မင်္ဂလာပါရှင်~~~
တကယ်တော့လည်း ပြည်မြန်မာကြီးမှာ မင်္ဂလာအပေါင်းဆိတ်သုန်းသွားခဲ့ပါပြီ။
ရက်ပေါင်း ၁၂၇ ရက်တိတိပေါ့...။ ခုချိန်ထိ ပျော်နေ စားနေ သွားနေသူတွေရင်ထဲ နားမလည်ခဲ့သလို နားလည်ဖို့လည်း မကြိုးစားချင်တော့ပါဘူး။ ကိုယ့်ခံစားချက်နဲ့ကိုယ်ပါလေ..။ ခုလို ဟိုမရောက်ဒီမရောက်အချိန်ကာလကို သူတို့တွေက မကြိုက်ကြဘူး။ ဒါပေမဲ့လည်း ကြိုးစားပါဝင်ကူညီဖို့လည်း စိတ်မကူးဘူး ရေသာခိုအချောင် သမားစိတ်တွေနဲ့လူသား အရမ်းများနေတာ ခုချိန်မှာ ထင်ထင်ရှားရှားကြီးမြင်ရတာပဲ။ မိစ္ဆာတွေအောက်ဆိုလည်း ရေလိုက်ငါးလိုက်နေမယ်။ ဒီမိုကရေစီအပြည့်နဲ့နိုင်ငံတော်ကြီးသာယာဝပြောလာမယ်ဆိုလည်း တဟီးဟီးနဲ့သွားကြီးဖြီးကြိုနေမယ် ဆိုတဲ့ ဆန်ကုန်မြေလေးတွေလေ..။ သူတို့နောက်ကပေါက်ဖွားလာမဲ့မျိုးဆက်သစ်ကိုသူတို့ ဘယ်လိုဆုံးမသွန်သင်ကြမလဲမသိ အံဩမိပါတယ်။
ကိုယ့်မြေးလေးဆို ၅နှစ်သားပဲရှိသေးတယ်။ မေးတတ်လိုက်တာ ဘာဖြစ်လို့ ရဲတွေကလူတွေကိုသတ်ရသလဲ။ စစ်သားကဘာလို့လူတွေကိုဖမ်းရတာလဲ။ လူဆိုးသွားဖမ်းရတာမဟုတ်ဘူးလား။ စုံနေအောင်မေးတာ။ ပြီးတော့ သူ့ရဲဝတ်စုံလေးထုတ်လာပေးတယ် ။ သူကြီးလာရင်ရဲမလုပ်တော့ဘူးတဲ့။ ခလေးက ငယ်ကတည်းကရဲရူးရူးနေတာ။ ရဲအရမ်းဖြစ်ချင်သူကြီး..ဘာကစားကစား ရဲလုပ်တမ်းကစားတယ်။ ရဲဝတ်စုံအပြည့်နဲ့ သေနတ်လည်းပါ ဦးထုတ်လည်းပါတယ်။ ဘာဖြစ်လဲမေးတော့ ရဲကမကောင်းတာတွေလုပ်တယ်တဲ့။ ဒါက ခလေးရဲ့ခေါင်းထဲစွဲသွားပြီလေ။ သင်ပေးတာမဟုတ်ဘူး။ သူမြင်နေရတာတွေကြည့်ပြီးသူပြောလာတာ။ အိမ်ရှေ့ရဲကား စစ်ကားဖြတ်သွားရင် လက်၃ချောင်းပြေးသွားထောင်ပြတယ်။ အိမ်ကလူတွေသူ့ကိုမနဲပြန်ဆွဲထားရတယ်။ ဟိုကမင်းကိုဖမ်းသွားမယ်ပြောတော့ သူနဲနဲကြီးလာရင် သပိတ်မှောက်မယ်တဲ့ (သူ့အမေကသပိတ်မှောက်အမြဲထွက်တယ်လေ😁) ပြီးရင် ရဲတွေစစ်သားတွေကို ပြန်သတ်မယ်..တဲ့😬 အံမငီး ကျူပ်တို့မှာ ရင်ဘတ်စည်တီးလို့ 😖 သူ့အဖေက မျက်ကလဲဆံပျာရှင်းပြနေတာ အဲ့လောက်မကြာဘူး သာရေကြိုးတင်းအောင်ကိုင်ကြီး မရဏာခရီးသွားရတော့မယ်ဆိုပဲ...။
ဒီနေ့မနက်ဖတ်မိတဲ့သတင်းတခုကတော့ တကယ်ပဲမျက်ရည်မဆည်နိုင်ဘူးဗျာ။ အမေစုပြောတဲ့ စရိက္ခာပြတ်တယ်ဆိုတဲ့သတင်းလေး..။ အဲ့သတင်းအောက်မှာ ဝိုင်းရေးကြတဲ့ပြည်သူတွေရဲ့စကားသံက တကယ်ပဲ တစ်ရူးတဗူးလုံးကုန်တော့မယ် ကျလာလိုက်တဲ့မျက်ရည်တွေက အော်တိုငုတ်တုပ်ပဲ😢😭။ အားတင်းထားကြပါ..။ ကိုယ်တို့အတွက် အမှန်တရားအတွက် အချိန်တခုရောက်လာတော့မှာပါ။
တရားသောစစ်မှန်သောမေတ္တာတရားက အောင်မြင်မှာပါ..။
#meemeenage
Alpha လေးတွေကိုလည်း တကယ်လေးစားပါတယ် သူတို့အရွယ်လေးတောင် ဘာကဘာလဲ ခွဲခြားသိမြင်နိုင်တဲ့ အသိဉာဏ်ရှိသေးတယ် တချို့ အသက်ကြီးပြီး ဉီးနှောက်ဟောင်းလောင်းတွေက တပုံကြီးရယ်....။
ReplyDeleteမိုးငွေ့
မိုးငွေ့လေးရေ..
ReplyDeleteအခြေအနေတွေဆိုးဝါးလာလိုက်တာ
ကြားရတဲ့သတင်းတွေနဲ့စိတ်တွေမကောင်းဘူး
နေလို့မကောင်းဘူး မိတ်ဆွေသူငယ်ချင်းတွေအများကြီး
ရုတ်တရက်ကြီးမပြန်လမ်းသွားကုန်ကြပြီ
အားတင်းထားလို့သာပြောရပေမဲ့
ကိုယ့်မှာလည်းမနဲအားတင်းနေရတယ်
အားလုံးကပ်ဘေးအပေါင်းကနေကင်းလွှတ်ကြပါစေ