Wednesday, September 2, 2020

ရန်ကုန်ကဝါးတီး

မင်္ဂလာပါရှင်~~~

အရင်ကများ တခါလောက်ရွှေပြည်ပြန်မယ်ဆိုရင် ဘာစားမယ် ဘယ်သွားမယ်ဆိုတာက စာတတန်ပေတတန်ရေးမှတ်ထားရ😁 ခုများတော့ သိပ်ပြီးအစားမမက်တော့ဘူး😓 မစားနိုင်တော့ဘူးလေ။ မတည့်တာနဲ့ ဟိုဟာနဲ့ဒီဟာနဲ့ ကြုံကြိုက်ရင်စားလိုက်မကြုံရင်လည်းအိုကေ။ပြီးခဲ့တဲ့နှစ်ကပြန်တုံး များများစားစားကိုမစားဖြစ်ဘူး ။ သူများကျွေးတာလေးပဲ စား😂


ရောက်ပြီးမနက်စာ လပ်ကီးဆဲဗင်းစားပြီးတော့ ဗိုလ်ချုပ်ဈေးချီတက် ကတ္တီပါဖိနပ်တွေဝယ်ကြ ပိုးပုဆိုးတွေပုဝါတွေဝယ်ရင်း ပူလို့ခနနားနေတုံးဆိုင်ရှင်က ကျောက်ကျောစားမလားဆိုတော့ အိုကေ..ပေါ့ 😅 ကိုယ့်ဖာသာကိုယ်ပေးတာပါ။ သူများဆိုင်ရှေ့မှာကျကျနနထိုင်စားရတာပဲကျေးဇူး.. ကြည့်ရင်းစားချင်စိတ်အများကြီးဖြစ်ပေမဲ့ မစားနိုင်ဘူးဗျ..။ မာတာတာဖြစ်နေလို့ လူကလည်းနေ့နဲ့ညမှားနေတာရယ် ပင်ပမ်းတာရယ်..။ ၃ဇွန်းထပ်ပိုမစားနိုင်ကြဘူး..ခုချိန်တော့ စားချင်နေသားပဲ😝

နေ့လည်ကျတော့ ဝမ်းမနာသမီးတွေလာခေါ်ပြီးဗမာထမင်းဆိုင်သွားစားကြ..။ 

ထုံးစံအတိုင်း ဟိုတို့ဒီတို့နဲ့..အိပ်ချင်နေတာလေ..
ညစာတော့ နံမည်ကြီးတဲ့ မင်းလမ်းမုန့်တီဆိုလား..သူတို့အများကြီးမှာ
ကိုယ်တွေတော့ မုန့်တီတပွဲမှာသေး😄



အများကြီးမှာပြီး အင်း...စားကောင်းလားဆို..
အရမ်းအကောင်းကြီးထဲမဟုတ်သလိုပဲ
😂 လူကတော့ အများကြီးပဲ အလကားပေးတာကြနေ
ဘာတွေကဘာမှန်းတောင်မသိ😎

မှာသမျှကုန်နေပြီဆိုတာကြီးဗျ...

နောက်တညနေ စမ်းချောင်းဖက်ရောက်တုံးဗိုက်ဆာလို့ ရခိုင်ဆိုင်တခုဝင်စား ဖယားဖယား အသေစပ်တာဗျ...အဘားအဘား...😄 စားလို့တော့ကောင်းပါတယ်
တူမလေးတယောက်ထိုင်းမုန့်ဟင်းခါးချက်ကျွေးလို့စားခဲ့ရသေး
ဆိတ်စွပ်ပူရီဆိုလား ပါလတာဆိုလား....ကျားကျားသူ့မိတ်ဆွေတွေကိုကျွေးလို့ စားခဲ့ရသေး..အဖိုးကြီးတွေချည့်ပဲဆို😎

ဟိုသွားဒီသွားနဲ့ကြုံရင်ကြုံသလိုစားခဲ့သေး

ဘာတွေမှန်းမသိ..စီးပွားရေးတော့အတော်ကောင်းပုံရ ဆိုင်တွေလူအပြည့်ပါပဲ
သူငယ်ချင်းတယောက်အိမ်သွားရင်း သူကျွေးတဲ့ ခေါက်အူနဲ့ကျိုင်းတုံဝက်အူ ချောင်းနဲ့နမ့်ဖစ်ထောင်း
ပါအို့(ငါးဒုက္ခလည်းပါ)
အဲ့တနပ်ကတော့ အကောင်းဆုံးပေါ့😄

ကျားကျားမိတ်ဆွေကျကျနနဖိတ်ကျွေး..ကိုယ်တွေကသိပ်မစားနိုင်
ဟား..အရမ်းကောင်းတာပဲ..ကျေးဇူးပါပဲ..ပြောလိုက်ရတာ..😆
ကျားကျားတူမတယောက်ခေါ်သွားတဲ့ဒူးရင်းသီးဆိုင်ကတော့အမိုက်စ်ဆုံး
တဆိုင်လုံး အနံ့တွေလိူင်နေတာ..
ကိုယ်တွေကမကြိုက်တော့ အသက်အောင့်ထားရ😂
စုံပလုံစိမှာစားကြ
ဈေးလည်းကြီးဆိုပဲ..သူ့ခမျာကျွေးရှာတာ..ကိုယ်လည်းဟန်ဆောင်ကောင်းခဲ့ပါတယ်လေ😁
မုန့်တွေလည်းအများကြီး..အချိုမကြိုက်သူကတော့ သာရေမကျဘူးပေါ့.အဟဲ
သူ့အမျိုးအိမ်တွေကဖိတ်ကျွေးတာ ဘုန်းကြီးဆွမ်းကပ်သလိုပဲ😜 အဲ့အချိန်ကစားကောင်းနေတာများ

ကျန်တာတွေကဟော်တယ်ထဲမှာပဲ..မနက်စာဘူဖေး

ဧည့်သည်လာရင်လည်း အဝေးကြီးသွားစရာမလို



အဲ့နားမှာကျွေးလိုက်တာပဲ
ညဆိုရင်လည်း မထွက်ချင် ဆင်းပြီးစားလိုက်တာပဲ

ဒေါ်လာလှဲဖို့ လမ်းလျောက်ထွက်သွားရှာရင်း

ရှမ်းဆိုင်တခုတွေ့တာနဲ့ ဖက်ထုပ်ပေါင်းစားရင်းရှမ်းလိုခေါက်ဆွဲသုပ်ပေးနိုင်လားမေးရင်းစားခဲ့သေးတယ်...

ဒီဆိုင်ကတွေ့ရင်း ဘာရယ်မဟုတ်ဒါတ်ပုံလေးရိုက်ယူထား..အော်..လသာကဘော်ဒါကြီးတယောက်ရဲ့ဆိုင်တဲ့
ရန်ကုန်မှာအလုပ်မရှိရင် အစားအစာရောင်းလို့ဖြစ်တယ်စားမဲ့သူအများကြီး..

လေယာဉ်ကွင်းဆင်းမှသူငယ်ချင်းတယောက်လာတွေ့မယ်ဆိုတော့ စားသောက်
ဆိုင်ထိုင်ရင်း အမဲသားခေါက်ဆွဲမှာစား..အပါးပါးဂွတ်ရှယ်ပဲ..
ကျားကျားလည်းစားပြီးရှင်းမယ်လုပ်တော့ သူငယ်ချင်းရှင်းပေးသွား..ဖယားဖယား.70$ လောက်ရှင်းရတယ်တဲ့..အားနာလိုက်တာ ရေခဲမုန့်တွေရော တခြားမုန့်တွေရောကျားျကားမှာစား..မြို့ထဲမှာစားမကောင်းလို့တဲ့😂

ကိုင်း..စာရင်းချုပ်တော့ ဒီတခါသိပ်အလေးချိန်မတိုးလာပါဘူးလို့...
😍😘😝😜
#meemeenage

0 comments:

Post a Comment