ဆဌမအာရုံ sixth sense

မင်္ဂလာပါရှင်~~~
ရှင်ရုင်ကားအကြောင်းလက်တို့တာဟုတ်ပါဘူးနော်။ထုံစံအတိုင်းပေါ့ရှင်...ကျမကြုံခဲ့တဲ့အဖြစ်အပျက်တွေပါ။လူတိုင်းလူတိုင်း တခါတလေကြုံဖူးကြမှာပါ။တချို့အဖြစ်တွေဟာ..ကြိုသိနေသလို၊ဖြစ်ခဲ့ဖူးသလိုလိုနဲ့လေ။စာတွေဘာတွေ ထဲဖတ်ဖူးတာ၊အဲလိုမျိုးကြိုတင်သိတတ်တဲ့ အာရုံကို ဆဋ္ဌမအာရုံ sixth sense လို့ခေါ်တယ် တဲ့။ ရုပ်ရှင်တောင်ရှိသေးတယ်။ ကျမ မယ်ငီးလည်း လူအထင်ကြီးအောင်ပြောရရင်တော့ sixth sense ရှိ သယောင်ယောင် (အတင်းစပ်ဟပ်ပြီးပြောကြည့်တာပေါ့...ကွာ)😁

အင်း..ပထမဇာတ်လမ်းကတော့ ၁၆နှစ် တရက်စွန်းအရွယ်မှာပေါ့..ဒေသကော လိပ်ကျောင်းသူကြီးကို အစ်မကကျောင်းနဲ့နီးတဲ့ရန်ကုန်ပြည်လမ်းမ ၅မိုင်ခွဲနေရာတခုမှာအဆောင်ဌားပေးလိုက်ပါတယ်။ ကျောင်းတက်ခါစအချိန်အဆောင်သူတွေနဲ့လည်းသိပ်မရင်းနှီးသေးဘူး။အခန်းဖော်သူငယ်ချင်းကလည်း လသာ၂ ကတဲကသူငယ်ချင်း..။သူ့နဲ့အဆောင်ရှေ့မြက်ခင်းပြင်ပေါ်က ဒန်းလေးမှာ ဒန်းစီးရင်း လေကန်ဝေဖန်ရေး လုပ်နေ ကြတာပေါ့..။ဒန်းက မြက်ခင်းနဲ့ခြံစည်းရိုးအလယ်လောက်မှာရှိတာ...။အကြာကြီးဘဲအာလူးတွေပေးရင်း မိုး
ချုပ်စပြုလာပြီလေ..။ အဲ့ဒီအချိန်မှာဘဲ လေချွန်သံ..ရွှီ..ဆိုပြီးကြားတယ်..။ ဒီအတိုင်းဘဲလမ်းမပေါ်မှာဖြတ် သွားတဲ့ကာလသားတွေ အဆောင်ကျောင်းသူတွေကို လေချွန်သံပေးတယ်ဘဲထင်တာပေါ့..။ နောက်ဆက်ခါဆက်ခါကြားလာတယ်။ ကျမသေသေချာချာနားထောင်ကြည့်တာ..လေကိုချွန်တာဟုတ်ဘူး.. 
လေကိုစုပ်ပြီးအသံပြုသလိုမျိုးဘဲ...။သူငယ်ချင်းကပြောနေသေးတယ်။ဒီကောင်တွေ အနားကပ်ခြံစည်းရိုးဖြဲပြီးကို အသံပြုတယ်ပေါ့..အရွှယ်လေးကလည်း ငယ်သေးတော့ ပဲတွေဆက်ပေးနေသေးကြတာလေ..ဟီး...:P ကျမတို့အဆောင်က
စဉ့်ကူဆောင်နဲ့နီးတော့ အဲဒီက ဘဲကြီးတွေ(ကိုယ်တို့အတွက်တော့ အသက်အရမ်း ကြီးကွာတယ် လို့ထင်ခဲ့တယ်လေ) လာပိုးတယ်လို့ဘဲယူဆတာပေါ့...။

အဲဒီအချိန်မှာဘဲ ကျမလေ..ခြံစည်းရိုးကိုစိုက်ကြည့်နေတာ၊သူငယ်ချင်းကသွားမကြည့်နဲ့ဒင်းတို့ကိုကရုစိုက်တယ်လို့ထင်မှာတဲ့..။ကျမမျက်တောင်တောင်မခတ်ဘူးကြည့်တာ။သူငယ်ချင်းပြောလည်းနားမထောင်ဘူး။(သူတို့တွေအားလုံးနီးပါးက ကျမကိုသူငယ်ချင်းလိုထက်သူတို့ရဲ့ညီမငယ်ခလေး တယောက် လိုဆက်ဆံ တတ်ကြတယ်လေ၊ကိုယ်ကလည်းခပ်တုံးတုံး အဲဒီတုံးက ဘာမှသိပ်မသိ နားမလည်ခဲ့ဘူး)ကြည့်ရင်းနဲ့လှုပ်လှုပ်တခုကို တွေ့လိုက်တယ်။တဖြေးဖြေးထောင်တက်လာတယ်..ပြီး ကားလာတယ်။ကျမလက်ဝါးအရွှယ်လောက်ရှိမယ်။နောက်အဆောင်ပိုင်ရှင်တိုက်က ဝရံတာမီးဖြတ်ကနဲဖွင့်လိုက်တော့..၊အိုးလာ....လား...မီးရောင်နဲ့ပါးပြင်းထောင်နေတဲ့မြွေမျက်လုံး လက်ကနဲဖြစ်သွားမှ သေသေချာချာတွေ့ရတာလျှာလို့ခေါ်ရမှာလား..သူပါးစပ်က လျှာအရှည်ကြီး အမြီး၂ ခွဆိုတာ အမှန်ဘဲ..၊ပလပ် ပလပ်နဲ့ အမေရေ ကယ်ပါ... လူလည်း လွှားကနဲ ခုန်လိုက်တာ ၃ လှမ်းလောက်နဲ့မြက်ခင်းပြင်ကျော်ကိုရောက်သွားတယ်။ပါးစပ်ကလည်း မြွေမြွေ အော်ပြီး ပြေးတာ အခန်းထဲက ကုတင်ပေါ်တန်းကနဲဘဲ..ဒီလိုသတ္တိခဲပါရှင်။ဘာလို့စိုက်ကြည့်ခဲ့တာလည်းမသိပါဘူး..ကောင်လေးတွေမို့လို့လဲမဟုတ်ဘူး..ကျမငယ်ငယ်ကတဲကယောက်ကျားလေးလိုဘဲနေခဲ့တာ။ကံကောင်းထောက်မလို့ ဆက်ပြီးပဲပေးနေသေးရင် အဲတုံးကတဲကသတင်းစာမျက်နှာ ဖုံးမှာ ပါလောက်ပြီ..:P (အဲဒါကိုမြွေပါးပြင်းထောင်တယ်လို့ခေါ်တာတဲ့၊လူကိုပေါက်ဖို့ပြင်နေတာလေ..နောက်၃ရက်ကြတော့ ခြံရှေ့မြောင်းထဲမှာတွေ့လို့ အဲနားကလူတွေရိုက်သတ် လိုက် ပါတယ်တဲ့)။

နောက်တခုက ကျောင်းပြီးလို့ကျိုင်းတုံမြို့လေးမှာနေတဲ့အချိန်ပေါ့ဆောင်းရာ သီ စွမ်တောင်းဘုရားပွဲကျင်းပတဲ့အချိန်လေ။ဘာဖြစ်လည်းဆိုတော့ စွမ်တောင်းဘုရားကတောင်ပေါ်မှာရှိတဲ့အတွက် ညကျတော့ လူခြေတိတ်ချိန်မှာ ပွဲခင်းကအသံတွေအတိုင်းသားကြားရတယ်..။"စွမ်"ဆိုတာအထွဋ်အထိပ်က၊ထိပ်ဖျားပိုင်းလို့အဓိပ္ပါယ်
ရပြီး"တောင်း"ဆိုတာ ကြေး ပါ..။အဲဒီဘုရားကကျိုင်းတုံမြို့မှာအမြင့်ဆုံးစေတီတခုဖြစ်ပြီး ဘယ်နေရာကကြည့်ကြည့်ဝင်းကနဲ ထင်းကနဲမြင်ရတယ်။ ခုတော့ စွမ်ခမ်းဖြစ်သွားပြီလေ"ခမ်း"ဆိုတာ "ရွှေ" ရွှေထီးတင်လိုက်ပြီဆိုပါတော့။ အင်း..ကြုံတုံး..ကြွားရရင် အဲလေ ပြောရ ရင်တော့ကျမအဖေဦးဆောင်ပြီးစွမ်တောင်းဘုရားကို ရွှေထီးဘုရားကပ်ပူဇော်ဖို့ဘုရားပွဲကျင်းပကြပါတယ်။ (အဖေက မြို့လေးမှာဘာဘဲလုပ်လုပ်ဦးစီးဦးဆောင်ခဲ့တာတွေအများကြီး၊သမီးကတော့ အိမ်ထဲကုပ်နေတာလောက်ဘဲသိတာ)

စွမ်ခမ်းစေတီ

(ရှမ်းပြည်ရဲ့ထုံးစံလောင်းကစားတွေ ၄ကောင်ဂျင်တို့ ၁၂ကောင်ဂျင်တို့ မာခုတ်ခတ်ဆိုတဲ့အန်စာတုံးအကြီးကြီး၂ခုလား ၃ခုလားသိပ်တောင်မမှတ်မိချင်တော့ဘူး အဲ့တာကိုသေတ္တာထိပ်မှာတင်ထားပြီး ကြိုးနဲ့ဆွဲချအောက်ကပုံမှာတိရစ္ဆာန်ပုံလေးတွေပါတယ်။ အဲ့ဒီမှာပိုက်ဆံထပ်ထားရင် လျှော်ကြေးဘယ်နှစ်ဆဆိုတာရတာပေါ့။ ဒီလိုလောင်းကစားဒိုင်မျိုးစုံကို ကန်ထရိုက်ပေး ဘာညာပေါ့..အဟဲ အဖေမရှိမှသမီးဖြစ်သူကပြောရဲတာပါ) ဘုရားပွဲကျင်းပ အဲ့ဒီကဈေးကောက်တွေကောက် မြို့ထဲအလှုခံ အားလုံးအားလုံးစုပြီး ဘုရားကိုရွှေထီးချခဲ့တာပါ။အဖေပြောပြပါသေးတယ် မြို့ထဲအလှုလိုက်ခံတာ မင်းတို့အမေ ဂုံရှမ်းတွေတကယ်ကပ်စီးနဲဘဲ...တဲ့၊တရုတ်တွေဆိုရင်တကယ်ထဲ့တာတဲ့။ ပိုက်ဆံမလောက်လို့ဒီလိုလုပ်ရတာကွ..တဲ့(ရူး..တိုးတိုး..မြို့ကလူတွေသိရင် ကျုပ်တော့ အထောင်းခံရအုံးမှာ...) အင်း..ပြောချင်တဲ့နေရာရောက်အောင်ဆွဲခေါ်လာနေ 
တာလေ..ဘယ်တွေရောက်သွားပြီကြောင်း....!!!! လျှာရှည်တယ်ရှင့်...😁😂
 

အခုမြင်ရတဲ့စွမ်ခမ်းစေတီ

ကဲပါလေ..လိုရင်းတိုရှင်း..အဖေလည်းသူ့အလုပ်နဲ့သူရှုပ်နေ၊ လောင်းကစားတွေရှိတော့ လောင်းကြပြီပေါ့..ဘိန်းစား ဖိုးသမားလည်း အန်မတန်ပေါများတာကိုး..အဲဒီတုံးကမြို့ရဲ့မီးပေးဝေပုံကလည်း ည ၉ နာရီ တိတိ မှာတမြို့လုံးမီးပိတ်ပါတယ်။ဒီတော့ မီးမပိတ်ခင် ၅မိနစ် ၁ဝမိနစ်လောက်ဆိုရင်အိမ်သာပြေးရပြီလေ။ တောထုံးစံရေအိမ်ကလည်းဟိုး..ခြံနောက်ဆုံးထောင့်မှာ အိမ်က ပေ ၁ဝဝ  ရှည်ပါတယ်။အိမ်နောက်ကပ်ရပ်ဟော်နန်းဟောင်းတခု(ခလေးထိန်းကျောင်းလုပ်ထားတယ်လေ)၊သူများတွေတောပြောတောင်ပြောနဲ့အဲဒီမှာ ဝိဉာည်တွေဘာတွေရှိတယ် သူရဲတွေရှိတယ်ဆိုတော့ အသေကြောက်တာပေါ့။အိမ်မှာလည်း အမ နဲ့၂ယောက်ထဲဘဲရှိတယ်။လူကြီးတွေမပြန်လာကြသေးဘူး။၂ယောက်သားအိမ်နောက်ဖေးပြေးကြပါတယ်။ ၉နာရီထိုးခါနီးပြီလေ..။အိမ်သာက မြောက်ဖက်ထောင့်မှာရှိပြီး ရေတွင်းကတောင်ဖက်ထောင့်မှာရှိပါတယ်။အမကအရင်ဝင်ပါတယ်။ ကဲ..မယ်ငီး တောင်ဖက်ထောင့်နားက ရေတွင်းဆီကိုတည့်တည့်မတ်မတ်သွားပါတယ်။ ရေတွင်းနဲ့ကပ်ရပ်မှာရှိနေတဲ့ စဉ့်အိုးကြီးထဲကရေကိုခပ်ပြီး အိမ်ထောင့်နားကစပါးလင်အုံ ကိုလှမ်းပြီး ရေနဲ့ပက်ပါတယ်။ ဆောင်းတွင်းဆိုရင် ကျမတို့ဖက်ကတအားအေးတာ..။ရေဆိုရင်မထိချင်ဘူး။အေးစက်ခဲနေတာဘဲ။ အမက သူရေအိမ်ကထွက်လာတော့ လှမ်းအော်ပါတယ်။မြန်မြန်လုပ် မီးငယ်မီးမိတ်တော့မှာ..။ကျမဆက်ခါဆက်ခါနဲ့လောင်းတာ ဘာဖြစ်လို့လဲမသိပါဘူး..။၄ခါလောက်လောင်းပြီးတော့..အီး..အား..အူး..ဆိုတဲ့အသံတွေ အဲဒီစပါးလင်ခြုံထဲကနေထွက်လာတယ်...။ အို..သတ္တိခဲ မယ်ငီးဘဲပြေးတာတန်းနေတာဘဲ..မမလည်းပြေးတယ်..။အိမ်တံခါးကိုမပိတ်ခဲ့ကြဘူး..။အိမ်ရှေ့ကနေ အပြင်ထွက်ပြီးအိမ်နီးနားချင်းကို အော်ဟစ်အကူအညီတောင်းရတာပေါ့..။နောက်တော့ ရပ်ကွက်ထဲက လူတွေလာကြ တယ်။ အော်...ညဦးကတဲက ခိုးဖို့စောင့်နေကြတဲ့ သူခိုး၂ယောက်မိသွားပါတယ်။သူတို့ကအေးနေတာရေနဲ့ထပ်တွေ့တော့မခံနိုင်တော့ဘူးလေ...
အော်တော့တာပေါ့...။

ကဲ...မယ်ငီးမှာ sixth sense ရှိပါတယ်ဆို... 😁😎😆

နောက်ယိုးဒယားမှာကြုံခဲ့တဲ့ sixth sense ကိုတော့ နောက်တခါပေါ့နော်...ဟီး..
ခဏခဏဂတိပေးတတ်တယ်..ပြီး..ကြာနေတာလေ...ခွင့်လွှတ်ပါရှင်.... :)

အားလုံးဘဲရွှင်လန်းချမ်းမြေ့ကြပါစေ~~~
#meemeenage