မင်္ဂလာပါရှင်~~~
၂နှစ်လောက် အိမ်တွင်းအောင်းသတ္တဝါကနေ ပထမဆုံးအကြိမ်အဖြစ် အပြင်ထွက်ရတော့ ခလေးတွေကစားတဲ့နေရာလည်း အိုကြီးအိုမနဲ့သွားကဲခဲ့ပါတယ်...😁 သွားစရာနီးနီးနားနားပဲရှာရတာလေ
အမိုးအောက်ထဲမှာ ရေနဲ့ပတ်သက်တာမျိုးစုံဆော့လို့ရ checkin လုပ်တာနဲ့ လက်ပတ်တခုစီပေးတာပေါ့ အဝင်မှာ လက်ပတ်ထဲကစကင်ဖတ်ပြီးမှဝင်ရ ပျောက်ရင် ပိုက်ဆံထပ်ပေးအသစ်လုပ်ရမယ်တဲ့ ဒီတော့ လက်ပတ်ကိုပတ်ထားလိုက်တာ ရေချိုး အိပ်တာကအစ ဘာမှမဖြစ်😉
ဟော်တယ်ခန်းက အိပ်ခန်း၂ခန်းပါ အကျယ်ကြီး ရေချိုးခန်းအိမ်သာ ၂ခု ဧည့်ခန်းလည်းပါ မိသားစုကြီးအတွက်နေမှာ ကိုယ်တွေတော့ ၅ယောက်ရှိ ကုတင် ၂လုံးပါတဲ့အခန်း ယောက်ကျား၂ယောက်အိပ် မိန်းမ၃ယောက်က ကုတင်ကြီးပေါ်တိုးခွှေ့အိပ် 😂 အေးတဲ့ရာသီမှာဆိုတော့ အေးဆေးပဲ..
ဟော်တယ်စဝင်တုံးကအခြေအနေပတ်ကြည့်ပြီးနောက်နေ့မှဆော့ဖို့စိတ်ကူးထားခဲ့ မှန်းချေကမကိုက် တောင်ပေါ်တက်အပြန်အရမ်းအေးတာနဲ့ ပက်လက်လှန်ပြီးအိပ်ပစ်လိုက်တာ ညမိုးချုပ်သွားပါလေရော့😎ရေကိုမထိပဲ
ပြန်လာလိုက်ရတယ်လေ
ပြန်လာလိုက်ရတယ်လေ
ဟော်တယ်တခုလုံး အာဖရိကအငွေ့အသက်တွေချည့်ပဲ ကြည့်စရာတွေများ
တိရိစ္ဆာန်ပုံတွေတွေ ဟော်တယ်တခုလုံးအပြည့် ကြမ်းပြင်မှာလည်းရှိ..
တကယ်လှတယ်..
ပိုးချည်နဲ့ထိုးထားတဲ့ပန်းချီကားအရမ်းလှတယ်
ကျေးဇူးတော်များနေ့ပိတ်ရက်ဆိုတော့ လူတွေအများကြီးမို့ ပိတ်ရက်မတိုင်ခင်သွားခဲ့တာပါ။ ဒါပေမဲ့လည်း လူကများပါတယ်။ အိမ်ထဲအောင်းနေရတဲ့ကာလရှည်ကြာတော့ လူတိုင်းစိတ္တဇလိုလို ခပ်ကြောင်ကြောင်ဖြစ်ကြမှာပါပဲ။ ကိုယ်တို့နိုင်ငံသားတွေကပိုဆိုးတယ်။ ကိုဗစ်နှောက်ယှက်လို့ စီးပွးရေးကြပ်တည်းချိန် ငလူးတသိုက် အတ္တကြီးမားလွန်းကြလို့ တနိုင်ငံလုံး ဇောက်ထိုးမှောက်လှဲပါလေရော့..။ အပြင်ရောက်နေတဲ့နိုင်ငံသားတွေအနေနဲ့ အထဲကလူတွေကိုဒီအချိန်မှာ ပြန်ကြည့်ရူထောက်ပံ့သင့်တယ်လေ။ အားရချက်ကတော့ အားလုံးနီးပါး တက်ကြွလူပ်ရှားနေကြတာများ ပြောရရင် တထောင့်တညမကဘူးဗျ..။ အချိန် အသိပညာ ငွေကြေး အစစအရာရာ စိတ်ရောကိုယ်ပါချွေပေးဖဲ့ပေးနေတာများ မြင်ရာကြားရ မျက်ရည်များတောင်လည်မိပါရဲ့။စကားတခွန်းကြိုတင်ပြောထားလိုက်ချင်သေး..။ အရေးတော်ပုံအောင်မြင်မှာကမြေကြီးလက်ခတ်မလွဲပါ..။ အမှန်တရားက ပိုပြီးရဲရင့် ပွဲလည်တင့်တာ..အမြဲတမ်းပါပဲလေ။
ကဲ..စိတ်ပမ်းလူပမ်းတာတွေ ခဏအသာထားလို့ ဟော်တယ်ဖက်ပြန်သွားရအောင်
ကိုယ်တွေက (၇)ထပ်မှာ အခန်းရှ့ကအခန်းနံပါတ်လေးကပ်ထားတာ အရမ်းချစ်ဖို့ကောင်းပဲ။ စားသောက်ဆိုင်တွေလည်းအများကြီးပဲ။ 
အေးချမ်းသာယာသောနှစ်သစ်ရည်မှန်းလျက်
#meemeenage
#meemeenage
