အိမ်စဆောက်ကြမယ်ဆိုရင်....

မင်္ဂလာပါရှင်~~~~

ကျမတို့ မြို့ ကဆောက်ကြတဲ့ ပုံစံ နဲ့ အတွေ့ အကြုံ့ ကိုအာလူးပေးရအုံးမယ်လေ...:)
ကဲ..အိမ်ဆောက်တော့မယ်ဆိုရင် ပထမဆုံးလုပ်ရမဲ့အလုပ်က၊မြေစာရင်းရုံးမှာ ပုံစံ ၅ ဆိုတာထုတ်ရပါတယ်။ ပြီးအိမ်ကပ်ရပ် တောင်မြောက်ပေါ့ဗျာ၊သူတို့ ကကန့် ကွက်ခြင်းတစုံတရာမရှိပါဘူးဆိုတဲ့
ဆိုင်းထိုးပေးထားတဲ့စာကိုယူ မြို့ နယ်စည်ပင်ရုံးမှာ၊အိမ်ဂရန်ရယ် တခြားစာရွှက်စာတမ်းတပုံတပင်
နဲ့ အိမ်ဆောက်ဖို့ စာတင်ရပါတယ်။စည်ပင်ရုံးမှာ တင်ထားတာဘယ်တော့ကျမလဲဆိုတာ အဓိကမကျပါဘူး..။တချို့ လည်းစာကျမှဆောက်တယ်။တချို့ လည်းစာမကျလည်းဆောက်တယ်။
လာစစ်ရင်ဒဏ်ဆောင်ရုံပါဘဲ။အိမ်ပုံစံက ကိုယ်ဘယ်လောက်ဘဲ မိုးပျံနေအောင်ဆွဲထား၊
ဘယ်အင်ဂျင်နီယာနဲ့ ဆွဲဆွဲ၊ စည်ပင်ရုံးက ဆွဲပေးတဲ့ဟာနဲ့ ဘဲတင်ရပါတယ်။
ပုံဆွဲခက တော့ သိန်းဂဏန်းပေးရပါလိမ့်မယ်။စာတင်တဲ့အချိန်မှာပုံစံမပြီးလည်း ဆောက်မဲ့၊
အတိုင်းအတာအလျားအနံကို ပြောလိုက်လည်းရပါတယ်။ ကိုယ်တော့ ခပ်တည်တည်နဲ့ 40x80 ၂ထပ် ပတ်ကား...ဟင်းဟင်း...တပြားမှမလျော့ခဲ့ပါဘူး။(အဲဒီအတိုင်းတွက်ပြီး ကျမကို စည်ပင်ခွန်လာတောင်းတာ၊
နှာတောင်နှပ်ယူရမလောက်ပါဘဲ..အဟိ သိန်း ၃ဝနီးပါး...ဆရာရေ့ ..)
၃ ထပ်နဲ့ အထက်ကိုတော့ နေပြည်တော်မှာတင်ရပြီး စာကျမှစဆောက်ကြတာများပါတယ်။
တချို့ က ၂ နှစ်နီးပါးတောင်စောင့်ရတယ်လို့ ပြောပါတယ်။

ကျမတို့ အိမ်ဂရံရဲ့ မူရင်းအစ ကတော့ စော်ဘွားကအဖိုးကိုပေးတဲ့အတွက်၊ရုံရှမ်းဘာသာစာနဲ့ စော်ဘွားရုံး
တံဆိပ်တုံးနဲ့ ဘာနဲ့ ဒီလိုစာရွှက်လေးပါ..။ပြီးမှ ဒီအစိုးရရဲ့ အိမ်ဂရန်ပုံစံပြန်ထုတ်ထားပေးတာပါ။
အိမ်က အရင်စော်ဘွားဟော်အသေးတခုရဲ့ အိမ်ပေါက်ဝတည့်တည့်နေရာလေးပေါ့။
ရှေ့ ပေ ၄၀ နဲ့ အရှည် ပေ၁ဝဝ ရှိပါတယ်၊ရှေ့ ကနေခပ်စောင်းစောင်းကြီးကျယ်သွားလိုက်တာ၊
အနောက်မှာ ပေ ၅ဝကျယ်ပါတယ်..။ပေစောင်းစောင်းပုံစံ(မယ်ငီးလိုနေမှာပေါ့ဗျာ...) အိမ်လေးပါ။
ကျမကဆောက်မယ်ဆိုတော့ စိတ်ကူးယဉ်ပြီး အခန်းတွေဖွဲ့ ၊ပုံစံတွေဆွဲ....ကျကျနနပေါ့ရှင်..ယူသွားတယ်။
မြေအလွှတ်ကိုမရှိသလောက် စိတ်ကူးနဲ့ ဆောက်ထားပြီးသား...။
ဟိုရောက်တော့ တောင်မေးမြောက်မေးနဲ့ စာရွှက်ကို ကမန်းကတန်းချောင်ထိုးထားလိုက်ရပါတယ်။
ဘတ်ဂျက်က ရှိသေးတယ်လေ..။အချိန်ကော..အိုး..အများကြီးပါ..၊ဒါပေမဲ့ မယ်ငီးဆိုတော့
plan A,B,C,D...ဒါတွေအဆင်သင့်ပြင်ထားရတယ်လေ...။

ဆရာများစွာခေါ်ပြီးသကာလ ခြေတိုလူပန်းလောက်မှ ကျမ  plan C လောက်မှာ ကီးကိုက်သွားပါတယ်..။
A ကသိန်းထောင်ကျော်တယ်..ပယ်..။(ကျမအတွက်ရှင်းရှင်းလေးဆိုပေမဲ့ပေါ့) B ကသူတို့ ခေါင်းသိပ်စား
တယ်.ပယ်ပေါ့..။ဒီတော့ C တယ်ကွာ...ဘာဖြစ်လည်း..နော့်..။
နည်းပေါင်းမြောက်များစွာရှိတဲ့အထဲက သူဌေးကန်ထရိုက်လို့ လည်းခေါ်ကြတဲ့ ပစ္စည်းဝယ်ပေး၊
လက်ခကို ကျင်းနဲ့ ရှင်း ...ဆိုတဲ့ နည်းကို လက်ကိုင်ထားပြီး နယ်ခံအလုပ်သမားအများဆုံးရှိတဲ့၊ အာခါလူမျိုး
ဆရာတယောက်ကို တာဝန်ပေးလို့ လုပ်ငန်းစလိုက်ပါတယ်။

ဒီနေရာမှာကျမတခုပြောပြချင်ပါတယ်...။
ကျမတို့ အခေါ် ဗမာ(ပြည်မကလာတဲ့သူကို ကျမတို့ ဒီလိုဘဲခေါ်ကြပါတယ်) ကန်ထရိုက်တာတွေ၊
ပြီးအောင်မဆောက်ဘဲနဲ့ ပိုက်ဆံအားလုံးထုတ်ပြီးလစ်သွားတာ အများကြီးရှိပါတယ်။
ဒါကြောင့် ဒီကလူတွေ မန့် ဆိုတဲ့ ဗမာတွေကိုကြောက်ကြပါတယ်။
ဒီဆောက်လုပ်ရေးလုပ်ငန်းကြီးဘယ်လောက်တောင်ကြီးမားလာသလဲဆိုတော့...၊
ကျိုင်းတုံမှာ အလုပ်သမားရွှာဆိုပြီးတောင် မြို့ ပြင်ဖက်မှာ ကျုးကျော်ရွှာတွေရှိတယ်။
ပြည်မကလာတဲ့သူတွေပေါ့..။ရွှာထိပ်မှာမနက်ဆိုထမင်းထုတ်လေးတွေကိုင်ပြီး ထိုင်စောင့်နေကြတာ၊
ကားတစင်းဝင်လာရင် အလုပ်သမား ဘယ်လောက်လိုတယ်အော်လိုက် ကားပေါ်ခုန်တက်ကြတာပေါ့...။
ပြီးမှ မြို့ ထဲကိုလိုက်လာကြတယ်လေ...။ငယ်ငယ်ကကြည့်ဖူးတဲ့ဟောင်ကောင်ဇာတ်ကားတွေလိုပါဘဲ..။
အခြေခံအလုပ်ကြမ်းသမားတယောက်ရဲ့ နေ့ တွက်ခ ၅ဝဝဝ ရှိတယ်၊ ခလေးတွေမိန်းခလေးတွေဆိုရင်
၎ဝဝဝ ရတယ်တဲ့။ပန်းရံ၊လက်သမားတွေကတော့များပါတယ်၊တနေ့ ကို ၁ဝဝဝဝ နီးပါးရကြတယ်။
(ဒါက ကျမစဆောက်တဲ့ ၂၀၁၂ အောက်တိုဘာလ ဈေးနူန်းနော်..ခုတော့ဘယ်လောက်လဲမသိဘူး..)
 
ဒါကြောင့်ပြည်မကလူတွေ နယ်စပ်ကိုတအားဆင်းလာကြတာပေါ့ရှင်...။
လူလာတာ အရေးမကြီးပါဘူး၊အကျင့်ဆိုးတွေဘယ်လာတာကတော့တကယ်စိတ်ပျက်မိပါတယ်။
သူတို့ တွေအလုပ်လုပ်ရင်းတယောက်နဲ့ တယောက်အော်ပြောနေကြတာ၊ပုဆိုးအောက်စကားကနေ၊
မတက်ပါဘူး :(  (မှန်မမှန် အဖေ့ဘုတ်အုတ်ဆိုတာ ခဏသွားကြည့်တာနဲ့ တွေ့ ရပါလိမ့်မယ် :P )
နောက်ပိုင်းကျမဆီမှာအလုပ်လုပ်ကြတဲ့ အလုပ်သမားတွေပြောပြတာတွေ သူတို့ ခံစားချက်တွေ၊
ဆက်ရေးပါအုံးမယ်။ ကျမက အတန်းပညာထက်အတွေ့ အကြုံနဲ့ ဆောက်ပြီး ရိုးသားတဲ့ အာခါလူမျိုးဆရာတယောက် နဲ့ စကားပြောတော့ သူကတကယ်ရိုးရိုးအတိုင်းပါဘဲ။
သူမသိရင်မသိသလိုသူမတတ်ရင်မတတ်တာဘဲပြောပါတယ်။နောက်တော့ကျမသူ့ နဲ့ ဆောက်တာပါ။

မမနဲ့ တူမလေး အမေ့ကိုခေါ်ပြီးရေချိုးမလို့ သွားတာ
အဲဒီအချိန်ကဒုက္ခရောက်လိုက်တာမပြောပါနဲ့ 

မိုးလေးရွှာလိုက်တာနဲ့ နောက်ဖက်တခါသွားရင် ဒီလို ပြဲစိ..:P

သူ့ အရင် ဆရာကြီးများတွေနဲ့ စကားပြောတာ ကိုယ်ဆောက်ထားတဲ့အိမ်အကြောင်းထက်၊
သူများဆိုရင်ဘယ်လို ဘယ်ဝါပြောတတ်တဲ့သူတွေချည်းချည်းဘဲတိုးတယ်။ကျမက ဖေါက်သည်လေ..
အဲဒါကို ပိုက်ဆံဘယ်လောက်တတ်နိုင်လဲ၊ အဲဒီလောက်ဆိုရင်  မဆောက်နိုင်ပါဘူး..ဆိုပြီးသူများကို အထင်သေးတဲ့ကျောင်းပြီးခါစလူငယ်အုပ်စုနဲ့ လည်းတွေ့ ခဲ့ပါသေးတယ်။သူတို့ ဘယ်လိုဖေါက်သည်
ရှာမလဲဆိုတာ ၊ကျမစဉ်းစားနေတာ.. ကျမကစိတ်မဆိုးတဲ့အပြင်သနားနေမိသေးတာ။
မန့် တယောက်ကတော့ ကျမအတိုင်းအတာကိုမှတ်သွားပြီး ပုံစံကြမ်းထုတ်လာတယ်။
ကျမသူ့ နဲ့ ဆောက်မယ်လို့ လည်းဘာမှမပြောရသေးဘူး...။၃၅ဝဝဝ အတင်းတောင်းတာပါဘဲ...။
ကဲ...မန့် လေ တနပ်စားဥာဏ်နဲ့ ဘယ်လိုကြီးပွားမလဲ.။
အိမ်၂ ထပ်ဆောက်တာ အောက်ခြေ(Foundation )တူးရင် အိမ်ရဲ့ အလျားအနံအတိုင်း ၁ထပ်တွက် ယူတယ်တဲ့..။ ကဲ..ထုံးစံတဲ့..ကျမဒီထုံးစံကိုမကြိုက်လို့တာတာ လုပ်ခဲ့တဲ့သူလည်းရှိပါတယ်။
လမ်းမှာတွေ့ ရင် မျက်စောငိးထိုးတယ်ဗျို့ ..:P
ကမ္မဌာန်းကျောင်းကဆရာတော်မိတ်ဆက်ပေးတဲ့ လူလည်းကောင်းပါတယ်၊ ကွမ်းဝါးလွန်းလို့ မကြိုက်ဘူး၊
သူကျမအိမ်မှာ တဖြစ်ဖြစ်နဲ့ ထွေးထုတ်မှာသေချာတယ်လေ...။ 
လူရွှေးတဲ့နေရာမှာ အကျင့်စရိုက်က လိုသေးတယ်။ကိုယ်က သူတို့ နဲ့ အနဲဆုံး ၆လတနှစ်ဆက်ဆံရမှာလေ။
 

မီးဖိုခန်းနေရာဟောင်းလေးပေါ့...

ကျမရဲ့ ဆရာလည်း၊ မယ်ငီးလိုဘဲစိတ်မြန်ပါတယ်။ ညနေ အိုကေလို့ အဖြေပေးလိုက်တာနဲ့ မနက် ရနာရီခွဲ၊
သူ့ လူတွေအိမ်လာပြီး၊ဖျက်ပါတယ်။ အိမ်ဖျက်ခက သပ်သပ်ပါ။ ကျမတို့ အိမ်က ၃ ဆောင်ရှိပါတယ်။
အိမ်နောက်ဖေးဆောင်ဖျက်ပြီး ထွက်လာတဲ့သစ်၊သွပ် နဲ့ မီးဖိုဆောင် တခုအရင်ဆုံးလုပ်ခိုင်းပါတယ်။
ဘာဖြစ်လဲဆိုတော့ ကျမတို့ အဲဒီနေရာမှာ ၆လလောက်နေဖို့ လေ..အိမ်မဌားတော့ဘူးပေါ့..။
တွက်ရေးချက်ရေးနော်...။ ကိုယ့်အထွာနဲ့ ကိုယ်တွက်ချက်ရတာပေါ့ရှင်...။

ရေတွင်းနဲ့ အိမ်သာကြားထဲမှာမီးဖိုချောင်ဆောက်မလို့ လေ...

နေရာကျဉ်းတယ်ထင်လို့ ဟိုလုပ်ဒီလုပ်နဲ့ ဒီလို ပုံကြီးဖြစ်သွားရော...။
ရေတွင်းကိုလည်းငုံပြီးမိုးလိုက်တယ်။
သွပ်၊သစ်၊အုတ်..အားလုံးနီးပါး..အိမ်ဟောင်းကဟာတွေနဲ့ ပြန်သုံးထားပါတယ်။
အရင်ကသွပ်တွေက အရမ်းထူပြီး လွှတ်ကောင်းဘဲ...ခုခေတ်နဲ့ တခြားဆီ...။

မီးဖိုချောင်လည်းတော်တော်ကျယ်သွားပါတယ်။
(ကျမမိတ်ဆွေများမတော်တဆလာလည်ခဲ့ရင် ကျမကျကျနနချက်ကျွေးလို့ ရတာပေါ့နော့်...:P)
အဲဒီအထဲမှာ ကျမတို့ မိသားစု အမေ့ကိုကုတင်သေးတခုခင်းထားပေးပြီး၊ကျမတို့ ကကွပ်ပြစ်ပေါ်မှာ၊
(ဘုရားစဉ်ရှေ့ ကဘုရားရှိခိုးဖို့ အဖေလုပ်ထားတဲ့ဟာ) အရမ်းလေးလွန်းလို့ ၂ပိုင်းပိုင်းပြီးဘယ်ရတယ်လေ..။
အဲဒီအပေါ်မှာ ငါးသေတ္တာဗူးထဲက ငါးတွေလို စီတန်းပြီး တိုးခွေ့ အိပ်ကြပါတယ်။


အရင်တုံးကရှေးလူကြီးတွေပြောဖူးတာ၊ကြားဖူးခဲ့တယ်။
ငါတို့ ခေတ်က ရွှေတကျပ်သားဘယ်လောက်တုံးက ပေါ့...ဘာညာနဲ့ လေ..။
ခေတ်ကာလကို ရွှေတန်ဖိုးနဲ့ အချိန်ကိုတိုင်းကြတာ..။
ဒီမှာအိမ်ဆောက်ရင် ကျွန်တော်တို့ ဆောက်တာ ဘိလပ်မြေ တအိတ် ဘယ်ဈေးကပေါ့...ဒီလိုလေး..:P

ကျမလည်း ပြောလို့ ရပြီ..အဲဒီတုံးက ဘိလပ်မြေတအိတ် ၄၃ဝဝ ဈေး....ပေါ့ရှင်...။
အလုပ်ကြမ်းသမားတယောက် အတွေ့ အကြုံမရှိ တနေ့ လုပ်ခ ၄ဝဝဝ၊
အတွေ့ အကြုံရှိရင် ၅ဝဝဝ-၆ဝဝဝ၊
လက်သမား ၉ဝဝဝ၊
ပန်းရံ ၇၅ဝဝ-၈ဝဝဝ။
အဲဒါကိုတွက်ချက်ပြီးသကာလ တကျင်းဆိုတဲ့ ၁စတုရမ်းပေကို ၃၅ဝဝ ကျပ်နဲ့ သဘောတူခဲ့ပါတယ်။
ပစ္စည်းဝယ်ပေးပေါ့..လက်ခဘဲနော်...။
(တချို့ က ၄ဝဝဝ တောင်းပါတယ်။ ပစ္စည်းရောလက်ခအပြီးပေါ့ အပြီးအစီးကို တကျင်း ၆၅ဝဝ ကနေ ၈ဝဝဝ အထိရှိပါတယ်)။

ကိုင်း....ဒါလည်းအစနိဒါန်းလေးဘဲရှိသေးတယ်နော်..... 
လာပါအုံးမယ်လေ...။
ခုထိအိမ်က ပြီးသေးဘူးရှင့်....:P

အားလုံးဘဲရွှင်လန်းချမ်းမြေ့ ကြပါစေရှင်~~~~
မီးမီး