေါ်သွားမယ်လေ...(အပေါ်ကဓါတ်ပုံတွေက အလှူပွဲတွေ သင်္ကန်း

ပရိက္ခရာတွေပြင်ဆင်ထားတာပါ..)

ဘန်ကောက်မြို့လို့ ဆိုပေမဲ့တောအလှူလို့လည်းပြောလို့ရတယ်။ အဲ့ဒီနေရာက နဲနဲကျေးလက်ဆန်တယ်..

ပျော်စရာကောင်းလှပါတယ်။အလှူ ကျင်းပရာ ဘုန်းကြီးကျောင်းထဲဝင်ဖို့ ကားထားတဲ့နေရာမှာလည်း ဗာလံ

တီယာ ကိုကိုကြီးတွေကဝီစီ..တရွှီးရွှီးနဲ့မူတ်လို့..လူတွေအများကြီးဘဲ..

ရောက်တာနဲ့ ရဟန်းလောင်းလျှာတွေကိုဆံစဖြတ်နေပြီ။

ထိပ်ဆုံးကတော့ ဘုန်းကြီးတွေက စပါတယ်..လာသမျှလူတွေကို ဝေဖို့ ကပ်ကျေးအသေးလေးတွေ ခြင်း

ငယ်လေးထဲမှာ ထည့်ထားတာတွေ့ရတယ်..။

ပြီးတော့ ရဟန်းလောင်းတွေရဲ့မိဘဆွေမျိုးတွေပေါ့..အားလုံးတန်းစီရတယ်..

ဘာယဉ်ကျေးမူ့ထုံးစံလည်း မယ်ငီးမသိ..သူငယ်ချင်းကိုမေးတော့လည်း..ဒီလိုဘဲလုပ်ကြတယ်..တဲ့..

ရဟန်းခံမဲ့ (ဆံဖြတ်ခံ)ပုဂ္ဂိိုလ်ဘေးမှာ ကြာဖက်နဲ့ လူတယောက်စီ ကိုင်ပြီးစောင့်နေပါတယ်..။

သူတို့ကလက်အုပ်လေးတွေချီလို့..

ဆံဖြတ်မဲ့သူလည်း လက်အုပ်ချီ ခွင့်တောင်းပြီးဖြတ်..ပြီးဆုတောင်းပေးကြရပါတယ်..

လူ ၃ဝလောက်ရှိမယ်နဲ့တူတယ်..တခါရှိခိုးလိုက်..

နဲနဲစတိလောက်ဖြတ်လိုက်..နဲ့ပေါ့၊ နောက်မှ ဆံပင်ကိုရိတ်ကြပါတယ်တဲ့..။ ကျမကတော့နောက်ဆုံးအချိန် အထိနေပြီးစောင့်ကြည့်ချင်တာပေါ့...သူငယ်ချင်းကပြန်မယ်ဆိုတော့လည်း..ပြန်လာခဲ့ရတာ..။