Monday, May 21, 2012

ဘန်ကောက်-ယူအက်စ်သံရုံးက Amazing Thailand

မင်္ဂလာပါရှင်~~~
ဒီတခါတော့ တကယ့်က်ိုမမျော်လင့်တဲ့နေရာမှာမမျော်လင့်ဘဲနဲ့ ၊
မမျော်လင့်တဲ့အဖြစ်အပျက်လေးတခု ဆိုပါတော့ရှင်။
ကျမတို့ အတွက် မဟာ Amazing Thailand ပါ။
ဒီဇာတ်လမ်းမှာတော့သူကပင်တိုင်မင်းသားပေါ့။
ကျမက တွန်းပို့ လောကသားလေး ဇာတ်ရံပါဘဲ။
အဲဒီနှစ်ကNYအသွားလေယာဉ်ကွင်းမှာမြန်မာတိုင်းရင်းသားတွေနဲ့ တွေ့ ခဲ့တယ်၊
သူတို့ ကမြန်မာစကားမတတ်ကြဘူး၊စကားသွားပြောတာပြန်မပြောဘူး။

ဒီအကြောင်းကိုပြောရမယ်ဆိုရင်တော့လည်း ဒေါ်မီးအထုတ်လေးနဲနဲဖြေပြရတော့မယ်ပေါ့လေ။
ဟီးးးးကိုင်းလေလုံးတွေပစ်သွင်းနေပြီလို့ မထင်ပါနဲ့ နော်..။
ကျမတို့ က မြန်မာနိုင်ငံပတ်ပို့ စ်ကိုဘဲ ကိုင်ထားတဲ့မြန်မာနိုင်ငံသားတွေပါ။
ကျမအမျိုးသားအလုပ်အကိုင်ကလည်းပြောင်းရွှေ့ သွားလာနေရတာ။
တခါတလေတော့လည်းဒီအနီရောင်စာအုပ်နဲ့ ပတ်သက်ပြီးကသိကအောက်ဖြစ်စရာတွေ၊
အများသားဘဲနော်။တွေ့ ဖူး ကြုံဖူး ကြမှာပါဘဲလေ။

အခုဒီယူအက်စ်မှာကျမတို့ က L1 Visa နေပါတယ်။ ကျမကမှီခိုဆိုတော့ L2 Visa ပေါ့။
သူ့ အလုပ်ပရောဂျက်ကာလ တခုအထိနေတာပါ။L1 Visa က ၃နှစ် ကနေ ရနှစ် အထိ ပေးပါတယ်။
အဲဒီဗီဇာကလည်း ကျမကြားဖူးတဲ့  H1 Visa နဲ့ ကွာခြားမယ်နဲ့ တူပါတယ်။ 
အဆင့်တွေများပြီး စာရွက်စာတမ်းတွေတလှေလောက်ကိုလိုပါတယ်။
အဲဒီ L1 မှာလည်း၂ မျိုးထပ်ခွဲထားပါသေးတယ်။L-1 ရိုးရိုးနဲ့ Blanket L-1 ဒုတိယအမျိုးအစားကလျောက်လွှာတင်ပြီးစောင့်စရာမလိုဘဲ ၊
သူတို့ ယူအက်စ်ဖက်ကပို့ လာပေးတဲ့ Blanket L-1 Petitions  ၃စောင်ကို၊
ရောက်နေတဲ့နေရာမှာ ရှိတဲ့ယူအက်စ်သံရုံးမှာ၊သွားတင်ပြီးဗီဇာလျောက်ရုံပါဘဲ။
အဲဒီစာရွက်တွေစစ်ဆေးခဆိုပြီး ဒေါ်လာ ၅၀၀ သပ်သပ် သွင်းရပါတယ်။

ဗီဇာကြေးကသပ်သပ်ပါ။ တခြားဘာညာဘာညာ စာရွက်လည်းတပုံတခေါင်းကြီးပေါ့။
အဲဒီအချိန်မှာမှ သံအရာရှိက Blanket L-1 Petitions ၃စောင်ကိုဆိုင်းထိုးတံဆိပ်တုံးထုပေးတာပေါ့။
၃ စောင်လုံးပြန်ယူလာရပါတယ်။တစောင်ကလေယာဉ်ကွင်းမှာပေးရပါတယ်။
နောက်၂ စောင်က ဒီရောက်ပြီးရင် သူတို့ HR ရုံးကစီစဉ်ပေးတဲ့အတိုင်း၊
ဟိုရုံးဒီရုံးတို့ ပေါ့ဗျာပေးရတင်ရသေးတယ်။.ဒီလိုရှုပ်နင်းကီး ကိစ္စတွေကိုဒေါ်မီးလည်း၊
သိပ်နားမလည်လှပါဘူးလေ။သူပြောပြလို့ သာအော်..ဂလိုလားပေါ့။
(ကျမ visa type အရတရားဝင်အလုပ်လုပ်ခွင့် ရတယ်ဆိုတာဘဲသိတယ်။အဟဲ.....)

အဲ..ရလာတဲ့ visa က ၃ နှစ်၊ဒီကပရောဂျက်မပြီးမချင်းဒီမှာသက်တမ်းတိုးလို့ ရတယ်။ ရနှစ်အထိပေါ့။
ဒါပေမဲ့ကျမတို့ က အနီရောင်စာအုပ်လေးတွေရဲ့ သားကောင်တွေလေ(သူတို့ က Ban ထားတာတွေရှိတယ်လေ၊အခုမှသာပြန်ဖွင့်တာတို့ ဘာတို့ ကဖြစ်လာတာကိုးးး) ။
လေယာဉ်ကွင်းမှာသူတို့ ဥပဒေလုပ်နည်းအရ ကျမတို့ စာအုပ်ထဲမှာ ၁ နှစ်ဘဲတုံးထုပေးပါတယ်။
အလုပ်မပြီးမချင်းတော့နေလို့ ရတာပေါ့။ ရုံးကတိုးပေးမှာလေ။
ဒါပေမဲ့လည်း အိမ်လွှမ်းသူကျမတို့ ၂ယောက်ကတော့တနှစ်တခါဒိုးကြပါတယ်။
ပြီးခဲ့တဲ့ဧပြီလကတဲဒီကိုလာတော့ ဒီမတ်လထဲပြန်တာနဲ့ စာအုပ်ထဲက visa ကကုန်ပြီလေ။
သူတို့ လုပ်နည်းအရ ပြန်ဝင်ရင် သံရုံးမှာအ၀င်တုံးဘဲပြန်သွားထုရတယ်။
( visa ကြေးတော့ပေးရတာပေါ့ ဟို ၅၀၀ $ဆိုတာပေးဖို့ လိုတော့ဘူးလေ)။
အစအဆုံးပြန်လျောက်စရာမလိုဘူးတဲ့။
ကျမအမျိုးသား စုစုပေါင်း ၄ နှစ်လောက်နေတာ ၇ ခါအ၀င်အထွက်လုပ်ဖူးခဲ့ပါတယ်။
ကျမတော့ ၄ ခါထဲပါ။ ဒီတော့ သံရုံးမှာအ၀င်ပြဖို့ တုံးလေးတွေလည်း ထုဖူးတာပေါ့ ဗျာ..။
ထိုင်းမှာလည်းတခါ ထုဖူးခဲ့ပါတယ်။ကျန်တာတော့ယူရိုဖက်မှာ..။

ကိုင်း..သံရုံးကိုထုမလို့ ..အဲဟုတ်ပေါင်..။
စာအုပ်ထဲတံဆိပ်တုံးထုတာကိုပြောတာ..အဟဲ။
ချိန်းထားတဲ့ မနက် ၇ နာရီ ၄၅ မိနစ်ဆိုတာကို ၇ နာရီ ၁၅မိနစ်ကတဲက ရောက်ရတာပေါ့။
(ရက်ချိန်းကိုတော့အွန်လိုင်းကနေ ပိုက်ဆံသွင်းပြီးယူရသေးတယ်လေ)
လုပ်နည်းတွေက တနိုင်ငံနဲ့ တနိုင်ငံကွာတာတော့အမှန်ဘဲ။မြန်မာပြည်မှာတော့ဒီလိုဟုတ်ဖူး။
ဈေးအချိုဆုံးဘဲ..။ယူရိုဖက်ဆိုပိုတောင်ဈေးကြီးသေးတယ်။
ဖုံးနဲ့ ရက်ချိန်းယူတာ၊ဖုံးထဲမှာ ကိုယ့်ဘဏ်ကဒ်နံပါတ်တန်းပြောပေးရတယ်။
ဖုံးခဖြတ်တာလေ။အလကားစကားလက်ခံမပြောနိုင်ဘူးတဲ့ဒင်းတို့ က..ဟွန့် ။ 
ထားပါလေ..လိုရင်းရောက်သေးဘူးးး။
အပါးပါး...လက်ညောင်းလိုက်တာ၊အားလူးကလည်းဖုတ်ချင်နေတယ်လေ..ဟီး။

စကားမစပ်...(ပြောပါရစေနော့်..ဒီထိုင်းမမတွေလေ၊တော်တော်ကပြားများတယ်။
ယူအက်သံရုံး၊ဂျာမဏီသံရုံး၊နယ်သာလင်သံရုံး မှာ visa လာလျောက်တာ ကပြားတွေချည်းဘဲ။
ပြေးနေတဲ့ကလေးလည်းကပြား၊တွန်းလည်းထဲမှာလည်းပြား၊မကြီးတကြီးတွေလည်းပြား၊
ဗိုက်ကြီးသည်တွေလည်းသူတို့ ခင်ပွန်းသည်ဦးဖြူဖြူလက်လေးကိုင်လို့  ....၊
တွေ့ လိုက်ရင်တန်းကြီးတွေအရှည်ကြီးဘဲ၊ရာနီးပါးလောက်တောင်ရှိမယ်)။
အပြင်မှာရပ်နေရတာက ၄၅မိနစ်လောက်။ လူနံမည်ခေါ်ခြံဝင်းထဲသွင်း၊
လုံခြုံရေးဂိတ်မှာစစ်ခံပြီးအထဲမှာပြန်တန်းစီပေါ့။စာရွက်စာတမ်းတွေစုံမစုံစစ်၊
ပြီးနံပါတ်လေးပေးနောက်ဆုံးမှ၊အဆောက်အဦထဲဝင်ရတယ်။
သူတို့ လည်းအဆောက်အဦပြင်ဆောက်နေတော့၊ဒီလူအုပ်နဲ့ အခန်းကျဉ်းလေးထဲမှာ၊
စဉ်းစားသာကြည့်ပေတော့။ ထိုင်စရာမလောက်တော့မတ်တပ်လေးတွေနဲ့ လေစောင့်ရတာပါ့။
သူတို့ လေယာဉ်တက်ဖို့ စောင့်နေကြတာလေ
အထဲမှာတော့ နံပါတ်လေးတွေက visa type အရခွဲပြီးပေးပါတယ်။
ကျမတို့ အလှည့်တော်တော်နဲ့ မရောက်ဘူး။ကောင်တာလည်း ၆ခုလောက်တွေ့ မိပါတယ်။
အင်တာဗျုးက ၄ခုနဲ့ ၂ ခုကစာရွက်စာတမ်းတွေကြည့်ရူစစ်ဆေးတာပေါ့။
စာရွက်တွေစစ်တာက ထိုင်းမမတွေပါ။ကျမတို့ စာရွက်ကိုစစ်တဲ့ကောင်မလေးက ကိုယ်ဝန်သည်ပါ။
ဂွတ်ထမောနင်း..ကနေစရတာပေါ့။ဘာဗီဇာလည်းမေးပြီး Blanket Petition စာရွက် ၃စောင်တန်းတောင်းတော့တာပါဘဲ။ ကျမအမျိုးသားရှင်းပြနေတဲ့ စကားကိုလုံးဝနားမထောင်ပါဘူး။
မိုက်နားမှာကပ်ပြီးကုန်းအော်နေတော့တာဘဲ။ ကျမအမျိုးသားကအဲဒီစာရွက်ကို ကော်ပီကူးထားတာတစောင်၊
ဘဲတင်ထားတယ်လေ။ ရှင်းပြတာကိုသူနားမထောင်တာကိုတကယ်အံသြပါတယ်။
ကျမတို့ အ၀င်တုံး အတွက်ဘဲလာယူတာပါ။ဒီ L1 visa ပြန်လျောက်တာဟုတ်ပါဘူးလို့ ပြောတာ။
ဒီဗီဇာဆိုတာ Blanket Petition ၃ စောင်ယူပြီးတင်ရမယ်ဆိုတာမသိဘူးလား..တဲ့။ ကဲ...စပြီလေ...။

ကျမတို့ ဘယ်လာတဲ့စာရွက်တလှေကြီးတွေ တခုပြီးတခုပေးလိုက်တော့၊
ရွှေညဏ်တော်စူးရောက်တဲ့ (စကားလိမ်လေးနဲ့ ဖတ်ပါရန်"စူးရောက်"...):P
ထိုင်းမမက ကော်ပီ ၂စောင်နဲ့ (ပြီးခဲ့တဲ့နှစ်ဝင်တုံးက လေဆိပ်ကလူကမယူထားမိတဲ့ အစစ်စောင်)၊
ပေါင်း ၃စောင်ယူထားပြီးကျန်တာပြန်ပေးပါတယ်။
(ကိုင်း...ဒီမှာပြောကြည့်ရအောင်၊ကျမတို့ ခဏခဏကြုံဖူးကြမှာပါ။အလုပ်နယ်ပယ်အသီးသီးမှာ၊
တကယ်တန်းသူတို့ ဂဂနနမသိဘဲ နဲနဲသိတာလေး ဗဟုသုတဘောင်ကျဉ်းကျဉ်းလေးထဲမှာ၊
သူတို့ ရယူထားတဲ့နေရာ၊ရာထူးနဲ့ မတန်တဲ့သူတွေ အများကြီးရှိနေကြတယ်ဆိုတာလေ..။
လက်ခံပါသလားစာဖတ်ပိတ်သတ်ကြီးများးးးး))))

ကျမအမျိုးသားကကျမကိုမြန်မာလိုပြောပါတယ် ...။
အင်းး....စာရွက်ဟောင်းတွေတံဆိပ်တုံးထုပြီးသားစာရွက်တွေကို၊
ခပ်တည်တည်နဲ့ ဒင်းယူထားလိုက်ပြီ။ဘာတွေဆက်ဖြစ်အုံးမလဲမသိဘူးတဲ့..။
နောက်တော့လည်းထင်တဲ့အတိုင်းပါဘဲ...၅၀၀ ဒေါ်လာသွင်းပါတဲ့။
ဟိုနယ်သာလင်မှာ တင်တုံးကသွင်းပြီးပြီ။အခုအစအဆုံးလျောက်တာဟုတ်ဘူးး၊
အမျိုးသားဓါတ်ပြားဟောင်းပြန်ဖွင့်နေရပြန်ပြီလေ။
ဒီတော့..ကျမနဲနဲတော့ရှည်ရမဲ့အချိန်ကျရောက်လာပြီလေ..။
မင်းရဲ့ အထက် Supervisor ကိုမေးပါလားဒီဗီဇာနဲ့ ပတ်သက်ပြီးအတွေ့ အကြုံမရှိရင်..
လို့ ပြောလိုက်ပါတယ်။ ထိုင်းမမလား ထုံမမလားတော့မသိပါဘူး...ရွှေမျက်စောင်းကြီးခဲပြီး၊
ပေစောင်းစောင်းနဲ့ ထွက်သွားပါတယ်။

ကျမတွေ့ တာ သူသွားမေးတာလည်း ထိုင်းအဖွားကြီးတယာက်ပါဘဲ။
ပြန်လာပြောပါတယ်။နယ်သာလန်မှာသွင်းတာက ဟိုမှာဘဲတဲ့ ။ဒီမှာလည်းသွင်းရမယ်တဲ့။
ဗီဇာကြေးသွင်းတာတော့သွင်းရမှန်းသိပါတယ်။ဒါပေမဲ့ဒီ ၅၀၀ ဆိုတာ L1 အတွက်ကမတင်တဲ့အတွက်သွင်းစရာမလိုဘူးလို့ ပြောတာ ..မရပါဘူး။
လွန်ခဲ့တဲ့ ၃ နှစ်ကလည်း ဒီမှာလာတုံးထုဖူးတယ်။အဲဒီတုံးကလည်းသွင်းစရာမလိုခဲ့ဘူးလို့ ပြောလည်းမရ။
ထိုင်းအဖွားကြီးဆီပြန်သွား..ဟာ..နောက်ကလူတန်းကြီးကလည်းအရှည်ကြီး..။
E လိုပြောကြပေမဲ့ ဒေါသထွက်တော့ကျမတို့ ၂ ယောက်လုံးအသံအကျယ်ကြီးဘဲ..။
အားလုံးဝိုင်းကြည့်နေကြတာ..ရှက်စရာကြီး။
ဂျပန်လေယာဉ်ကွင်းမှာ
ဒီတခါ..အဖွားကြီးထလာပါတယ်။အက်ကျုမီဆိုပြီးးးးဆြာ မင်းပိုက်ဆံမသွင်းရင် အမေရိကားထဲဝင်လို့ မရဘူး..ဆိုပြီးမိုက်ထဲကနေအော်ပြောလိုက်ပါတယ်။
ကျမဒေါသအလိပ်လိုက်ထွက်လာတယ်..။ငယ်ထိပ်ကို..ဒိုင်းကနဲဘဲ။
ကျမအမျိုးသားက ရှက်လို့ အိုကေအိုကေ ဆိုပြီး၊တခြားကောင်တာမှာပိုက်ဆံသွားသွင်းဖို့ ပြင်ပါတယ်။
ကျမသူတို့ ကိုစေ့စေ့ကြည့်နေတာ ထိုင်းမ ၂ယောက်တယောက်မျက်နှာတယောက်ကြည့်ပြီး။
မျက်နှာအမှုအယာနဲ့ နှုတ်ခမ်းမဲ့လို့ ...။
ကဲ..နောက်တော့လည်းပေးရတာဘဲပိုက်ဆံကို..ဆိုတဲ့အပေါက်နေမှာပေါ့။
ကျမလုပ်လို့ ရရင်တော့...ပြေးပြီးဆွဲဆုတ်လိုက်ချင်တယ်...မျက်ခွက်တွေကို..။
(အကုသိုလ်တွေလေ...ပွားတတ်တာ...)

ကျမလေ..အခန်းထဲမှာထားတဲ့ကွန်ပြူတာ ၂လုံးနားသွားတယ်။
ကျမ အသည်းအသန် Blanket Petition L1 visa နဲ့ ပတ်သက်တာအွန်လိုင်းမှာလိုက်ရှာနေမိပါတယ်။
ကျမအမျိုးသားကလည်း စိတ်တွေကတို၊စိတ်ကရှုပ်(သူ့ အနာကလည်းမခွဲရသေးဘူး)၊
ပါးစပ်ကပွစိပွစိနဲ့ ပြောရှာပါတယ်။ငွေ ၅၀၀ ကပြန်ရမှာဟုတ်ဘူး။
(သံရုံးထုံးစံဆိုတာသွင်းပြီးပိုက်ဆံဘယ်တော့မှပြန်မရပါဘူး)
(ကုန်ကျစရိတ်ကိုများသောအားဖြင့် ရုံးကကုန်ပေးတာလေ.။ဒါပေမဲ့ဒီပြသာနာကတော့ ရမှာဟုတ်ဘူးသေချာတယ်)။ကျမလည်း...၊
မြန်မာလိုပြောရင် သူများနားမလည်မှာစိုးလို့  ဘို လိုအော်အော်ပြောရသေးတယ်။ 
"ဒီကိစ္စ ဒီမှာမပြီးဘူး။ဒီ ၅၀၀ ပြန်မရလည်း ဒင်းတို့ အကျိုးဆက်ကို သိကိုသိရမယ်။
ဒါ ကမ္ဘာကြီးပြားတယ်ဆိုတဲ့ခေတ်"...ဌဲဌဲ..ဆိုလိုချင်တာက ဂလိုပေါ့။(ဘာသာပြန်ပြီး နားလည်ပေးပါရန်.)။
ဟို..ကင်မရာတပ်ထားတဲ့နေရာမှာလူးလာခပ်ပြနေခဲ့တာ၊ ဒေါ်မီးပေါ့...။
လူအုပ်ကြီးက ကျုပ်ကိုကြည့်လို့ အရုးမကြီးလို့ ထင်လည်းတကယ်ဂဂုမစိုက်ခဲ့ဘူး..။

တော်တော်ကြာမှ ကျမတို့ ကိုပြန်ခေါ်ပါတယ်။ဒီတခါတော့အင်တာဗျုးဖို့ ပေါ့..။ အမေရိကန်အမျိုးသမီးပါ..။ဟောင်းအာယူးတဲ့...၂ ယောက်လုံးဖြေတာတူတယ်ဗျို့ ..။
We are not fine ကနေစလိုက်ပါတယ်။အမျိုးသားလည်းပြောကျမလည်းပြော..။
သံအရာရှိမမ မျက်စိတောင်လည်သွားတယ်။
ကျမအမျိုးသားပြောတာကျမမကြားဘူး၊ကျမကတော့ ဟိုထိုင်းအမျိုးသမီးကျမတို့ ကိုဆက်ဆံတာ၊
မကြိုက်ဘူးဆိုတာဘဲပြောပါတယ်။ပိုက်ဆံသွင်းခိုင်းတယ်။မသွင်းရင်ရင် မ၀င်ရဘူးဆိုတဲ့အကြောင်းး။
သူစာရွက်ကိုကြည့်ပြီး၊မျက်လုံးပြူးသွားပါတယ်။ငါဆိုင်းဖို့ နေရာမှာဘယ်သူလာထိုးထားလဲတဲ့။
နေရာကြည့်လိုက်တော့ နယ်သာလန်..ပြီးမေးတယ်ဘယ်တော့နယ်သာလန်ပြန်မလဲတဲ့...။
ကဲ...ကျမပြောတာမှန်ဘူးလား...။ခပ်ကြောင်ကြောင်လူတွေလောကမှာများပါတယ်လို့ ..။
ပိုက်ဆံသွင်းထားတဲ့ချာလံပြပါတဲ့..။ပိုက်ဆံမသွင်းရင်ဘယ်သံရုံးကမှ အဲဒီစာမထုတ်ပေးဘူးလို့ ပြောမှငြိမ်သွားတာ။ ဒီတခါတော့ ဘဲကြီးလည်းပြောပြီလေ၊
ကမ္ဘာအနှံဘဲသွားလာခဲ့တာပြသာနာဖြစ်ရင် ဒီ ထိုင်းမှာဘဲဖြစ်နေတာဘဲ။
ငါလည်း ငတုံးကြီးဟုတ်ဘူး။သိလို့ ပြောနေတာတဲ့။
ဘယ်လိုလူတွေနဲ့ ဆက်ဆံနေရမှန်းတောင်ငါမသိဘူး။
ဗီဇာဆက်ရှင် ဆိုပြီးပိုနားလည်တတ်ကျွမ်းရမှာပေါ့....တဲ့။

အစအဆုံးရှင်းပြန်ရှင်းပြနေရတာ၊ မွေးကတဲကအခြေအနေတွေပြန်မတင်ပြရတာကိုဘဲကံကောင်း..။ 
သူကလေးပြောတာမှပိုမိုက်ပါတယ်။ပိုက်ဆံကိုနင်တို့ ကုမ္မဏီမှာပြန်တောင်းလေတဲ့..။
အရင်ကလာတော့ မပေးရတာကဘာဖြစ်လို့ လဲမေးလည်း..အင်းးအီး..အဲ..။
မှားလို့ ဖြစ်ပါလိမ့်မယ်တဲ့...။ဥပဒေတွေက ပြောင်းတတ်တယ်တဲ့။
အမျိုးသားက..ဒါဖြင့်ရင်ဘယ်တုံးကပြောင်းလဲ။ အဲဒီဥပဒေ ကိုprint ထုတ်ပေးပါလို့ ပြောတယ်။
ကျမကလည်း ဟိုအရာရှိကိုရှင်က မှားလုပ်ခဲ့တယ်လို့ ဆိုလိုတာလားလို့ မေးတယ်။ 
သူ အခြေအနေမဟန်ဘူးဆိုတာတော့ ခဏနေအုံးဆို သွားပြန်တယ်။
နောက်တခြား ၃ယောက်လောက်ထပ်ရောက်လာတယ်။
ကျမတို့ စာအုပ်တွေကြည့်ပြီး ပြောဆိုနေကြတာပေါ့။
ထိုင်းအဖွားကြီးလည်းသူတို့ ကိုရှင်းပြနေတာ၊အဲဒီအချိန်မှ သူ့ တို့ ရဲ့ အရာရှိမမဖြစ်မယ်၊
ခပ်ဖိုင့်ဖိုင့်အဖြူအဖွားကြီးရောက်လာတယ်။
သူစာရွက်ကိုယူကြည့်ပြီး ပြောနေတာ၊အားလုံးက သူ့ ကိုနားထောင်နေတာ။
(အသံလည်းမကြားရပါဘူး။ကျမလှမ်းမြင်ရတာတွေပါ)။
အားလုံးကျမတို့ ကိုလှန်းကြည့်ကြပါတယ်ပြီးကျမတို့ ကိုလာပြောပါတယ်။
ထိုင်စောင့်ပေးပါတဲ့။ပြန်ခေါ်ပါမယ်ဆိုဘဲ။
ထိုင်ပါဘူး..။ဒင်းတို့ ဘယ်လိုလုပ်သလဲဆိုတာသိချင်လို့ အဲနားမှာဘဲပေကပ်ပြီးရပ်ကြည့်နေခဲ့တယ်။
ကောင်တာလည်းကျမတို့ ၂ ယောက်ဘဲရှိတယ်။
နောက်ကလိုင်းရှည်ကိုနေရာရွှေ့ လိုက်တယ်လေ။

အကြာကြီး..ဖုံးဆက်လိုက် ပြောလိုက်နဲ့ ၊လူ ၄ ယောက်လောက်ရှုပ်နေကြတာ။
နောက်မှ ကျမတို့ ကိုခေါ်ပြီး တောင်းပန်ပါတယ်။
သူတို့ မှားပြီးပိုက်ဆံကောက်မိပါတယ်။ပိုက်ဆံကောင်တာမှာ ပိုက်ဆံကဒ်ထဲကိုပြန်သွင်းပေးမယ်။
အဖြူအရာရှိ ၂ ယောက်ကတောင်းပန်တယ်။ မနက်ဖန်စာအုပ်ကို စာတိုက်မှာသွားထုတ်လို့ ရပါတယ်တဲ့။
တုံးထုပေးလိုက်ပါ့မယ် ဗီဇာကြေးတော့သွင်းပါတဲ့...ကဲ.....။
ရာထူးကြီးတဲ့အဖွားကြီးက ထိုင်းအဖွားကြီးကို အဲဒီနေရာမှာဘဲ သူ့ အမှားအတွက်၊
ပြောနေပါတယ်။ ထိုင်းအဖွားကြီးမျက်စိမျက်နှာပျက်လို့ ။
ကျမက သူကျမတို့ ကိုပြန်တောင်းပန်စေချင်တယ်။မြန်မာနိုင်ငံသား စာအုပ်ကိုင်တာနဲ့ သူတို့ ထိုင်းတွေ၊
လူကို တခြားဂြိုလ်သားလိုမြင်တဲ့အမြင်မျိုးတော့ လုံးဝလက်မခံဘူး။
အမျိုးသားက ကျမကိုပိုက်ဆံသွင်းတဲ့ကောင်တာဆီဆွဲခေါ်သွားလို့ ၊
သူ့ မိန်းမအကြောရှည်တာသိတယ်လေ..။ဒါတောင် ကပ်ရပ်ကောင်တာက ဗိုက်ကြီးသည်မကိုတော့၊
ကုန်းပြီးပြုံးပြခဲ့ပါသေးတယ်။သူကတော့မျက်လွှာလေးချ ခေါင်းကြီးငုံလို့ ..။
အော် ဆာဝါဒီခ လုပ်တော့ဘူးလားရှင်......။
(အနောက်နိုင်ငံ ကြီးသားတို့ တော့မှားရင်လည်းတောင်းပန်တတ်ပါတယ်)
အပြင်ရောက်တော့ နေ့ လည် ၁နာရီကျော်ပါပြီ။၅ နာရီနီးပါးငြင်းခုံအော်ဟစ်နေရတယ်လေ။
ပြန်ရလာတဲ့ စာရွက်တွေလည်းဆိုင်းတွေထိုးထားတာကို ပြန်ဖျက်ထားတာတွေနဲ့ ရှုပ်ပွနေတာ၊
ဒီမှာပြသာနာဖြစ်လို့ ကတော့ဟိုက မမတွေ နာဖို့ တာပြင်....။

လူလူချင်း အချင်းချင်း ချိုးနှိမ်ဆက်ဆံခြင်းမှ ကင်းဝေးကြပါစေ။
မီးမီး
"ဓါတ်ပုံနဲ့ စာနဲ့ ဘာမှမဆိုင်ပါဘူးးးးး။စာရှည်ဖတ်ပြီး ပျင်းမှာစိုးလို့ ...အဟဲ။၎ရက်တောင်ရေးယူရတာနော့်"

20 comments:

  1. ကမ္ဘာပတ်ပြီးရန်ဖြစ်ဖူးသည့် ငါ့၏မာမီ
    ဆိုပြီး ရုပ်ရှင်ရိုက်မယ် :D :D
    ပို့စ်တခုလုံးဆုံးအောင် မနည်းဖတ်ရတယ် ဂျာ
    ဘလော့ ခေါင်ကြီးပိုင်းက ပုံကြီး သေချာကြည့်နေရလို့ :D :D
    ကိုရီးယားလာမယ်ဆို ကြိုပြောနော် မာမီး ( ပုန်စရာနေရာ ရှာမလို့ :D )
    တမီးက ရန်ဖြစ်ဖူးပေမယ့်....
    မာမီ့လောက် မစွာဖူးလားလို့ ... :D :D

    ReplyDelete
    Replies
    1. အဲ...မေမီးကိုစွာတယ်ပေါ့၊
      လုံးဝကြီးကိုမှားတယ်နော်။
      အရမ်းအေးဆေးပြီးလူကြောက်တတ်တဲ့၊
      အဖွားအိုလေးပါကွာ။
      ခံပြင်းလာရင်သာထထရမ်းတတ်ပါတယ်:))
      အပြင်မှာတော့လူချစ်လူခင်များတဲ့ပေါတာကြီးပါဟယ်..။

      Delete
  2. မမီးမီး....ရေးတဲ့စာတွေကို ကျွန်တော်ကြိုက်လို. တခြားဆိုဒ်မှာ ပြန်လည်ဖော်ပြချင်တယ်ဆိုရင် .....စည်းကမ်းချက်လေးပြောပြပေးပါလို. တောင်းဆိုချင်ပါတယ်။

    ReplyDelete
    Replies
    1. ဘာမှမလိုပါဘူးကွာ။
      မူရင်းရေးတဲ့လူနံမည်နဲ့ သူ့ ရဲ့ လင့်လေးတော့ပေးပေါ့။
      ကိုယ်လည်းသူများ(နိုင်ငံခြားသားတယောက်ရဲ့ ၊
      ဘလောက်ထဲက)ဓါတ်ပုံကို၊
      ယူသုံးဖူးပါတယ်။လင့်လည်းပေးတယ်။
      သူစာရေးလာတယ်။ကော်မန့် တွေမှာရှိပါတယ်။
      စာနဲ့ အပြန်အလှန်ရေးရင်းနဲ့ သူတို့ ထုတ်ဝေတဲ့စာအုပ်တွေကို၊
      ကိုယ့်ဆီပို့ ပေးတယ်။ဒီလိုပေါ့ စာတွေဖတ်ကြစာတွေရေးကြနဲ့ ၊
      အချင်းချင်းဘဲဟာ၊ခင်မင်သိကျွမ်းကြရတာ ပျော်စရာလေးပေါ့ကွာ။
      ကျမရဲ့ စာကိုနှစ်သက်တယ်ဆိုရင်ကို
      ကျေးဇူးတင်ပါတယ်ကိုရွှေယမင်းဦးရယ်။

      Delete
  3. မီးမီးကွ။
    ယ တွေမသိတာထားပါတော့။ အမေရိကန်မမကပါမသိတာတော့စိတ်ပျက်ဖုို့ ကောင်းလှပါတယ်။
    အိုင်အိုရာ

    ReplyDelete
    Replies
    1. အေးပါဆို...အဲဒီတုံးကတကယ်စိတ်ပျက်မိတယ်။
      အေးအေးဆေးဆေးဘဲနေချင်တာ။
      ပြေးလွားနေရတာပူလောင်လွန်းလှတယ်။

      Delete
  4. That is why we call them "ထိုင်း".
    Mon Petit Avatar

    ReplyDelete
  5. အောင်မလေးဒီလောက်ကောင်းတဲ့ ဖိုက်တာပိုစ့်ကိုခုမှဘာလို့ဖတ်ရပါလိမ့်နော်..မှတ်ထားကွ အဲလိုမှ .....း))
    အဲဒါ မမမောင်ကောင်းမှု့ဘဲ ဂျာရစ်ကိုအိမ်ပေါ်ကနှင်ချထားလို့ခုမှဘလော့ပေါ်တက်ရတား))


    ချစ်ခင်သော

    ဂျာရစ်

    ReplyDelete
    Replies
    1. ကျုပ်အကူအညီတောင်းလိုက်တာလေ..။
      ကိုယ်တော်ကပင့်ပေးပြီးပျောက်သွားတယ်။
      ဂျာရစ်မခံနဲ့ ..ဟဲ...။
      မနိုင်ရင်ပြော...ကိုယ်လည်းထွက်ပြေးမယ်။
      :)))

      Delete
  6. လေးစားပါတယ် မမီးမီး ကို အဲလိုပဲ အဖြူကောင်တွေ ကိုယ်မှန်ရင်ပြန်ချဲမှ မဟုတ်ရင် သူတို့ က သူတို့ မှန်တယ်ဘဲ အဖြူကောင်တွေ အောက်မှာလုပ်တဲ့  ကိုယ်အေရှန်းပိုတောင်ဆိုးသေး အေရှန်းအချင်းချင်းဆို ဖဲ့ ဖို့ ပဲ

    ReplyDelete
    Replies
    1. ခဏခဏပြသာနာဖြစ်လွန်းလို့ ၊
      တခါတခါ ကိုယ့်ကိုကိုယ်စွာနေပါလားလို့ 
      တောင်ထင်မိနေတယ်ဟယ်။

      Delete
  7. ဟာအစ်မရေ "အဲဒီနှစ်ကNYအသွားလေယာဉ်ကွင်းမှာမြန်မာတိုင်းရင်းသားတွေနဲ့ တွေ့ ခဲ့တယ်၊
    သူတို့ ကမြန်မာစကားမတတ်ကြဘူး၊စကားသွားပြောတာပြန်မပြောဘူး" အဲဒါနဲ့ ပတ်သတ်တာ ဒီပို့ မှာမပါဘူး ပြောပြပါအုံး သူ့ တို့ အကြောင်း ဘယ်ပို့ မှာ သွားဖတ်၇မလဲဟင်

    ReplyDelete
    Replies
    1. ဟီးးးး
      အဲဒီအကြောင်းမရးဖူးဘူးးးး
      အင်းးးခရီးသွားတုံးကြုံခဲ့တာတွေအားလူးဖုတ်အုံးမှ..။

      Delete
  8. မမီးကွ..သံရုံးကို ထုခဲ့တာ..

    ReplyDelete
  9. မမီး ရဲ. အိမ်လေးကို အလည်လာရင်းနဲ. ပုံလေးတွေကြည်. စာတွေဖတ်သွားပါတယ်။

    ReplyDelete
    Replies
    1. ကျေးဇူးပါ။
      မြန်မာစာအရးကျင့်ရင်းနဲ့ ။
      ရေးဖြစ်နေတာကိုကျေနပ်နေမိပြီလေ..။

      Delete
    2. လက်ရှိ စာတွေက
      မြန်မာစာ အရေးကျင့်နေတာလား ... သြော် သိပါဖူး :P
      မာမီ ဘာဖြစ်လို့ ဒီလောက်တော်နေရတာလဲ မသိဖူးနော်
      သိပီ ......... :)
      စာအုပ်ဖိုး ဘောပင်ဖိုး ခဲဖျက်ဖိုး မကုန်ဖူးလေ မာမီရဲ့
      ကီးဘုတ်ရှိရင် ဖြစ်တာပဲ ဟုတ်ဖူးလား :)

      ၀မ်းမနာသမီးလေး
      ကျူတီ :D :D

      Delete
    3. ကျုပ်ရေးတာမှားထွားပါတယ်။
      မြန်မာစာလက်ကွက်အရေးကျင့်တာလို့ ပြောတာပါ။
      မယ်ကာလုလေးရယ်...
      :P
      နဲနဲတိုးတက်လာပြီလို့ ထင်ဘူးလား...။
      မှန်မှန်ပြော..။

      Delete