ပြင်သစ်မြို့ တော်သို့ အလည်တခေါက်..

မင်္ဂလာပါရှင်~~~

ဒီတခါတော့ ပါရီ Paris Tour သွားခဲ့တာကို ပြန်ပြောပြအုံးမယ်။

လွန်ခဲ့တဲ့၂ နှစ်လောက်ကပေါ့..အချိန်ကလည်းကုန်မြန်ပါတယ်။

ကျမတော့ ဥရောပကို ဒီအမေရိကားထက် အများကြီးပိုနှစ်သက်တယ်။

အေးမြတဲ့ရာသီဥတု သူတို့ အစားအစာနဲ့ အဓိကတော့ သန့် ရှင်းမှု့ ပါဘဲလေ။

နောက်ပြီး ရောက်ဖူးသမျှမြို့ တော်တွေထဲမှာတော့ Paris ကအလှဆုံးပါဘဲ။

Beligium နဲ့ Holland နယ်စပ်ကားရပ်စခန်းမှာ

 ကဲ..ထုံးစံအတိုင်းပေါ့ရှင်။၂ည ၃ရက်ခရီးTour ဝယ်ပြီးသွားကြပါတယ်။

တကယ်တမ်းလည်ရင် ရက်ရှည်ရှည်လေးမှနေရာအနှံရောက်မယ်။ခုတော့ခပ်သုတ်သုတ်သွား

ခပ်သုတ်သုတ်ပြန်လေးပေါ့။ကျမနေတဲ့Oovoorne ကနေ Tour ဝယ်တော့ စုရပ်က Rotterdam မြို့ ပြင်မကျတကျရဲ့ ဘူတာငယ်လေးတခုမှာ။ရွှာကနေ ၃၀မိနစ်လောက် ဘတ်စ်ကားနဲ့ 

အနီးဆုံးဘူတာရုံကိုစီး၊ ပြီးရထားနဲ့ ၄၀မိနစ်လောက်စီးပြီးမှ စုရပ်ကိုရောက်တာ။

ဘူတာရုံလေးကသေးတော့ restroom မရှိ။အလွန်ဒုက္ခရောက်တယ်။

လိမ်ဖယ်လိမ်ဖယ်လေးနဲ့ စောင့်ရတာ:P (ဥရောပ မှာအိမ်သာတက်ရင် ပြား ၃၀ ကနေ

၁ ယူရိုအထိပေးရတယ်။အဲဒါတော့တကယ်မမိုက်ဘူး:))))

ဂျာမဏီမှာလမ်းလျောက်တိုးရစ်လုပ်တုံးက တံတားအောက်ဝင်ပြီး ချုံတိုးဖူးတယ်။

အရမ်းကြီးအေးလွန်းလို့ ဘယ်သူမှလည်းမရှိဘူး။တနင်္ဂနွေဆိုရင် အားလုံးကလည်းပိတ်တယ်လေ..အဟဲ။

နယ်သာလန်မြို့ ကြီးတွေမှာကုမ္မဏီရုံးအဆောက်အဦကြီးတွေဆိုရင် မြို့ ပြင်နဲ့ ခမ်လှမ်းလှမ်းနေရာမျိုးမှာ၊

တစုတဝေးထားတာတွေ့ တယ်။ဒီစုရပ်နေရာကလည်း အဲ့တာနဲ့ မကမ်းမလှမ်းလေးမှာပေါ့။

ဟိုး...တိုက်မြင့်ကနေ လှမ်းမြင်မှာကြောက်လို့ လေ...ဟီး။

ဒီလိုမျိုးအဆောက်အဦကြီးတွေပေါ့

ကားပေါ်မှာလည်းလူသိပ်မပါပါဘူး။ကားက ၂ ထပ်ဘတ်စ်ပါ။ကားဆရာကရှင်းပြပါတယ်။ဒီကနေ Belgium

နယ်စပ်က ကားရပ်စခန်းမှာရပ်မယ်။ကားနံပါတ်တပ်မယ်။ ကိုယ့်နံမည်ပါတဲ့ကားကိုရှာစီးပါတဲ့။

ပြောတော့ ဒတ်ခ်ျ လိုပေါ့။ကျမက English လိုနဲနဲရှင်းပြပါလို့ သွားမေးရတယ်။

ကားရပ်တဲ့နေရာမှာ မုန့် စားပေါ့..

ပြီး..ကားပေါ်တက်..အာရှတော်တော်များများတွေ့ ရတယ်။များသောအားဖြင့် အင်ဒိုနီးရှား တွေများပါတယ်။

တရုတ်ဆိုလည်းအင်ဒိုကတရုတ်တွေ..။ကျမတို့ ကားပေါ်မှာဖီလစ်ပိုင် ကကောင်မလေးတစုလည်းပါတယ်။

ဘာတွေပြောလို့ ဘယ်ကားပေါ်တက်ရမှန်းလဲသိဘူး။စာရွက်ကလည်း သူတို့ စာနဲ့ ဘဲရေးထားတာ။

ကျမတော့ ကားဆရာလက်အတင်းဆွဲပြီးမေးတာဘဲ။တော်ကြာကျန်ခဲ့ရင် ဘယ်လိုလုပ်မလဲ..နော်..။

ကားတွေက အများကြီးဘဲ ကျမတို့ ဝယ်တဲ့ကုမ္မဏီက ကား၃ စင်းတောင်၊၂ထပ်မှာလူကအပြည့်။

Belgium-Brussels မြို့ ဆိပ်ကမ်း(ဖြတ်သန်းသွားရာလည်းကင်မရာဝူးမန်းကြီးကအလွတ်မပေးခဲ့ဘူး:P)

ကားပေါ်မှာတော့ နိုင်ငံစုံပါတယ်။ မောရိုကို(အရှေ့ အလယ်ပိုင်း)စုံတွဲတစ်တွဲ ကျမတို့ ထိုင်ခုံနဲ့ 

လမ်းခြားတဖက်မှာထိုင်တယ်။၂ယောက်လုံးကတလမ်းလုံးဝိုင်နဲ့ ဘီယာသောက်တယ်။

နောက် ဂိုက်ကိုလည်းပြသာနာရှာတယ်။တကယ့်စံနမူနာပါဘဲးP

လမ်းမှာ စားဖို့ ရူးရူးဖလားဝါးလုပ်ဖို့ နားပါတယ်။

 ပြင်သစ်ထဲရောက်လို့  ပဲရစ်ဝင်တာနဲ့ ကားကြပ်လမ်းပိတ်...

ဟော..နေညိုချိန်တောင်ရောက်တော့မယ်။ကိုယ်တို့ လည်းပဲရစ်ရောက်တော့မယ်ပေါ့..။

သူတို့ ဆိုင်ကယ်ကလည်း ရှေ့ မှာဘီး၂ လုံးနဲ့ ...။

ရောက်တာနဲ့ ဂိုက်က စားသောက်ဆိုင်အရင်ခေါ်သွားပါတယ်။

ကားပေါ်စင်း..ဟိုရိုက်ဒီရိုက်။(Tour ဝယ်တာကသပ်သပ်၊ဟိုဟိုဒီဒီသွားရင် ဘာကြေးညာကြေးနဲ့ 

သူတို့ စီစဉ်တဲ့စားသောက်ဆိုင်မှာစားရင် တမျိုးနောက်ထပ်ပိုက်ဆံတွေထပ်ကောက်ပါတယ်။

အဲတာကတယောက်၂၀၀ ယူရိုနီးပါးလောက်ကျတယ်။ကျမတို့ တော့ ဘယ်သွားသွားလိုက်မှာဘဲ။

ဒတ်ခ်ျလည်းမတတ်၊ပြင်သစ်လည်းမသိ..အားဟားဟား..ရောင်းစားခံရတော့မယ်။)

 ကိုင်းစားသောက်ဆိုင်ရှေ့ ရောက်ပြီ။

ဆိုင်ကလည်းမူတူးတို့ ဆိုင်တဲ့..ဟေ..ပဲရစ်ရောက်တောင် ငါ့နှယ်ဒီမူတူးတောကနေလွှတ်ဘူးဘဲ..:P

ဆလတ်အရင်လာပေးတယ်။သူက သတ်သတ်လွှတ်ဆလတ်တဲ့။

ကျမကတူနားဆလတ်..။

သူကပုဇွန်ဟင်းနဲ့ ..

ကျမက သိုးသားဆိုလား...(အဲ..ကဲ့ရဲ့ တာစောသွားတယ်။မူတူးတို့ တယ်တော်ပါလားစားကောင်းလိုက်တာကွယ်:)))

အစာပိတ် အိုင်စကရင်လေးပေါ့..။

ဂတုံးပြောင်တဲ့ကိုဖုန်းမောင်နဲ့ ဖီလစ်ပီနိုကောင်မလေးတသိုက်..ညစာစားတဲ့ဆိုင်ရှေ့ မှာ။

ကျမတို့ ဂိုက်ပေါ့။ကားဆရာပြောတာကတော့ ပြင်သစ်ဂိုက်(နယ်သာလန်ကပါ)၊

အားလုံး၉၉.၉၉%ကအခြောက်တဲ့..:))))

ကဲ..ဟိုတယ်ရောက်ပြီ။

ဟိုတယ်က တသက်နဲ့ တကိုယ်မမြင်ဘူးတဲ့၊မတည်းဖူးတဲ့ဟော်တယ်မျိုးပါ။ဘေစင်က ခေါင်းရင်းမှာ:))

အပေါ်မှာလည်း နောက်ကုတင်တခုရှိပါသေးတယ်:P

no breakfast 3 star hotel  ပါ

ဒါကတော့အခန်းသော့တဲ့။ ပေးထားတဲ့နံပါတ်ကိုနှိပ်ရတာလေ..။

စာရွက်လေးတပိုင်းကိုမပျောက်အောင်မနဲဂရုစိုက်ရတယ်လေ။

ကဲ...၃ရက်ခရီးကို ၃ခါလောက်ခွဲပြီးရေးရမယ်နဲ့ တူတယ်။

နဲနဲရှည်သွားလို့ ...ညပင်ပန်းတော့အိပ်လိုက်ပါအုံးမယ်လေ။

နောက်ရက်မှာဆက်တာပေါ့နော်...

ရွင်လန်းချမ်းမြေ့ ကြပါစေ

မီးမီး
တခါတုံးကလည်း ပဲရစ်အကြောင်းတင်ဖူးပါတယ်။ထုံးစံအတိုင်းပါဘဲလေ..
အဲဒီတုံးက စာသိပ်ရိုက်တတ်သေးဘူး..ခုတော့စာလည်းရိုက်တတ်လာပြီလေ..;P
ဟိုဟိုဒီဒီလည်း အာလူးဖုတ်လို့ ပေါ့ :))))