ချက်စား၊ဝယ်စား(၁)

မင်္ဂလာပါရှင်~~~

ခရီးထွက်တာများတော့နဲနဲအနားယူလိုက်အုံးမယ်။

ခရီးသွားတာတွေခဏနားပြီးအစားအသောက်ဖက်ခဏလှည့်ကြမယ်လေ။

ကျမ ရန်ကုန်မှာနေတုံးက အပြင်မှာဘဲစားတာ၊

ကြာတော့လည်းငြီးငွေ့တာရယ်၊တယောက်ထဲဆိုတော့၊

နဲနဲကြောင်တောင်တောင်ဘဲ။

နေ့လည်ထမင်းဆိုင်မှာထိုင်စားတာလည်းများသောအားဖြင့်အမျိုးသားတွေချည်းဘဲ။

ရှမ်းခေါက်ဆွဲ လည်းနေ့တိုင်းမစားနိုင်ဘူးလေ။

ပထမဦးဆုံးထမင်းပေါင်းအိုးဝယ်ပြီး ဘာကိုဘယ်လိုချက်ရမှန်းမသိဘူး။

ဟင်းတွေတော့ချက်တတ်တယ်။

ထမင်းအိုးတည်တတ်ဘူးလေ...။

အိမ်မှာက မွှေးစားညီမလေးကချက်တယ်။

ဟင်းချက်ဖို့အားလုံးပြင်ထားပြီးမှမင်းကတော်ချက်နည်းနဲ့ဟိုဟိုဒီဒီလုပ်တာလေ။

(ဒန်ပေါက်လိုမျိုး တခါထဲပေါင်းချက်ရင်ကောင်းမလားလို့)

ဒါနဲ့ကိုယ့်ဖာသာကိုယ်စဉ်းစားပြီးပေါင်းအိုးထဲမှာဆန်ဆီဆားကြက်သား၊

ဟင်းရွှက်တောင်ပါလိုက်သေးတယ်၊ဟင်းခတ်အမွှေးအကြိုင်ထဲ့၊

ပြီးခလုပ်လေးနှိပ် စောင့်နေတာစားဖို့လေ...။

ထွက်လာတာက..ဒေါ်မြလေးစကားနဲ့ဆိုရင်၊

ပြောကိုး...မပြောချင်ဘူး...ဆိုတာမျိုးပါဘဲလေ။

မာခေါက်၊ကျစ်ခဲ၊မဲသည်းလေးပေါ့..ဟီး။

အိမ်အောက်ထပ်မှာသူငယ်ချင်းရှိတယ်၊သူကျတော့ယောက်ကျားလေးဖြစ်ပြီး။

ထမင်းဟင်းချက်တတ်တယ်။မုန့်တွေလည်းလုပ်တတ်တယ်။

ဂျပန်ပြန်လေ..။သူ့ညီတွေလည်းထမင်းကောင်းကောင်းချက်တတ်တယ်။

ရှက်ရှက်နဲ့သူတို့အိမ်မှာညာတုပ်ကပ်စားလုပ်ရတယ်။

အဲဒီတခါက ချက်တာမကောင်းလို့၊ဒီတခါနဲနဲပြန်လေ့လာပြီး။

ချက်စားတာ..။ဆိုးဘူးဗျ..။တိုးတက်လာတဲ့သဘောမှာရှိတယ်။

အိမ်မှာရှိတဲ့အားလူးတွေကျန်တဲ့အသီးအနှံတွေအားလုံးအနှစ်များများလေးနဲ့ချက်တယ်။

အသားမပါဘူး။

ဘာစမာတီဆန်၁၅မိနစ်လောက်ရေစိမ်၊ပြီးဟင်းအိုးထဲရော။

အဖုံးလေးပိတ်ပြီးမီးအေးအေးလေးနဲ့နှပ်ထားလိုက်တာ။

India curry leaf လည်းထဲ့တယ်။

ဘာစတိုင်လည်းတော့သိပါဘူး။

စားလို့ကောင်းမှကောင်း။

တနေ့ကချဉ်ပေါင်တွေရလာတော့ချဉ်ပေါင်မျှစ်ကြော်တာပေါ့။

ပြီးတော့ ဂဏန်းတဗူးဝယ်ထားတာရှိတာနဲ့ဗုံလုံသီးအစာသွပ်ပြီးပေါင်းတယ်။

ဝက်သားကြက်သားတွေနဲ့အမြဲစားနေလို့၊

အသွင်လေးပြောင်းကြည့်တာ။

ထုံးစံအတိုင်းကြက်သွန်ဖြူ၊ငရုတ်ကောင်း၊ကြက်သွန်မိတ်၊ကြက်ဥ၊ပြောင်းဖူးမူန့်နဲနဲလေး။

ဆား၊ဂဏန်းသားနဲ့နှယ်ဖတ်ပြီးအစာသွပ်လိုက်တာပါ။

ပြီးမှကြက်သွန်ဖြုဆီသတ်ပြီးပေါင်းထားတဲ့ဟာတွေနဲနဲထည့်ကြော်လိုက်တယ်။

ပဲငံပြာရည်အကြည်လေးနဲနဲဆမ်း၊

အရောင်လေးလည်းလှသွားတယ်မွှေးလည်းမွှေးသွားတယ်။

Roosevelt Field Mall 
ကကုလားဆိုင် ထမင်းနဲ့ပဲဟင်း၊ကြက်သားဟင်း။မွှေးနေတာဘဲ။ သူကကုလားစာတွေကြိုက်တယ်။

ကျမကတော့ တရုတ်ဆိုင်ဘဲ။(teriyaki chicken and rice)

ပြီးခဲ့တဲ့အပတ်ကအလုပ်ကပြန်တာနောက်ကျလို့ဟင်းမချက်ချင်တာနဲ့ထိုင်းဆိုင်ကနေ၊

သင်္ဘောသီးထောင်း၊ကြက်ကင်၊ကောက်ညှင်းပေါင်း ဝယ်ခဲ့တယ်။

ဆိုင်ရှင်နဲ့ခင်နေတာ၊သူက ဆီထမင်းတထုပ်ပါအဆစ်ပေးလိုက်သေးတယ်။

Broadway Mall ကိုရောက်ရင် စားမယ်ပြီးဝယ်တယ်ပေါ့။

ကျမက ပင်လယ်စာအူဒုံ၊သူက teriyaki chicken and rice,tempura၊

green tea ice cream။

ဒီရက်ပိုင်းစားဖြစ်တာတွေပါ။

အနောက်နိုင်ငံမှာနေပြီးပေါင်မုန့်ဗီဇာသိပ်မစားတတ်ဘူး။

တရက်ရက်ဘာတွေချက်ရမှာလဲဆိုတာ၊ခေါင်းပူအောင်စဉ်းစားရတယ်။

စားတာသောက်တာလဲ အရေးကြီးတာဘဲနော့်။

ကျမ်းမာရေးနဲ့ညီညွတ်တဲ့အသီးအရွှက်သစ်သီးဝလံတွေများများစားပေးရတယ်လေ။

ရယ်ဒီမိတ်အစားအစာတွေက ကြာရင်ဒီကလူတွေလိုခန္ဓာကိုယ်ဖြစ်လာမှာဘဲ။

နှစ်သစ်မှာ ကျမ်းမာရွှင်လန်းကြပါစေ။

ပျော်ပျော်ပါးပါးပေါ့။

#meemeenage