ငရုတ်သီးထောင်း၊အမျိုးပေါင်းသောင်းခြောက်ထောင်..

မင်္ဂလာပါရှင်~~~

ဒီတခါခေါင်းစဉ်ကိုဖတ်ပြီး..ဟား..လွန်လှချည့်လားလို့ ထင်ပါနဲ့ ရှင်...။
အစပ်လေးအထောင်းလေးတွေက လုပ်စားတတ်ရင် တကယ်ကြီးကို အမျိုးပေါင်းမြောက်များစွာရှိပါတယ်။
ထမင်းစားရင်အသားဟင်း တွေဘယ်လောက်ကောင်းကောင်း၊အစပ်လေးတခွက်ပါမှ ပြည့်စုံတယ်လေ။
အဖေတို့ အမေတို့ ချက်ကျွေးတဲ့၊ကျမတို့ စားတတ်တဲ့ အထောင်းအစပ်လေးတွေကို ပြောပြမယ်နော်။
ဒီလို အစပ်ထောင်းဆိုတာကလည်း လူမျိုးအလိုက်ပုံစံအမျိုးမျိုးရှိတာကိုး...။
ဒီတော့ အရင်ဆုံး ကျမရဲ့ လူမျိုးတွေပေါင်းစပ်ထားတဲ့" လအော့လအယ်"ဆိုတာ ကနေစမှရမယ်။
အဲဒါက ဟိုမရောက်ဒီမရောက် ကိုပြောတာတဲ့...နော်..:P

ကျမတို့ အမေဖက်က အဖိုးက ယွန်းရှမ်း(ကျိုင်းဆိုင်ဒေသ၊အခုဆိုထိုင်းနိုင်ငံထဲမှာပေါ့)+ဂုံရှမ်း(ကျိုင်းတုံ)၊
အဖွားက မိုင်းနောင်(သီပေါ၊ကျေးစီး၊မန်စံ)ဖက်က မြောက်ပိုင်းရှမ်း၊
အဖေဖက်ကျတော့ အဖိုးကတောင်ကြီးကရှမ်း၊အဖွားက အင်းသားစစ်စစ်၊ကိုင်း...မျက်စိလည်သွားပြီ..:))
အင်း....ဒီလိုဆိုတော့ သူတို့ ချက်ကျွေးတဲ့ဟင်းတွေက  ရှမ်းဟင်းတွေများသလို၊တချို့ အခေါ်အဝေါ်တွေကို၊
ကျမဗမာလိုမပြန်တတ်ပါဘူးရှင်...:D ရှမ်း ၃ မျိုးပေါင်းစပ်ထားတော့ အမျိုးပေါင်းမြောက်များစွာရှိပြီပေါ့နော်။
ငရုတ်သီးထောင်းကိုရှမ်းလို နမ့်ဖစ်လို့ ခေါ်ပါတယ်။

နမ့်ဖစ်အတွက် အခြေခံအကျဆုံးကတော့ ကြက်သွန်နီသေးမျိုးတွေ(ဥအလုံးကြီးကြီးဟုတ်ဘူးနော်)၊
လုပ်နည်းကတော့..အရမ်းကြီးကိုရိုးစင်းပြီးလွယ်ကူပါတယ်။

ကြက်သွန်ဖြူ လည်းတလုံးဥတွေထက်စာရင် အမွှာလေးနဲ့ ဒေသထွက်သေးသေးလေးတွေ
ကပိုကောင်းတယ်တဲ့၊ (အဖေပြောလို့ ပါ၊အရင်ကဆို ဘာဘဲဖြစ်ဖြစ်အတူတူလို့ ထင်တာ၊
အရသာတကယ်ကွဲပါတယ်)။ ငရုတ်သီးကဘယ်လိုဖြစ်ဖြစ်ရပါတယ် စပ်ရင်ပြီးရောနော်..။

ရှမ်းထမင်းဆိုင်မှာရတတ်တဲ့ နမ့်ဖစ်ကတော့ ရိုးရိုးလေးပါ။
ခရမ်းချဉ်သီး၊ပဲပုပ်ထောင်းဆိုတဲ့ နမ့်ဖစ်မာခေစွမ်ပေါ့။
ကြက်သွန်နီ၊ဖြူ၊ငရုတ်သီး၊ပဲပုပ်၊ခရမ်းချဉ်သီး မီးအုံး၊ပြာပူထဲထဲ့၊မီးကင်ကြိုက်သလိုလုပ်လို့ ရတယ်..၊
ပြီးရောထောင်း..ဒါပါဘဲ။

ခရမ်းချဉ်သီးမပါရင်နမ့်ဖစ်နော့ဆိုပြီး ရေနဲနဲရောတတ်တယ်၊ခဲခဲကြီးမဖြစ်အောင်ပေါ့။
အော်..နံနံပင်လေးပါးပါးလှီးဖြတ်ပြီးအပေါ်ကနေအုပ်ရင်တော့ ပိုပြည့်စုံပါလိမ့်မယ်။
တချို့ ကလည်းငရုတ်သီးအနီအစပ်မျိုးနဲ့ ခပ်ကြမ်းကြမ်းထောင်းတတ်တယ်။
ရေလည်းမရောပါဘူး။ရောင်းတန်းပုံစံမှာတွေ့ ရတတ်ပါတယ်။

အဲဒီလိုနမ့်ဖစ်ရိုးရိုးကိုဘဲ ပင်စိမ်းသီး(မာကော့ခိနူ)၊နောက်အသီးတမျိုးလည်းချဉ်တာဘဲ
(မာကော့လို့ ခေါ်တယ်) အဲဒီလိုအချဉ်သီးကိုမီးအုံးပြီး ခရမ်းချဉ်သီးအစားထဲ့တဲ့အထောင်းကျတော့၊
နမ့်ဖစ်မာကော့...တဲ့။

ငါးကျပ်တိုက်လေးနဲ့ ရောထောင်းတော့ နမ့်ဖစ်ပါ..(ပါ..ဆိုတာငါးကိုခေါ်တာပါ)။
(ခရမ်းချည်သီး မပါလည်းရ၊ထဲ့ချင်လည်းရပါတယ်)။

ကြက်သွန်မြိတ် onion leek (အရွှက်ကအပြားမျိုးလေ..)ကိုမီးမြိုက်၊ပဲပုပ်၊ငရုတ်သီး၊နဲ့ ထောင်းတာလည်း နမ့်ဖစ်သွန်ဟိုဝို...အရမ်းဘဲစားကောင်းတယ်နော်..။

နံနံပင်နဲ့ ငရုတ်သီးစိမ်းထောင်းတာကျတော့ နမ့်ဖစ်အီကော်တဲ့..။ပဲပုပ်မပါဘူး။

 အလုပ်သမားတွေကိုကျွေးတုံးက အချဉ်ပါညှစ်ပေးဆိုလို့ သံပုရာသီးပါညစ်ထဲ့ပေးလိုက်တယ်။

ရှမ်းနံနံပင်လို့ မြန်မာလိုခေါ်ကြတဲ့ အပင်ကိုငရုတ်သီးစိမ်း၊ကြက်သွန်ဖြူနဲ့ ထောင်းပြီး သံပုရာသီးနဲ့ ညှစ်စားတာလည်းကျမတော့ အရမ်းကြိုက်တာဘဲ။
ရှမ်းတွေက အဲဒီအပင်အရွှက်ကို ဖတ်ကီးချိုင်းမိုင် လို့ ခေါ်ပြီး ထိုင်းတွေက ဖတ်ကီးဖါ့လန်(ဖါ့လန်ဆိုတာ ထိုင်းတွေကနိုင်ငံခြားသားကိုဆိုလိုတာ)လို့ ခေါ်တယ်...အခေါ်အဝေါ်တွေက လည်ပတ်နေတာဘဲ..:P

ဒီအရွှက်ပေါ့ ဗမာလို ရှမ်းနံနံလို့ ခေါ်လားမသိပါဘူး။

ကဲ..နောက်မျှစ်ဝါသေးသေးလေးတွေကိုအချဉ်တည်ထားတာ ငရုတ်သီးနဲ့ ထောင်း(ပြောမဲ့သာပြောရတာ၊
ဒီနမ့်နော် ဆိုတာကိုတခါမှမလုပ်ဖူးဘူး ၀ယ်ဘဲစားတတ်တာ၊..ဒီတော့ လုပ်နည်းသိပ်မသိပါဘူး။..;D..ဟီး
မျှစ်ဆိုပေမဲ့ညက်ညောနေတာဘဲ အရောင်က လိမ္မော်ရောင်လေးနဲ့ ချဉ်စပ်စပ်လေး ဆီနဲ့ စိမ်ထားပါတယ်)..။
ကျောင်းတက်နေတဲ့အချိန်တုံးကတော့ အမေအမြဲထဲ့ပေးရတဲ့ ဟင်းဗူးတခုပေါ့။

နမ့်ဖစ်အီကျော့..ကျတော့ မုန်ညှင်းချဉ်(ရှမ်းချဉ်လို့ ခေါ်ရမလားမသိပါဘူး၊ထမင်းတို့ ဆန်ဆေးရည်တို့ နဲ့ ၊
ချဉ်ထားတဲ့ ဟာမျိုးပါ။) အဲဒါကို ပြန်ပေါင်းပြီး ငရုတ်သီးနဲ့ တောက်တောက်စင်း၊ အရောင်စိမ်းစိမ်းလေး၊
ချဉ်ချဉ်စပ်စပ်လေးပေါ့..။အရမ်းလက်ဝင်တဲ့ ဟင်းတခွက်ပါ။ အလှူတွေဘာတွေမှာကျွေးတတ်တယ်။

ငရုတ်သီးစိမ်းထောင့်ကြီးကြီး အစပ်မျိုးကို မီးကင်၊မီးအုံးပြီး ကြက်သွန်ဖြူ(မီးကင်) နဲ့ ထောင်းထားတာကတော့ နမ့်ဖစ်နွံ..တဲ့(ကဲ..ဒီအထောင်းကျတော့ ကျိုင်းမယ်ဖက်က လန်းနားရှမ်းစာနဲ့ အတူတူပါဘဲ၊ သူတို့ က ငပိလေးပါထဲ့တယ်။)တချို့ က ခရမ်းသီးထောင်းလို့ တောင်
ထင်တတ်ကြတယ်။(ဘာဖြစ်လဲ ဆိုတော့ ငရုတ်သီးအစေ့လေးတွေကိုမြင်နေရလို့ လေ)။

နမ့်ဖစ်တာလှိုင်..ကိုတိုက်ရိုက်ဘာသာပြန်ရင် မျက်စိနီတဲ့အထောင်းလို့ ခေါ်ရမယ်နဲ့ တူတယ်။
အဲဒါလည်းလန်းနားရှမ်းစာတခုပါဘဲ။ ငရုတ်သီးအခြောက်ထောင့်ကို၊ငါးပိ၊ကြက်သွန်ဖြူနဲ့ 
ညက်နေအောင်ထောင်းတာပါဘဲ။

ဒီနေရာမှာနဲနဲပြောရမယ်ဆိုရင်...ချိုင်းမယ်(ဇင်းမယ်)ဖက်က ဒေသခံ(လန်းနားရှမ်း ဆိုပါတော့)...
သူတို့ ရဲ့ ဟင်းတွေကများသောအားဖြင့်ငါးပိထဲ့ကြတယ်။ထောင်းစားတဲ့ငါးပိမဟုတ်ဘူး။
ငါးပိရည်ကျိုတဲ့ငါးပိဆားစိမ်အကောင်တွေကိုတောက်တောက်စင်းပြီး အားလုံးပစ်ထဲ့လိုက်တာဘဲ။
ဒါကြောင့်သူတို့ ဟင်းတွေဆိုရင် အနံ့ သိပ်ပြင်းတာ..^_^( အဟဲ..မကြိုက်လို့ လေ)

နမ့်ပူ

နမ့်ပူ..ဆိုတာကတော့ လယ်ဂဏန်းကို အချဉ်တည်ထားပြီး တောရှောက်ရွှက်၊စပါးလင်၊ငရုတ်သီးနဲ့ 
ညက်နေအောင်ထောင်းထားတဲ့ မဲမဲစီးစီး အထောင်းတမျိုးပေါ့။ကောက်ညှင်းပေါင်းပူပူလေးနဲ့ တို့ တို့ စား၊
လိုက်ရရင်..လွှတ်ကောင်းပေါ့..:P

ကဲ..ဓါတ်ပုံထဲမှာမြင်ရတဲ့ နီနီညှက်ညှက်လေးက နမ့်ဖစ်တာလှိုင်၊အလယ်က နမ့်ပူ၊ဘေးကခပ်ကြမ်းကြမ်းက
အရိုးဆုံးဖြစ်တဲ့နမ့်ဖစ်ပါဘဲ။

နမ့်ဖစ်တာလှိုင်

ဟဟ...ပြောမဲ့တာပြောနေရတယ်..။တော်တော်များများကို ကျမလည်း ဈေးကနေ ၀ယ်စားဖြစ်ပါတယ်။
အဟီး..၂၀၀ကျပ် ဖိုး ဆိုတော်တော်ရတာဘဲ။ဘာလို့ အချိန်ကုန်ခံပြီးထောင်းနေရမှာလဲနော့်..။
အော်..ဒေါ်မီးအားလူးဖုတ်ပါတယ်ဆိုနေမှ....:P 

 ဈေးထဲမှာဒီလိုဇလုံကြီးတွေနဲ့ ရောင်းကြတယ်လေ။(ဒါတ်ဒါတ်လေးမွဲနေတယ်..သည်းခံပါရှင်:))

ကဲ..နမ့်ဖစ်ခိပါ..ဆိုတာကတော့ ငါးတကောင်လုံးကိုအကြေးရောအူတွေရော ဘာရောဘဲတဲ့၊
တောက်တောက်စင်း(ရှမ်းတွေတကယ်တောက်တောက်စင်းကြိုက်ဘဲနော့်)၊အချဉ်တည်။
ပြီး သူတို့ ဟင်းခတ်အမွှေး အကြိုင်(ပြောလည်းရှမ်းလိုဘဲတတ်တာ..အဟဲ)ထဲ့၊ပြီးကြော်...
အိုး..တကယ်လက်ဝင်တာပေါ့...

ပုဂံအနီထဲက ဟာလေးပေါ့။ကျမ မောင်တဝမ်းကွဲကလေးကင်ပွမ်းတပ်ကျွေးတုံးက၊ခိုးရိုက်ရတာလေ..။
ခေါက်ဆိန့် ရယ်၊ကောက်ညှင်းရယ်၊ခိပါ ရယ်၊ ဘဲဥဆားစိမ်ရယ်၊နောက်ရှိသေးတယ်၊မှတ်မိဘူး။
ကိုယ်စားခဲ့တာဘဲမှတ်မိတယ်။ ကောက်ညှင်းနဲ့ ခိပါကို တို့ တချက်ဝါးပြီး ခေါက်ဆိန့်  တရှလွှတ်
လေးနဲ့ ပေါ့..ဟင်းဟင်း....ဘယ်ပြောကောင်းမလဲ။...အားလုံးမေ့...ဟား...:))))

နမ့်ဖစ်မာခိုင်ဆိုတာရှိသေးတယ်။ မာခိုင်ဆိုတာက အသီးတခုရဲ့ အမည်ပါ ခိပါထဲမှာလည်းသူ့ ကိုထဲ့တယ်။
အနံနဲနဲပြင်းပါတယ်။ဒါတ်ပုံတွေပေါင်းသောင်းခြောက်ထောင်ရှိတာ.ဘာတွေဘယ်နေရာမှန်းမသိတော့ဘူး..။
နောက်တော့မှထပ်ပြောပြရအုံးမယ်။ ဒီနမ့်ဖစ်မာခိုင်ကိုတော့ ကြက်ဥပေါင်း(ကမ္မောဒီးယားပုံစံလေ)
ကြက်ဥအစိမ်းကိုဆေးထိုးအပ်နဲ့ စုပ်ထုတ်ပြီး အပြင်မှာအစာပလာစပ်ထဲ့၊ပြီးကြက်ဥထဲပြန်ထဲ့ပေါင်း..။
အဲဒါနဲ့ တို့ စား...ဟားဟား..တော်တော်ပေါက်ပေါက်ရှာရှာစားတတ်တဲ့ရှမ်းတွေနော်..။

ကဲပါလေ..အားလည်းနာတယ်။စာလည်းရှည်ပြီ။ဒါတ်ပုံလေးတွေနဲ့ မညွှန်းနိုင်ခဲ့တာ ခွှင့်လွှတ်ပါရှင်..။
ကျန်သေးတဲ့ အထောင်းနဲ့ အင်းသားအထောင်းတွေကို နောက်ထပ်တခါမှအာလူးလာဖုတ်တော့မယ်နော်..။
သိလား...ဖျားနေတာကို..ရေးရင်းနဲ့ အဖျားတောင်ပျောက်သွားတယ်...။
စပ်လိုက်တာနော်..အထောင်းတွေက...ရေသွားသောက်မှ..:P

အားလုံးဘဲရွှင်လန်းချမ်းမြေ့ ကြပါစေရှင်~~~~
မီးမီး