ကိုင်း..ဒီတခါတော့ ဘုရားဖူးထွက်ကြရအောင်လေ...
ဒီတခေါက်ကျိုင်းတုံရောက်တုံး မိုင်းခတ်မြို့နယ် မိုင်းနုန်းနှီးဘုရားသွားခဲ့တယ်လေ။ အရင်ကဆို အဲ့နယ်မြေက အမည်းရောင်နယ်မြေ မအေးချမ်းဘူးဆိုပါတော့။ ဦးလေးအရင်းက မိုင်းခတ်နားက မိုင်းလွေမှာ အိမ်ထောင်ကျတယ်။ ခုတော့ဆုံးသွားပါပြီ။ ကြာလည်းအတော်ကြာပါပြီ..။ အဲ့ခေတ်ကာလမှာ တခါပြန်ရင် သူ၂-၃ ညအိပ်တို့ဘာတို့ကြာတတ်တယ်။ မိုးတွင်းကာလဆိုရင်ပေါ့။
ခုတော့နာရီပိုင်းဘဲကြာ။ နေ့ခြင်းပြန်ဘုရားသွားဖူးလို့ရ။ KT အထွက်မှာ နံမည်ကြီးအမဲသားခေါက်ဆွဲစားရအောင်တဲ့..ဒီကဘယ်ငြင်းလို့ရမလဲ..ဟီး..😁အရမ်းကောင်းတယ်သိလား..ရောက်ရင်ဝင်စားဖို့မမေ့နဲ့ဗျ....။
 |
| အမဲသားနဲ့အရွှတ်နဲ့ဆန်ခေါက်ဆွဲ😋😋 |
ခေါ်သွားတဲ့ကားဆရာလေးက(တကယ်ဆိုမိတ်ဆွေပါ) သူ့ဇာတိရွာက သူကိုယ်တိုင်လည်း ဘုန်းကြီးလူထွက်လေ .. :D
အပေါ့အပါးသွားပေါ့..။
ကဲ..မိုင်းခတ်တော့ရောက်ပြီ...။
ဒေသတခုလုံး ဝါးတောတွေချည်းဘဲ..။ ဒါကြောင့်လည်း ဝါးနှီးတွေနဲ့ဘုရားရုပ်လုပ်နိုင်ကြတာကိုး...။
ဘုန်းကြီးကျောင်းရောက်ပြီ..။ တိတ်ဆိတ်အေးချမ်းတယ်..။
ရောက်တာနဲ့ ဘုရားကျောင်းထဲမဝင်နိုင်သေး..။ အနောက်ဖက်က ရေအိမ်တွေပြေးရ😂 ဘုရားပွဲရှိတဲ့အချိန်လူစည်လွန်းလို့ ရေအိမ်တွေအများကြီးထားရတယ်တဲ့. .။ တခုတော့ပြောပြတယ် ရေနဲနဲရှားပါတယ်တဲ့..။
ကျောင်းထဲမဝင်ခင် ထမိန်ကောက်စွပ်😁😎 အမေသင်တဲ့အတိုင်း..အမေ့စကားမြေဝယ်မကျ နားထောင်သူပါ။ အမေကမှာထား ဘုန်းကြီးကျောင်းတွေ အလူတွေသွားရင် ထမိန်မပါဘဲ မသွားပါနဲ့လို့ငယ်ငယ်ကတဲကအမြဲသင်ခဲ့တာ။
ဘုရားဆင်းတုတော်ကို အဝကနေလှမ်းဖူးမျှော်နိုင်ပါတယ်..။ ငယ်ငယ်ကကြားဖူးတယ်..စစ်သားတွေ(နယ်မြေမအေးချမ်းတော့ စစ်တပ်ဘဲသွားလာကြတာပေါ့လေ) သွားရင်းလာရင်း ဝင်ဖူးကြတာပေါ့။ အဲ့ဒီမှာ တယောက်ကဘုရားကိုလုံးဝမတွေ့ဘူးလို့ဆိုသတဲ့။ နောက်ပြီး စစ်ဗိုလ်တယောက်က ဘုရားဖူးပြီး အဆောင်အနေနဲ့ အထဲက ဝါးတဆစ်လေးချိုးယူလာခဲ့တယ်တဲ့။ လမ်းမှာဘဲ သူမိုင်းထိပြီး ဒူးကနေအောက်ပိုင်းပြတ်ထွက်သွားတယ်တဲ့။ သူဖြတ်ချိုးလာတဲ့အပိုင်းက ဘုရားဒူးတော်နေရာက..လို့ပြောကြတယ်..။
ဘုရားအနီးကပ်ပုံ။ အရင်က မကာထားဘူးတဲ့။ ခုတော့ လမ်းကောင်းလို့ လူတွေအရမ်းလာဖူးကြတော့ အကာအရံလုပ်ထား အမျိုးသမီး အထဲဝင်ခွင့်မရှိ😔
အလှုခံမီးခံသေတ္တာနဲ့..။
ဘုရားအထဲက ပုံပါ..။ ဘုန်းကြီးက ဝင်ပြီးဗီဒီယိုရိုက်ပေးတယ်။
နှီးဘုရားသမိုင်းစာအုပ်မရှိဘူးလားဆိုတော့ အရင်ကတော့ရှိတယ်။ နောက်ပိုင်းထပ်မရိုက်ဖြစ်တာပါတဲ့။ သေချာတဲ့သမိုင်းကျောင်းမြန်မာလိုမရှိ။ ဂုံရှမ်းလိုတော့ရှိပါလိမ့်မယ်။ ကိုယ်ကမဖတ်တတ် 😞
ဂုံဘုန်းကြီးကျောင်းမှာ ဒီလို ညာဖက်တန်းမှာ ဘုန်းကြီးတွေထိုင်ဖို့ထားတာတွေ့ရပါလိမ့်မယ်။ ဘုရားကိုကြောပေးပြီး ကျမတို့ဂုံထုံးစံကဘုန်းကြီးတွေမထိုင်ရဘူးတဲ့။
စည်တော်..။ ဥပုဒ်နေ့တို့ဘာတို့မှာ ဘုရားရှိခိုးပြီးရင် စည်တော်တီးပြီး အမျှဝေကြတယ်..အင်း..စည်တော်ကိုတီးလို့မသုံးရဘူး စည်တော်ရွှန်းလို့ပြောရမလားမသိ..😜 ဟိုမရောက်ဒီမရောက်ကပြားဘဝက တခါတလေ..ဂွကျတယ်ရှင့်😎
မျက်နှာကျက်ကအစ...လှပတင့်တယ်..။ အရင်ဆိုသိပ်နားမလည်ပါဘူး။ ထိုင်းတွေ နိုင်ငံခြားသားတွေလာလည်ရင် အရမ်းလှတယ် ပြောကြလို့😁 ကိုယ့်မှာ သတိထားပြီး လေ့လာရတာ အမှန်ဘဲဗျ...
အဝင်ဝကကျွန်းတံခါးကြီး...
ဘုန်းကြီးထိုင်တရားချတဲ့နေရာ..မှန်စီရွှေချဒေါင်းရုပ်နဲ့။ ဒေါင်းရုပ်ကရှမ်းတွေရဲ့အထွဠ်အမြတ်ထားတဲ့ သင်္ကတတခုပါဘဲ..။ ဆွီဒင်ကမိတ်ဆွေတယောက် ကျိုင်းတုံပတ်ချာလည် ဘုန်းကြီးကျောင်း(ဗမာကျောင်းတော့မပါဘူးပေါ့ဗျာ😁)
တွေသွားလည်ရင်းသူမြင်သမျှဒေါင်းရုပ်တွေမှတ်တမ်းတင်ထားတာ..အရမ်းလှတာဘဲဆို....
တွေသွားလည်ရင်းသူမြင်သမျှဒေါင်းရုပ်တွေမှတ်တမ်းတင်ထားတာ..အရမ်းလှတာဘဲဆို....
အဓိဌာန်ကျောက်တုံး..( ကျောက်တုံးထားတဲ့လင်ပန်းက နှီးလင်ပန်းနဲ့)
မိုင်းဖုန်းဆရာတော်ကြွလာစဉ်..
မိုင်းဖုန်းဆရာတော်ရဲ့ကျောင်းဆောင်(ကြွလာရင် အဲ့နေရာမှာတည်းရ)
နောက်ထပ်အခွှင့်အရေးရရင်လည်းထပ်ပြီးလာဖူးချင်ပါသေးတယ်...။
အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage
အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage
