Thursday, February 8, 2018

ကနေဒါ Quebec ရှေးဟောင်းမြို့

မင်္ဂလာပါရှင်~~~
တကယ်ဆိုမနှစ်ကသွားပြီး ရေးခဲ့တယ်ထင်တာမရေးဖြစ်သေးဘူး။ ထုံးစံအတိုင်း ခရီးအစချီနေတာ လိုရင်း
မရောက်ဘဲပြတ်သွားတာ တနှစ်ကြာတော့ ပြန်စတာပေါ့နော့်... Quebec ဆိုတာပြင်သစ်နံမည်ပါ။
ကနေဒါနိုင်ငံ Quebec  ပြည်နယ်ရဲ့မြို့တော် Quebec မြို့ကတော့ မြောက်အမေရိကတိုက်ရဲ့ရှေးအကျဆုံး
မြို့ထဲကတမြို့တဲ့..။ မြို့ထဲက ရှေးဟောင်းမြို့ရိုး တံခါးနေရာ တဝိုက်ကိုတော့ old Quebec လို့ခေါ်ပြီး ယူနက်စကိုက ၁၉၈၅ခုနှစ်ကတဲက ကမ္ဘာ့ရှေးဟောင်းအမွေအနှစ်သတ်မှတ်ထားတဲ့နယ်မြေပေါ့...။ အဲ့လိုနေရာဆိုရင် အိမ်ဆောက်ပြုပြင်တာ တွေမလုပ်ရဘူးတဲ့ဗျ...ဟိုး..ကျုပ်တို့ပြည်ကြီးက ရှေးဟောင်း နယ်မြေမှာ လုပ်သလို ဟော်တယ်ဆောက် မျှော်စင်ဆောက် ထုံးသုတ် လုပ်ချင်ရာလုပ်..ဒါမျိုးတွေတော့ ရမယ်မထင်...😎
ကားထဲကနေရိုက်တော့ တုန်တုန်မူန်မူန်ပေါ့နော်
Quebec or de Québec ဘိုလိုဖတ်ဖတ် ပြင်သစ်လိုဆိုဆို ကိုယ့်နား ထဲကြားမိတာက ခွေဘက် ကေဘက် ဆိုတဲ့အသံပါဘဲ...သိပ်ပြီးဘိုဆန်ချင်လေသူသူငယ်ချင်းတယောက်က ကွီးဘက် လို့ပြောတော့ အင်မတန် မိချောင်းသမီးဖြစ်ချင်လေသူ မယ်ငီးကထောက်ပြမိတာ ဖင်ပိတ်ငြင်းပြီး..အခေါ် အပြောကိုနဲနဲတောင်တန့်
သွားပါတယ်ဆို...( သင်ခန်းစာနံပါတ်(၁)က ကိုယ့်ကိုယ်ကို အထင်ကြီးနေလေ သူများကို အမှားသွားမ ထောက်ပါနှင့် အခန့်မသင့် ဖနောင့်နဲ့ပေါက်ခံရအံ့ 😁😂)

အဲ့ဒီအချိန်တုံးကတော့ တွတ်ပီကံမကောင်းတဲ့နေ့လို့ ပြောလည်းရမယ် အရမ်းအေး လေကလည်းတိုက်သ လားမပြောနဲ့ အနုတ် ၂၁ဒီကရီစင်တီတဲ့ဗျား...ကိုယ်တို့ Tour အစီအစဉ်ကအပြင်မှာ ၃-၄ နေရာလောက်
လည်ပတ်ဖို့ရှိတယ်။

ပထမဆုံး La Citadelle စစ်တပ်လည်းဟုတ် ကနေဒါရဲ့ဘုရင်ခံစံအိမ်တော်ကိုသွားလည်ကြပါတယ် ။ ဒီနေရာလည်း ကမ္ဘာ့ရှေးဟောင်းအမွေအနှစ်ထဲပါပါတယ်။ နှင်းထုတွေများ မြင့်မားလိုက်တာတော့ ပြောမ
နေပါနဲ့။ အဝင်ကလမ်းကျဉ်းကျဉ်းထဲ ဘတ်စ်ကားဆရာသမားက မောင်းဝင်သွားပါတယ်။
ခံတပ်ထဲလာပြီး ကားကြီးကခံနေပါတယ်။ လမ်းကကျဉ်းပြီး ကွေ့ကောက်သေး ပတ်လည်က ကျောက်နံရံ
ကြီးနဲ့ ကားထဲက အမေရိကန်တိုးရစ်ကြီးတသိုက်..😁😂😆 ၈၅%က ဟောင်ကောင်ဖွား အမေရိကန် များလေအိုး..သူတို့စကား ကွစိကွစိနဲ့ တယောက်တခွန်းဝိုင်းအာလိုက်တာ ဒရိုင်ဘာမျက်နှာကြီးမည်းမှောင် လို့၊ရှေ့တိုး မရ၊ တံခါးဖွင့်ပြီးဆင်းမရရှင့်..။
ဘေးက ကျောက်နံရံပေါ်က ခလေးမ၂ယောက်ကို လှမ်းပြီး အကူအညီတောင်းရတယ်။ ရှေ့တိုးနောက်ဆုတ်
ဘယ်ကွေ့ညာဝှိုက်နဲ့ နောက်ဆုံးအောင်မြင်စွာ ပြန်ဆုတ်ခွါသွားနိုင်ပါတယ်။ ကားကို ရပ်ပါလို့ဆိုင်းဘုတ်က
နှင်းတွေကြားထဲမြုပ်နေတာမမြင်လို့တဲ့...။ ကျောက်နံရံအပေါ်က နှင်းထုကြီးတွေ့လား အရမ်းကြီးမာခဲနေ တာဘဲ..။

ဒါကWiki ထဲကနေကစ်လာတာ..နွေရာသီဆို အတော်လှမဲ့ပုံ..ကားခံသွားတဲ့နေရာလေးတွေ့လား အဲ့နေရာ မရောက်ခင် ကွက်လပ်မှာရပ်ရမှာ အားလုံး နှင်းဖုံးနေတော့ ဆရာသမားကျော်ချသွားတာလေ...😝
စစ်တပ်ဝင်း ကိုယ်ရံတော်တပ်သားတွေလက်ရှိ နေထိုင်တုံး ရုံးလုပ်ငန်းတွေရှိတုံးပါ။ သူတို့ဂိုက်မပါဘဲ အထဲ မှာသွားလာခွင့်မရှိပါ။ ကနေဒါနိုင်ငံသူ Quebec သူလေးက ရှင်းပြရှာတယ်။ လူကပိန်ပိန်သေးသေးလေး။
သူ့ခမျာရှင်းပြရှာတယ်။ ဒီကလူတွေလည်း အရမ်းအေးတော့ သိပ်စိတ်မဝင်စားကြဘူးဗျ...။ အရင်ကပြင်သစ်
တွေမြောက်အမေရိကရောက်လာပြီး အခြေချနေထိုင်၊ နောက်ဗြိတိသျှများလာသိမ်းပိုက်၊ နောက်ဘာညာ
ပြောတော့ ခင်ခင်ရှည်လည်း ရှည်လိုက်ပါတယ်။ အားမငယ်ပါနဲ့ အဲ့ဗြိတိသျှလည်း တို့ကို နှစ်တရာကျော်အုပ်
စိုးဗိုလ်ကျသွားပါတယ်လို့..။ သူကပြန်ပြောပါတယ်။ သူတို့ကိုအုပ်ချုပ်တာကပိုကြာပါတယ်တဲ့..။
အော်....သနားစရာ..။

ကိုယ်ရံတော်တွေ ဘယ်လိုဝတ်စားတယ်ဆိုတာရှင်းပြတာပါ။ စကားမစပ် ပြောရမယ်ဆိုရင် Quebec
ပြည်နယ်က ကနေဒါမှာအကြီးဆုံးပြည်နယ်တခုဖြစ်ပြီး ဒုတိယလူနေထူထပ်ဆုံးနဲ့ ပြင်သစ်စကားကိုရုံးသုံး
စကားအဖြစ်သတ်မှတ်ထားပါတယ်။ ဒီတော့ သူတို့ကလွတ်လပ်တဲ့တိုင်းပြည်တခုအဖြစ် ခွဲထွက်ချင်တော့
(လက်နက်ကိုင်မတောင်းဆိုပါဘူး....) တပြည်လုံးမဲခွဲဆုံးဖြတ်ချက်ယူကြတာ။ ရူံးလို့ကနေဒါရဲ့ပြည်နယ်တခု
အနေနဲ့ခုထိတည်ရှိနေတုံးပါ။ ၂၀၀၆ မှာနဲ့တူတယ်။ သူတို့ပြင်သစ်စကားပြောQuebecသားတွေ ဝမ်းနဲပက်
လက်ငိုနေကြတဲ့ပုံတွေ တခါက မီဒီယာလောကမှာ အရမ်းပေါ်ပြူလာဖြစ်ခဲ့တာပေါ့။

 ဂိုက်မမကခေါ်နေတာ ဘယ်နေရာကြည့်ကြည့် ဖြူနေတာတခုဘဲ...
The gun of navarone တော့မဟုတ်ပါလေ...(ကြည့်ဖူးလား..အဲ့ဒီရုပ်ရှင်ပေါ်တာကိုယ်တောင်မမွေးသေး ဘူး) ဒါပေမဲ့ နံမည်ကြီးဗျ..
 Saint Lawrence River မြစ်ကြီးလည်းရေခဲပြင်တဝက်တပြက်..ဘစ်ကားနဲ့ သွားရင်းလာရင်း မြစ်ရေခဲ
ပြင်ဖေါက်ပြီး ငါးမျှားနေကြတာတွေ့ရတယ်...။ဓါတ်ပုံတော့မရိုက်ဖြစ်ဘူး..။

ကိုယ်တို့အဖွဲ့သားများကိုလည်းကြည့်ကြပါအုံး...လေတိုက်တော့ နှင်းထုကြီးကနှင်းတွေ လေနဲ့ဝှေ့ပြီးမျက်နှာ လာတိုးတာတော့ တကယ်မမိုက်ဘူး..။
Saint Lawrence River မြစ်ကို အဆုံးဆွဲပြီးရိုက်ကြည့်တာ..ကနေဒါရဲ့ဒေသခံ( အမေရိကားနိုင်ငံကဒေသခံ
ရက်အင်ဒီးယန်းလိုပေါ့)စကားနဲ့ Quebec ဆိုတာ မြစ်ကျဉ်း(ကျဉ်းမြောင်းသွားတဲ့မြစ်) လို့အဓိပ္ပါယ်ထွက် သတဲ့။ကနေဒါရဲ့ဒေသခံတွေကို အစိုးရကသေသေချာချာစောင့်ရှောက်ထားတယ်။ သူတို့က အခွင့်ထူးခံ အခွန်ဆောင်စရာမလိုတဲ့။ သူတို့လူဦးရေကလည်းအရမ်းနဲပါတယ်။

တော်သေးတယ်လို့ဆိုရမယ် ကျာျးကျားဒီနေရာမှာ ၂နှစ်လောက်တာဝန်ကျသေးတယ်။ သူခြေထောက်
ကျိုးတာနဲ့မလာဖြစ်တာ...နှင်းထုနဲ့အအေးကြည့်ပြီး..လူကဂန့်ချင်ချင်..

ဖြစ်သန်းသွားရင်း သူတို့နေအိမ်တခုကိုကြည့်မိတယ်...။
 ကိုင်း..မြို့ထဲပြန်သွား..နေ့လည်စာစားမယ်တဲ့..
ပြီးရင်ဒီနေရာပြန်လာမယ်winter carnival လေ..
 အဲ့ခေါင်မိုးနီနီဆိုင်မှာ..နေ့လည်စာစား...
ပြင်သစ်အစားအစာပေါ့..ဖရုံသီးဟင်းရည်..အေးကအေးနဲ့ဒီလိုဆွပ်ပြုတ်တွေ့တော့ မနေနိုင်မြန်မြန်ကြီး
စားသောက်လိုက်ပါတယ်..အရမ်းကောင်းဘဲဆရာ...
အင်းသား ရှမ်းမဆိုတော့ ငါးအရမ်းစားပေါ့...။ ရှမ်းခေါက်ဆွဲမှမရတာ ငါးဘဲစားမှာပေါ့နော့်...။ ဒီလိုပါဘဲ
ပြင်သစ်စာတွေဆိုရင် ပုဂံထဲမှာနဲနဲဘဲပေးတတ်တာ...စားပြီးဆက်သွားတာတွေတော့ နောက်တခေါက်ပေါ့
နော်...အိုကေပါတယ်..နောက်နှစ်မကူးစေရပါဘူး...

အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage

4 comments:

  1. ဘယ်ကြည့်ကြည့် နှင်းတွေ ဖြူဖွေနေတာ လှလိုက်တာ

    ReplyDelete
    Replies
    1. ကိုယ့်မွေးစားသမီးလေးကတော့
      ဘယ်နားကြည့်ကြည့်
      အဖြူနဲ့အနက်ရောင်ဘဲ
      ရှိတဲ့ဒေသတဲ့...ကဲ
      အမြင်မတူကြတာလေ..
      :P :D

      Delete
  2. သူငယ်ချင်းကအဲမှာနေတာ
    တနေ့ တော့သွားလည်အုန်းမှပါ
    အုိုင်အိုရာ

    ReplyDelete
    Replies
    1. သွားလည်ပါပျော်စရာကောင်းတယ်

      Delete