အိမ်စဆောက်ကြမယ်ဆိုရင်....

မင်္ဂလာပါရှင်~~~~

ကျမတို့မြို့ကဆောက်ကြတဲ့ပုံစံ နဲ့အတွေ့အကြုံ့ကိုအာလူးပေးရအုံးမယ်လေ...:)

ကဲ..အိမ်ဆောက်တော့မယ်ဆိုရင် ပထမဆုံးလုပ်ရမဲ့အလုပ်က၊မြေစာရင်းရုံးမှာ
ပုံစံ ၅ ဆိုတာထုတ်ရပါတယ်။ ပြီးအိမ်ကပ်ရပ် တောင်မြောက်ပေါ့ဗျာ၊
သူတို့ကကန့်ကွက်ခြင်းတစုံတရာမရှိပါဘူးဆိုတဲ့ဆိုင်းထိုးပေးထားတဲ့စာကိုယူ
မြို့နယ်စည်ပင်ရုံးမှာ၊အိမ်ဂရန်ရယ် တခြားစာရွှက်စာတမ်းတပုံတပင်

နဲ့အိမ်ဆောက်ဖို့စာတင်ရပါတယ်။စည်ပင်ရုံးမှာ တင်ထားတာဘယ်တော့ကျမလဲဆိုတာ
အဓိကမကျပါဘူး..။တချို့လည်းစာကျမှဆောက်တယ်။တချို့လည်းစာမကျလည်းဆောက်တယ်။

လာစစ်ရင်ဒဏ်ဆောင်ရုံပါဘဲ။အိမ်ပုံစံက ကိုယ်ဘယ်လောက်ဘဲ မိုးပျံနေအောင်ဆွဲထား၊

ဘယ်အင်ဂျင်နီယာနဲ့ဆွဲဆွဲ၊ စည်ပင်ရုံးက ဆွဲပေးတဲ့ဟာနဲ့ဘဲတင်ရပါတယ်။

ပုံဆွဲခက တော့ သိန်းဂဏန်းပေးရပါလိမ့်မယ်။စာတင်တဲ့အချိန်မှာပုံစံမပြီးလည်း ဆောက်မဲ့၊

အတိုင်းအတာအလျားအနံကို ပြောလိုက်လည်းရပါတယ်။ ကိုယ်တော့ ခပ်တည်တည်နဲ့40x80 ၂ထပ် ပတ်ကား...ဟင်းဟင်း...တပြားမှမလျော့ခဲ့ပါဘူး။(အဲဒီအတိုင်းတွက်ပြီး ကျမကို စည်ပင်ခွန်လာတောင်းတာ၊

နှာတောင်နှပ်ယူရမလောက်ပါဘဲ..အဟိ သိန်း ၃ဝနီးပါး...ဆရာရေ့..)

၃ ထပ်နဲ့အထက်ကိုတော့ နေပြည်တော်မှာတင်ရပြီး စာကျမှစဆောက်ကြတာများပါတယ်။

တချို့က ၂ နှစ်နီးပါးတောင်စောင့်ရတယ်လို့ပြောပါတယ်။

ကျမတို့အိမ်ဂရံရဲ့မူရင်းအစ ကတော့ စော်ဘွားကအဖိုးကိုပေးတဲ့အတွက်၊ရုံရှမ်းဘာသာစာနဲ့စော်ဘွားရုံး

တံဆိပ်တုံးနဲ့ဘာနဲ့ဒီလိုစာရွှက်လေးပါ..။ပြီးမှ ဒီအစိုးရရဲ့အိမ်ဂရန်ပုံစံပြန်ထုတ်ထားပေးတာပါ။

အိမ်က အရင်စော်ဘွားဟော်အသေးတခုရဲ့အိမ်ပေါက်ဝတည့်တည့်နေရာလေးပေါ့။

ရှေ့ပေ ၄၀ နဲ့အရှည် ပေ၁ဝဝ ရှိပါတယ်၊ရှေ့ကနေခပ်စောင်းစောင်းကြီးကျယ်သွားလိုက်တာ၊

အနောက်မှာ ပေ ၅ဝကျယ်ပါတယ်..။ပေစောင်းစောင်းပုံစံ(မယ်ငီးလိုနေမှာပေါ့ဗျာ...) အိမ်လေးပါ။

ကျမကဆောက်မယ်ဆိုတော့ စိတ်ကူးယဉ်ပြီး အခန်းတွေဖွဲ့၊ပုံစံတွေဆွဲ....ကျကျနနပေါ့ရှင်..ယူသွားတယ်။

မြေအလွှတ်ကိုမရှိသလောက် စိတ်ကူးနဲ့ဆောက်ထားပြီးသား...။

ဟိုရောက်တော့ တောင်မေးမြောက်မေးနဲ့စာရွှက်ကို ကမန်းကတန်းချောင်ထိုးထားလိုက်ရပါတယ်။

ဘတ်ဂျက်က ရှိသေးတယ်လေ..။အချိန်ကော..အိုး..အများကြီးပါ..၊ဒါပေမဲ့ မယ်ငီးဆိုတော့

plan A,B,C,D...ဒါတွေအဆင်သင့်ပြင်ထားရတယ်လေ...။

ဆရာများစွာခေါ်ပြီးသကာလ ခြေတိုလူပန်းလောက်မှ ကျမ  plan C လောက်မှာ ကီးကိုက်သွားပါတယ်..။

A ကသိန်းထောင်ကျော်တယ်..ပယ်..။(ကျမအတွက်ရှင်းရှင်းလေးဆိုပေမဲ့ပေါ့) B ကသူတို့ခေါင်းသိပ်စား

တယ်.ပယ်ပေါ့..။ဒီတော့ C တယ်ကွာ...ဘာဖြစ်လည်း..နော့်..။

နည်းပေါင်းမြောက်များစွာရှိတဲ့အထဲက သူဌေးကန်ထရိုက်လို့လည်းခေါ်ကြတဲ့ပစ္စည်းဝယ်ပေး၊

လက်ခကို ကျင်းနဲ့ရှင်း ...ဆိုတဲ့နည်းကို လက်ကိုင်ထားပြီး နယ်ခံအလုပ်သမားအများဆုံးရှိတဲ့၊
အာခါလူမျိုးဆရာတယောက်ကို တာဝန်ပေးလို့လုပ်ငန်းစလိုက်ပါတယ်။

ဒီနေရာမှာကျမတခုပြောပြချင်ပါတယ်...။

ကျမတို့အခေါ် ဗမာ(ပြည်မကလာတဲ့သူကို ကျမတို့ဒီလိုဘဲခေါ်ကြပါတယ်) ကန်ထရိုက်တာတွေ၊

ပြီးအောင်မဆောက်ဘဲနဲ့ပိုက်ဆံအားလုံးထုတ်ပြီးလစ်သွားတာ အများကြီးရှိပါတယ်။

ဒါကြောင့် ဒီကလူတွေ မန့်ဆိုတဲ့ဗမာတွေကိုကြောက်ကြပါတယ်။

ဒီဆောက်လုပ်ရေးလုပ်ငန်းကြီးဘယ်လောက်တောင်ကြီးမားလာသလဲဆိုတော့...၊

ကျိုင်းတုံမှာ အလုပ်သမားရွှာဆိုပြီးတောင် မြို့ပြင်ဖက်မှာ ကျုးကျော်ရွှာတွေရှိတယ်။

ပြည်မကလာတဲ့သူတွေပေါ့..။ရွှာထိပ်မှာမနက်ဆိုထမင်းထုတ်လေးတွေကိုင်ပြီး ထိုင်စောင့်နေကြတာ၊

ကားတစင်းဝင်လာရင် အလုပ်သမား ဘယ်လောက်လိုတယ်အော်လိုက် ကားပေါ်ခုန်တက်ကြတာပေါ့...။

ပြီးမှ မြို့ထဲကိုလိုက်လာကြတယ်လေ...။ငယ်ငယ်ကကြည့်ဖူးတဲ့ဟောင်ကောင်ဇာတ်ကားတွေလိုပါဘဲ..။

အခြေခံအလုပ်ကြမ်းသမားတယောက်ရဲ့နေ့တွက်ခ ၅ဝဝဝ ရှိတယ်၊ ခလေးတွေမိန်းခလေးတွေဆိုရင်

၄ဝဝဝ ရတယ်တဲ့။ပန်းရံ၊လက်သမားတွေကတော့များပါတယ်၊တနေ့ကို ၁ဝဝဝဝ နီးပါးရကြတယ်။

(ဒါက ကျမစဆောက်တဲ့ ၂၀၁၂ အောက်တိုဘာလ ဈေးနူန်းနော်..ခုတော့ဘယ်လောက်လဲမသိဘူး..)

 

ဒါကြောင့်ပြည်မကလူတွေ နယ်စပ်ကိုတအားဆင်းလာကြတာပေါ့ရှင်...။

လူလာတာ အရေးမကြီးပါဘူး၊အကျင့်ဆိုးတွေဘယ်လာတာကတော့တကယ်စိတ်ပျက်မိပါတယ်။

သူတို့တွေအလုပ်လုပ်ရင်းတယောက်နဲ့တယောက်အော်ပြောနေကြတာ၊ပုဆိုးအောက်စကားကနေ၊

မတက်ပါဘူး :(  (မှန်မမှန် အဖေ့ဘုတ်အုတ်ဆိုတာ ခဏသွားကြည့်တာနဲ့တွေ့ရပါလိမ့်မယ် :P )

နောက်ပိုင်းကျမဆီမှာအလုပ်လုပ်ကြတဲ့ အလုပ်သမားတွေပြောပြတာတွေ သူတို့ခံစားချက်တွေ၊

ဆက်ရေးပါအုံးမယ်။ ကျမက အတန်းပညာထက်အတွေ့အကြုံနဲ့ဆောက်ပြီး ရိုးသားတဲ့
အာခါလူမျိုးဆရာတယောက် နဲ့စကားပြောတော့ သူကတကယ်ရိုးရိုးအတိုင်းပါဘဲ။

သူမသိရင်မသိသလိုသူမတတ်ရင်မတတ်တာဘဲပြောပါတယ်။နောက်တော့ကျမသူ့နဲ့ဆောက်တာပါ။

မမနဲ့တူမလေး အမေ့ကိုခေါ်ပြီးရေချိုးမလို့သွားတာ

အဲဒီအချိန်ကဒုက္ခရောက်လိုက်တာမပြောပါနဲ့

မိုးလေးရွှာလိုက်တာနဲ့နောက်ဖက်တခါသွားရင် ဒီလို ပြဲစိ..:P

သူ့အရင် ဆရာကြီးများတွေနဲ့စကားပြောတာ ကိုယ်ဆောက်ထားတဲ့အိမ်အကြောင်းထက်၊

သူများဆိုရင်ဘယ်လို ဘယ်ဝါပြောတတ်တဲ့သူတွေချည်းချည်းဘဲတိုးတယ်။ကျမက ဖေါက်သည်လေ..

အဲဒါကို ပိုက်ဆံဘယ်လောက်တတ်နိုင်လဲ၊ အဲဒီလောက်ဆိုရင်  မဆောက်နိုင်ပါဘူး..ဆိုပြီးသူများကို
အထင်သေးတဲ့ကျောင်းပြီးခါစလူငယ်အုပ်စုနဲ့လည်းတွေ့ခဲ့ပါသေးတယ်။သူတို့ဘယ်လိုဖေါက်သည်

ရှာမလဲဆိုတာ ၊ကျမစဉ်းစားနေတာ.. ကျမကစိတ်မဆိုးတဲ့အပြင်သနားနေမိသေးတာ။

မန့်တယောက်ကတော့ ကျမအတိုင်းအတာကိုမှတ်သွားပြီး ပုံစံကြမ်းထုတ်လာတယ်။

ကျမသူ့နဲ့ဆောက်မယ်လို့လည်းဘာမှမပြောရသေးဘူး...။၃၅ဝဝဝ အတင်းတောင်းတာပါဘဲ...။

ကဲ...မန့်လေ တနပ်စားဉာဏ်နဲ့ဘယ်လိုကြီးပွားမလဲ.။

အိမ်၂ ထပ်ဆောက်တာ အောက်ခြေ(Foundation )တူးရင်
အိမ်ရဲ့အလျားအနံအတိုင်း ၁ထပ်တွက် ယူတယ်တဲ့..။ ကဲ..ထုံးစံတဲ့..
ကျမဒီထုံးစံကိုမကြိုက်လို ့တာတာ လုပ်ခဲ့တဲ့သူလည်းရှိပါတယ်။

လမ်းမှာတွေ့ရင် မျက်စောငိးထိုးတယ်ဗျို့..:P

ကမ္မဌာန်းကျောင်းကဆရာတော်မိတ်ဆက်ပေးတဲ့ လူလည်းကောင်းပါတယ်၊
ကွမ်းဝါးလွန်းလို့မကြိုက်ဘူး၊

သူကျမအိမ်မှာ တဖြစ်ဖြစ်နဲ့ထွေးထုတ်မှာသေချာတယ်လေ...။ 

လူရွှေးတဲ့နေရာမှာ အကျင့်စရိုက်က လိုသေးတယ်။
ကိုယ်က သူတို့နဲ့အနဲဆုံး ၆လတနှစ်ဆက်ဆံရမှာလေ။

 

မီးဖိုခန်းနေရာဟောင်းလေးပေါ့...

ကျမရဲ့ဆရာလည်း၊ မယ်ငီးလိုဘဲစိတ်မြန်ပါတယ်။ ညနေ အိုကေလို့အဖြေပေးလိုက်တာနဲ့မနက် ရနာရီခွဲ၊

သူ့လူတွေအိမ်လာပြီး၊ဖျက်ပါတယ်။ အိမ်ဖျက်ခက သပ်သပ်ပါ။ ကျမတို့အိမ်က ၃ ဆောင်ရှိပါတယ်။

အိမ်နောက်ဖေးဆောင်ဖျက်ပြီး ထွက်လာတဲ့သစ်၊သွပ် နဲ့မီးဖိုဆောင် တခုအရင်ဆုံးလုပ်ခိုင်းပါတယ်။

ဘာဖြစ်လဲဆိုတော့ ကျမတို့အဲဒီနေရာမှာ ၆လလောက်နေဖို့လေ..အိမ်မဌားတော့ဘူးပေါ့..။

တွက်ရေးချက်ရေးနော်...။ ကိုယ့်အထွာနဲ့ကိုယ်တွက်ချက်ရတာပေါ့ရှင်...။

ရေတွင်းနဲ့အိမ်သာကြားထဲမှာမီးဖိုချောင်ဆောက်မလို့လေ...

နေရာကျဉ်းတယ်ထင်လို့ဟိုလုပ်ဒီလုပ်နဲ့ဒီလို ပုံကြီးဖြစ်သွားရော...။

ရေတွင်းကိုလည်းငုံပြီးမိုးလိုက်တယ်။

သွပ်၊သစ်၊အုတ်..အားလုံးနီးပါး..အိမ်ဟောင်းကဟာတွေနဲ့ပြန်သုံးထားပါတယ်။

အရင်ကသွပ်တွေက အရမ်းထူပြီး လွှတ်ကောင်းဘဲ...ခုခေတ်နဲ့တခြားဆီ...။

မီးဖိုချောင်လည်းတော်တော်ကျယ်သွားပါတယ်။

(ကျမမိတ်ဆွေများမတော်တဆလာလည်ခဲ့ရင် ကျမကျကျနနချက်ကျွေးလို့ရတာပေါ့နော့်...:P)

အဲဒီအထဲမှာ ကျမတို့မိသားစု အမေ့ကိုကုတင်သေးတခုခင်းထားပေးပြီး၊ကျမတို့ကကွပ်ပြစ်ပေါ်မှာ၊

(ဘုရားစဉ်ရှေ့ကဘုရားရှိခိုးဖို့အဖေလုပ်ထားတဲ့ဟာ) အရမ်းလေးလွန်းလို့၂ပိုင်းပိုင်းပြီးဘယ်ရတယ်လေ..။

အဲဒီအပေါ်မှာ ငါးသေတ္တာဗူးထဲက ငါးတွေလို စီတန်းပြီး တိုးခွေ့အိပ်ကြပါတယ်။

အရင်တုံးကရှေးလူကြီးတွေပြောဖူးတာ၊ကြားဖူးခဲ့တယ်။

ငါတို့ခေတ်က ရွှေတကျပ်သားဘယ်လောက်တုံးက ပေါ့...ဘာညာနဲ့လေ..။

ခေတ်ကာလကို ရွှေတန်ဖိုးနဲ့အချိန်ကိုတိုင်းကြတာ..။

ဒီမှာအိမ်ဆောက်ရင် ကျွန်တော်တို့ဆောက်တာ ဘိလပ်မြေတအိတ်
ဘယ်ဈေးကပေါ့...ဒီလိုလေး..:P

ကျမလည်း ပြောလို့ရပြီ..အဲဒီတုံးက ဘိလပ်မြေတအိတ် ၄၃ဝဝ ဈေး....ပေါ့ရှင်...။

အလုပ်ကြမ်းသမားတယောက် အတွေ့အကြုံမရှိ တနေ့လုပ်ခ ၄ဝဝဝ၊

အတွေ့အကြုံရှိရင် ၅ဝဝဝ-၆ဝဝဝ၊

လက်သမား ၉ဝဝဝ၊

ပန်းရံ ၇၅ဝဝ-၈ဝဝဝ။

အဲဒါကိုတွက်ချက်ပြီးသကာလ တကျင်းဆိုတဲ့ ၁စတုရမ်းပေကို ၃၅ဝဝ ကျပ်နဲ့သဘောတူခဲ့ပါတယ်။

ပစ္စည်းဝယ်ပေးပေါ့..လက်ခဘဲနော်...။

(တချို့က ၄ဝဝဝ တောင်းပါတယ်။ ပစ္စည်းရောလက်ခအပြီးပေါ့ အပြီးအစီးကို
တကျင်း ၆၅ဝဝ ကနေ ၈ဝဝဝ အထိရှိပါတယ်)။

ကိုင်း....ဒါလည်းအစနိဒါန်းလေးဘဲရှိသေးတယ်နော်..... 

လာပါအုံးမယ်လေ...။

ခုထိအိမ်က ပြီးသေးဘူးရှင့်....:P

အားလုံးဘဲရွှင်လန်းချမ်းမြေ့ကြပါစေရှင်~~~~

မီးမီး