Friday, December 29, 2017

ကျိုင်းတုံကရှမ်းထွက်ကုန်များ...

မင်္ဂလာပါရှင်~~~
ကျိုင်းတုံမှာထွက်ကုန်တွေမှ အများကြီးရယ်...အဲ့လို မုန့်ကြွပ်ခေါ်မလား ကြွေမုန့်လို့ဆိုလား၊ မီးကင်စား ရတာပါ။ ကိုယ်ကလည်း (ရှမ်းလိုဘဲခေါ်တတ်တာ) ဈေးထဲမှာရောင်းတာ။ နောက်ပြီး မုန့်တီဖတ်အခြောက်
တွေ၊(နဲနဲပွတယ် ဘယ်ရခက်တယ်) အများကြီးပြည်မက  လူတွေလည်း အရမ်းကြိုက်ကြတာ။ ဒါပေမဲ့
ခရီးဝေးဘယ်သွားဖို့ခက်တယ်..လေ။ ဒီပုံထဲကပြထားတဲ့အတိုင်း၊ ဆိုရင်ကမ္ဘာပေါ်ဘယ်နေရာအထိ၊
ဘယ်သွားလို့ရတယ်။ ဒါဆိုရင်သွားရောင်းလို့ရတယ်။ ဒါဆိုရင်အလုပ်ဖြစ်ပြီ...။
ပုံကဗီယက်နာမ်က၊အမေရိကကို၊တင်သွင်းတဲ့မုန့်ကြွပ်ပါ။တဗူးကို၄-၅ ချပ်လောက်ပါပြီး ၁.၉၉ ဒေါ်လာပေး ရပါတယ်။ဒီကဝင်ငွေနဲ့ဆိုရင်၊အရမ်းကြီးကိုဈေးသက်သာပြီး၊ကျမအတွက်ဆိုရင်သူတို့ရဲ့ဆီရွှန်းဝေဆာနေတဲ့
ဗီဇာနဲ့လုံးဝမလဲနိုင်အောင်တန်ဖိုးကြီးမားလှပါတယ်။တယုတယလေးကင်စား၊ရေနွေးကြမ်းလေးနဲ့မြည်းရတာ၊
ခလေးဘဝဆောင်းတွင်းကာလညချမ်းကိုအခိုက်အတန့်ပြန်ရောက်သွားသလိုပါဘဲ။
ခေါက်ဆိန့်လုပ်စားလို့လည်းရ မုန့်တီသုပ်လည်းရ မြီးရှည်လည်းရ နန်းကြီးလိုလုပ်လည်းရတာ..လူတိုင်း
ကြိုက်ကြတာပေါ့။
သူလည်း တရုတ်နဲ့ဗီယက်နာမ်ကလွဲပြီး တခြားရှာဝယ်စရာမရှိ..။

ရှမ်းအမျီုးအနွယ်ကမ္ဘာပေါ်မှာ၊သန်းရာကျော်ရှိတယ်ဆိုတာ၊ သိကြမဲ့သူနဲပါလိမ့်မယ်။ ၇-၈ နိုင်ငံမှာပြန့်နေတဲ့ရှမ်းတွေရဲ့၊အစားအစာလည်း၊ကမ္ဘာမှာနံမည်ကွဲနဲ့၊ထင်ရှားနေပါတယ်။ ကျိုင်းတုံထွက်ကုန်ကိုကျမ်းမာရေး အတွက်သန့်ရှင်းလှပစွာထုပ်ပိုးပြီးသွားရောင်းကြစမ်းပါလေ..။ ပြည်မတင်မက၊အိမ်နီးချင်း ထိုင်း တရုတ် လာအိုသွားစမ်းပါ သွားပါ။ ယှဉ်ရောင်းနိုင်အောင်ကြိုးစားကြပါ။ အကောင်းဆုံးကိုရွှေးချယ်ပြီး၊ အကောင်းဆုံး
ထုတ်လုပ် ကြပါ။ထိပ်ဆုံးရောက်တာပေါ့..။( fb မှာ စွန့်ဦးရှင်လူငယ်များတို့ စီးပွားရေးနဲ့ပတ်သက်တာ
တွေဘာတွေရှိလည်းဝင်စပ်စုကြည့်တာ လက်ထဲမှာ သိန်း ဘယ်လောက်ရှိလို့ ဘာလုပ်ရမလဲဗျ/ရှင့် တို့
နေ့တိုင်းတွေ့မိတာ..အမြင့်ကြီးသွားစဉ်းစားနေကြတာကိုး လက်လမ်းမှီရာဘဲ စဉ်းစားရင် လုပ်စရာတွေမှ
အပြည့်..နော့်)
ကိုယ့်ရဲ့တခါခါကိုယ်ယောင်ဖျောက်ပြီးဝင်ရေးတတ်တဲ့ ဒီနေရာတခု မှာရေးရင်း ဒီမှာလည်းတင်ရင်ကောင်း
မယ်ထင်လို့ ....
( မင်းတို့နယ်မှာ ဘိန်းနဲ့မူးယစ်ဆေးပြားကလွဲလို့ ဘာတွေများရှိလဲလို့မေးလာသူအပေါင်းကိုရည်ညွှန်းပါ၏)
အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage

Friday, December 22, 2017

Wat Huai Pla Kang ဆင်စခန်း ရေပူစမ်း

မင်္ဂလာပါရှင်~~~
ဒီနေရာ ကနေကျေးဇူးပြုယူထားတာအဝေးကနေရိုက်မှ ၃ နေရာလုံးပါမယ်လေ
ဒီတခါတော့ နှစ်မကူးခင် ကျိုင်းရိုင်းဖက်အမြန်ဆုံးပြန်ခေါ်သွားလည်ရအုံးမယ်။ ကြာရင်လည်း ဒီကမေ့တတ်
အစီအစဉ်တကျပြန်ပြောတတ်တော့ဘူး..။ ကဲ..လည်လည်သွားရအောင်။ ကျိုင်းတုံဖက်ကနေကားလေးနဲ့
သာလာပါလေ..။တာချီလိတ် နယ်စပ်တံတားထိပ် မယ်ဆိုင်မှာ မပုတင်ပြပြီး ဘုရားဖူးပြီး လိပ်ဥတူးမယ် လို့ သာပြော ဘတ်ငွေတွေပေးလိုက် ဟိုကတံဆိပ်တုံးထုပေးပါလိမ့်မယ် 😉😋
ကိုယ့်ဖာသာကိုယ်ရီုက်တော့ အဲ့လိုပုံဘဲထွက်နိုင်တော့တယ်
နယ်စပ်ကနေဝင်ပြီး ကျိုင်းရိုင်း ကျိုင်းမယ်သွားလည်ကြမယ်ဆိုရင်၊ မပါမဖြစ် မယ်ဆိုင်တဝိုက်ကဈေးတန်း ရွှေတြိဂံ မယ်ဆိုင်ကတောင်ပေါ်ဘုရား(အဲ့တာကအပြန်ခရီးမှရေးပါအုံးမယ်) ပြီးရင် ကျိုင်းရိုင်းဘုရားဖြူ
နောက်ဘုရားအများကြီးပါ ဘုရားတွေမလည်ချင်ရင်တော့ Singha Park(ကိုယ်တော့ကြိုက်တယ်) ဆင်စခန်း ရေပူစမ်း အခုပုံထဲက Wat Huai Pla Kang ပြီးရင် black house ဒါတွေသွားလည်သင့်ပါတယ်
ခုနောက်ပိုင်းမှခေတ်စားလာတဲ့နေရာ သူတို့ဖန်တီးပြီး ခရီးသွားတွေကိုဆွဲဆောင်တဲ့နေရာ..တွေဆိုပါစို့..
Wat Huai Pla Kang က မူရင်းနံမည်ပါ။ နောက်တော့ ဦးစီးပြုပြင်တည်ဆောက်တဲ့ ဆရာတော်က တရုတ်စပ်ဖြစ်သလို သူ့ဒကာတွေကလည်းတရုတ်တွေများတယ်။ ဆရာတော်ရဲ့ အကြောင်းစုံကို လင့်ထဲမှာ
သွားဖတ်နိုင်ပါတယ်။ ဆရာတော်ရဲ့ လက်ကိုင်မူတခုက “Nothing is more important than helping”
ဆရာတော်သူကိုယ်တိုင်လည်း အလှုအဒါန်းအင်မတန်ရက်ရောပါတယ်။ ကိုယ်တို့ မြို့ထဲကလမ်းမတန်းနား ဖြတ်သွားချိန် မုန်လာထုတ်တွေ အလကားဝေနေတာတွေ့မိတယ်။ ဘယ်သူဝေမှန်းမသိ။ နောက်မှ သိရတာ
ဆရာတော်က ကီလိုချိန်တသန်းအလကားဝေပေးတယ်တဲ့။ ဆရာတော်က ၃၈ နှစ်မှာ သာသာနာဘောင် ထဲစဝင်ပြီး ဘန်ကောက်နားက ရာ့ချ်ဘူရီဒေသမှာ သီတင်းသုံးတာပါ။ နောက် ကျိုင်းရိုင်းဒေသဖက်ရောက်
လာပြီး ဒီနေရာမှာ မူရင်းစေတီဟောင်းလေးပြန်ပြုပြင်ပြီး ဆရာတော်ရဲ့ပြင်းပြတဲ့စိတ်စေသနာနဲ့ နောက် လိုက်ဒကာအပေါင်းတို့ သဒ္ဒါတရားကြောင့် ခုလိုကြီးမားတဲ့ ကွမ်ရင်မယ်တော်ပုံနဲ့ နဂါးစေတီ ၉ထပ်ကျောင်း
ပေါ်ပေါက်လာရတာပါဘဲ။ ညနေခင်းချိန်သွားတာအကောင်းဆုံးပါ အပေါ်ကနေအားလုံးကိုစီးမြင်ရတဲ့ အရသာ လေအေးတွေတိုက်လို့ တရားရိပ်ဘုရားရိပ်ရဲ့ အေးချမ်းတဲ့အရသာ အပြည့်အဝခံစားရမှာပါ။
 ဘုရားပုံတွေ ရူခင်းပုံတွေ ပြန်ရှာတာ..လုံးဝမတွေ့...
 ဒီတော့ အဖွားအိုလေးပုံဘဲ ညည်းခံပေါ့နော်..😂😎
ကဲ..ဆုတောင်းမယ်..လိုက်ဆိုကြ..တရုတ်ဘုရား နဂါးမင်းအပေါင်းတို့ ကံကောင်းခြင်းများတပည့်တော်ထံယူ
ဆောင်လာပေးကြပါ... 😊👏
အင်း..ရေးရင်းနဲ့ဆင်စီးတာကနောက်ရောက်သွားတယ်..အဲ့လိုပါဆို... ဆင်စီးပြီးမြင်းရံတယ်ဆိုလို့ ဆင်စီးရ
မလားမစီးရင်ကောင်းလား..လားပေါင်းများစွာ ဂယောင်ဖြစ်ချိန်..ဆင်ဟာဘီယာပန်းခြံမှာတွေ့ခဲ့တဲ့ရှရှားကြီး
နဲ့ ကိုယ့်မိတ်ဆွေတသိုက် အဖွဲ့ကြလာတယ်။ ဆင်စီးဖို့ကြတော့ သူတို့က မစီး၊ ကိုရှရှားကြီးတယောက်ထဲ၊
မယ်ငီးကို သွားစီးပြောပြီး တွန်းလိုက်တာနဲ့ ဆင်ပေါ် ဖင်မပေါ်ဘဲ(အဲလေ..ဘောင်းဘောင်း ဝတ်ထားတာ ကြီးကို...) ရောက်သွားပါလေရော...
ဒင်းမပါအောင် ဆယ်ဖီဆွဲရသေး...သူ့အင်းဂလိတ်ကြီးက တကယ်ကြီးကိုလိတ် ကိုယ့်ပဲပုတ်ငပိအင်းဂလိတ်
နဲ့ရောချ သူ့ကိုငါနားမလည် သူကငါ့နားမလည်နဲ့ တနာရီတိတိ အမေရိက ရှရှားနိုင်ငံရေး တုပ်ကြတာဗျား.. ယုံချင်မယုံချင်လည်း ပုံပြီးသာ ယုံလိုက်ပါမိတ်ဆွေ😂😆😅 သူကပူတင်နဲ့ ပြောင်းဖူးမွှေး(ထရမ့်) ၂ ယောက်လုံးကြိုက်ဘူးတဲ့..ဒါတော့ နာ့နဲ့တူပြန်ရော..ဟီး
ဒီဗီဒီယိုတိုလေးက ဆင်လူပ်တုတ်တုတ်ပေါ်ကနေရိုက်သမျှထဲမှာတော့ အကောင်းဆုံးပါဘဲ။ ရှရှားကြီးကို
broken ဘိုစကားနဲ့ဖောရသလို ဆင်ထိန်းကိုပါ့ကညော်လေးကိုလည်း တောထိုင်းစကားနဲ့လှမ်းအာရသေး
 လမ်းမှာတွေ့သမျှ ဓါတ်ပုံရိုက်ဖို့က ကိုယ့်တာဝန်..
  ဆင်သွားရာလမ်းဖြစ်တယ်ဆိုတာ အမှန်။ တောင်ပေါ်တက်လိုက် ရေထဲဆင်းလိုက် မြို့ထဲဝင်လိုက်..
ဆင်မောင်းသမားက ကရင်..ဗမာစကားတတ်လားမေးတော့ ထိုင်းမှာမွေးတဲ့ ကရင် ဗမာမတတ်ပါ..တဲ့
 ကိုယ်ကသာဆင်စီး..သူလေးက ဆိုင်ပေါ်ခွနေရော...
ကိုင်း..ရေပူစမ်းလည်းသွားလိုက်ကြသေးတယ်..လမ်းသင့်လို့ဝင်တာပါ...၂ဝနှစ်ကျော်ကာလက အဲ့လိုကြီး မဟုတ်နေတာအမှန်...
လောကမှာ မပြောင်းလဲတဲ့အရာမရှိဘူး ဆိုတာ..မယ်ငီးနားလည်ရင်ကောင်းမှာ..တကယ်ဆိုပြောင်းလဲနေမှ
သဘာဝကျတာလေဟယ်..
 ကဲ..ကိုယ်တို့ဆီမှာတော့ ကြက်ဥပြုတ် ငုံးဥပြုတ် သူတို့ဆီမှာ ကန်ဇွန်းဥမီးဖုတ် ပြောင်းဖူးပြုတ်..
 ရေပူစမ်းဆိုတာက တရုတ်မများ ခြေပူစိမ်ကြတဲ့နေရာဘဲ...နော်...

မိတ်ဆွေများသွားလို့ အဲ့လို အငွေ့တထောင်းထောင်းနဲ့တွေ့ရင် ခြေဝင်သာစိမ်ခဲ့ပါ...ညဟော်တယ်ရောက်ရင်
ခြေထောက်ဆေးစရာမလို... 😍😜

ကဲ..ရေးတော့လည်း တနာရီအတွင်း ဟိုနားပြန်ရှာဒီနားပြန်ညှပ်ကပ်နဲ့ ခင်ခင်လော တဖြစ်လဲ မယ်ငီး ၂ဝ၁၇
ကနေနူတ်ဆက်ပါရစေ..နောက်နှစ်ကျတော့ များများလေပေါကြတာပေါ့လို့...

အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage

Wednesday, December 20, 2017

လိမ္မော်ရောင်ကောလိပ်...

မင်္ဂလာပါရှင်~~~

RC 2 ထဲက theater စာသင်ခန်းတခု အင်တာနက်ထဲဒီလိုဘဲဖြတ်ညှပ်ကူးယူတတ်ပါကြောင်း
ခုတလောရေးစရာတော့အများသား..အဲ့ဒီအထဲမှာမှ ရေးသင့်သာလေးရွှေးထုတ်လိုက်ရင်လည်း များနေတုံး
ဘဲလေ.. အဟဲ..😁ဒီတော့ ထိုင်းခရီးစဉ်ကိုခဏနားလို့ သူတို့တွေ ခေတ်စားနေကြတဲ့ လိမ္မော်ရောင်
ကောလိပ်ဆိုတာကြီးကို  အသက်အောင့်ပြီး သွားချောင်းရအောင်..အသက်အောင့်ထားရတာကလည်း ခံစားချက်မျိုးစုံဗျ.... ဝမ်းသာဝမ်းနဲခြင်းရောပြွန်းနေတဲ့နေရာဟောင်းလေးတခုဖြစ်နေလို့ပေါ့..



ခင်ပြာယာ အင်းသားတပိုင်းရှမ်းတပိုင်းပေါ့
ဓါတ်ပုံဟောင်းလေးပြန်တွေ့တာ
RC2 ကျောင်းသူဟောင်းလေး

၁၆နှစ် ၁ဝတန်းအောင်လို့ ကောလိပ်ဆိုတာကြီး တက်ခဲ့ဖူးတဲ့ ၁၇ နှစ်မမလေးတွေအတွက်တော့ တကဲ့ကို
ရင်ခုန်စရာကောင်း...။ ကျောင်းစတက်ကတဲက အတန်းဘယ်နားမှန်းမသိ အတန်းဖော် ဘယ်လိုရှာရမှန်း
မသိ..။ လူတွေများ ရုန်းရုန်းနဲ့ ကိုယ်တို့တက်တုံးက တတိယနှစ်တွေတောင် အနဲအကျဉ်းရှိတယ်တဲ့။ တနေ့
၂ချိန် စာသင်ချိန်ခွဲထားရတာဘဲ စဉ်းစားကြည့်တော့ ဒေသကောလိပ် ၂ ဆိုတာကြီး ဘယ်လောက်ရူပ်နေ မလဲ ဆိုတာ။ ခင်ခင်ကြောင်တို့ကတော့ ရှင်းတယ် အစကတဲက ကြောင်ပါတယ်ဆို...။ တပတ်လောက် အထိ အခန်းမှားဝင်သေး.. လှည့်ပတ်ကြည့်လို့လုံးဝမမြင်ဖူးသူပါရင် သေချာတယ်..ပြန်ထွက်ပေါ့..ဟီး

အခန်းထဲမှာ လူများလွန်းလို့၊ တချို့စာသင်ချိန်ဆိုရင် ခုံနံပါတ်နဲ့ခွဲပြီး လူကန့်သတ်လိုက်တယ်။ ဒီကခင်ခင်
လည်း နံမည်က "အ" အက္ခရာပါတယ်လေ..။ဒီတော့ နောက်ဆုံးမှာ လူခွဲတော့ ကိုယ့်နံမည်ကမပါ။ နောက်
တခန်းသွားတက်ရ။ အဲ့လိုမျိုးခံရတာ ၂ ဘာသာလောက်ရှိတယ် စာသင်ချိန်ပြောင်းရင် ပြေးပေါ့ နောက် တခန်းကို။ theater တို့ တဲဆောင်တို့ တိုက်ခန်းထဲက စာသင်ဆောင်တို့ဆိုတာ မယ်ငီးတို့ စာအုပ်တပုံကြီး လွယ်အိပ်တဖက် ထမိန်ဆွဲလို့ပြေးလွှားလို့ နေရာတကာလှည့်တက်ခဲ့ရတာပေါ့။ ပြေးလွှားရတဲ့ စာသင်ဖော် ကြီးတွေကလည်း တချိန်နဲ့တချိန်မတူပါ။ တခါခါ ၅ ယောက်ထဲ၊ တခါတလေလည်း ၁ဝယောက်လောက်ရှိ။
သူတို့ကမှကံကောင်းလို့ မူရင်းနေရာထိုင်ဖို့ကံကပါသေး ကိုယ့်မှာက တခါမှမပါ တချိန်လုံးပြောင်း..။

အဲ့လိုသူများတွေ စာသင်ခန်းထဲ အိန္ဒြေိကြီးတခွဲသားနဲ့ပဲများချိန် ကိုယ်တို့ကပြေးလွှားနေတာကို အမြဲမြင်တဲ့
သကောင့်သား အုပ်စုတခုက မယ်ငီးလွယ်အိတ်(အဲ့ဒီအချိန်တုံးကလားဟူလွယ်အိတ်ဆိုပြီးနံမည်ကြီး သိုးမွှေးတွေနဲ့ ယက်ထားတဲ့ လွယ်အိတ် ကိုယ်တို့အမကြီးက ရှမ်းအလံတွေထွင်ထည့်ပြီး စပယ်ရှယ်မှာ ယက်ထားတာ လူကြားထဲထင်းကနဲပေါ့ ကြီးမားလှပခံညားပုံ..) အဲ့ထဲကို ခဲလုံးတွေ နေ့တိုင်းထဲ့ပေးတတ်။
တနေ့မရဘူးဆိုရင် ၅လုံးကအနဲဆုံး ဘယ်အချိန်ထဲ့လည်း မသိ..။ စာအုပ်ကလေး ခဲလုံးကလေးနဲ့ မြင်
ယောင်ကြည့်ပေါ့။ ချွေးကပြန် ယပ်တောင်ကပါသေး ထီးကလည်းပါသတော့😂😝။ နောက်တော့ လူတွေ
တန်းစီပြီး ဝိုင်းကြည့်နေတယ်ဆိုရင် မယ်ငီးလက်နဲ့အိတ်ကိုဖိထားရတာ..အမော..။

အကို ၂ယောက်က တောင်ကြီးဒေသကာလိပ်ကနေပြောင်းလာတော့ သူတို့ သူငယ်ချင်းတွေရ။ သူတို့ သူငယ်ချင်းတွေကလည်း ကိုယ့်ကိုတွေ့တော့ သွားပြောတာ မင်းညီမတချိန်လုံးအပြင်မှာချည်းဘဲ အတန်း မတက်ဘူးလား..ဆိုဘဲ...။ အဲ့လို..ပါဆို။ လူတွေမြင်တိုင်းကိုယ်က ကိုယ့်အိတ်ကိုဘဲ ဂရုစိုက်တာ တခါက လူတွေဒီတခါဝိုင်းကြည့်တာ ထူးဆန်းလေစွ များလှချည့်လားထင်နေတာ လားလား ယောက်ကျား နားနေ
ဆောင်တည့်တည့်မှာ ခွေး၂ကောင် ဟိုဒင်းဟိုဟွာပြုနေတာ ဒီကမမြင် တည့်တည့်သွားတိုးပစ်တယ် မှတ် ကရောဘဲ..။ သတိမမူဂူမမမြင်ဆိုတာ တကယ်ကြီးပါ..မောင်..ဟားဟား...😅😛😂😝

နောက်တော့ တနေ့မှာ ကိုယ့်ထက်ကြီးပါတယ် တတိယနှစ်ဆိုလား ဒုတိယနှစ်ဆိုလား ၄-၅ ယောက် လူ
ကိုလမ်းပိတ်ပြီး စကားလာပြောတယ်။ အဟီး..ရည်းစားစကားမဟုတ်ရ..သူတို့ စစ်တက္ကသိုလ်ဆိုလား..
တက်ရလို့ပြောင်းတော့မယ်။ သူတို့ခဲလုံးတွေထည့်တာ ညီမလေးလိုချစ်လို့စတာပါတဲ့..။ ဟွန့်..ပါးစပ်က
ကလှော်တုပ်ချင်တာ မြန်မာလိုပြောမထွက်..အူကြောင်ကြောင်နဲ့..ဟုတ်ကဲ့..ပြောပြီးလစ်ထွက်လာတာ..။
ငယ်တုံးကဆို အရမ်းကြီးကျယ်ပေါ့..အသားမဲမဲ ဆံပင်ရှည်ရှည် ဖို့ယိုဖားယားဆိုရင် ဟေးဟေး..စကားပြော ဖို့ဝေးစွ ကြည့်တောင်လှည့်မကြည့်...လူကသာ အဖေ့စကားနဲ့ဆို ခွေးပစ်ဒုတ်လောက်ပေါ့ 😉 မောင်မင်း
ကြီးသားများလည်း ရှေ့တန်းမှာဘဲကြွသွားသလား ချုပ်ချုပ်ကြီးတွေဘဲဖြစ်နေလား..မသိပါဘူး။နံမည်လည်း
မသိ လူလည်းမမှတ်မိပါ..။

မမဘွဲ့ယူတော့ ကိုယ်ကဒုတိယနှစ်လားမသိမောင်နှမ ၄ယောက် ညီညီကအမြင့်ဆုံး

ကောလိပ် တက္ကသိုလ်ဆိုရင် ကိုယ့်အကို ၂ယောက်မပါမပြီးပေါ့..။ တောင်ကြီးက ကိုကို ညီညီဆိုရင် လူသိ
များတယ်။ ကျိုင်းတုံဇာတိဖြစ်ပေမဲ့ တောင်ကြီးကနေပြောင်းလာတော့ တောင်ကြီးသားအဖြစ်လူသိများ တာလေ။ ကိုယ်က အူကြောင်ကြားသလောက် အကို ၂ယောက်လည်းမခေပါဘူး..။ အင်း..ပြောရရင် ရိုးတယ်လို့ဆိုရမှာပေါ့လေ..။ သူတို့ရောက်ခါစ မယ်ငီးဆီလာလည်ရင် (ကိုယ့်အဆောင်က ကျောင်းနဲ့လမ်းထိပ်လောက်ဘဲဝေးတာ) သူတို့သူငယ်ချင်းတွေပါလာတတ်တယ်။ ကိုယ်ကပြောထားတာ အရမ်းခေါ်မလာနဲ့ ရူပ်တယ်ဆိုတော့ သူတို့လည်း တယောက်စီဘဲခေါ်လာတတ်ပါတယ်။ အကိုအငယ် ညီညီကအပေါင်းအသင်းဆန့်တယ်။ သူ့အခန်းထဲကချင်းလူမျိုးတယောက်နဲ့ အပေါင်းအသင်းဖြစ်တယ်လို့ပြောပြီး၊တရက်ကျတော့ ခေါ်လာပါတယ်။ ကိုယ်တော်ကလည်း ခပ်နွမ်းနွမ်းလေးပါဘဲ။ သူ့ကြက်ပေါင်ဖိနပ်ပြတ်လိုညီညီက တွယ်ချိတ်လာယူတာလေ။ ကိုယ့်မှာ တဆောင်လုံးပတ်ရှာပြီး ပေးရတယ်။ ညီညီပြောပြတယ်။သူ့ခမျာသနားပါတယ် မုန့်ဟင်းခါးစားဖို့ တကျပ်တောင်ပိုက်ဆံကမပြည့်တတ်ဘူးတဲ့။ အမြဲကျွေးရတာတဲ့။ သူ့အဖေကကလူကြီးအိမ်က ကားမောင်းဆိုဘဲ..။ သူကကားနက်ကြီး( လူကြီးတွေစီးတဲ့ကားပေါ့) အမြဲ စီးပြီးလာတာတွေ့တော့ ညီညီကမေးတာ မင်းအဖေကကားမောင်းလားတဲ့။ ဟိုကလည်းဖြေရှာပါတယ်။ ဟုတ်တယ်တဲ့။ကိုယ့်ကိုလည်း မုန့်ဟင်းခါးစားနည်းသင်ပေးသေး..ပထမ ဆိုင်ရှေ့မှာ ငရုပ်သီးလေး ငံပြာ ရည်လေးထဲ့ပြီး၃ဇွန်းလောက်ခပ်မြန်မြန်စား ပြီးရင် အမရေ..ငံသွားလို့စပ်သွားလို့ဟင်းရည်နဲနဲလောက် တောင်း။ စားပြီး ရင်လည်း ဟင်းရည်ထပ်တောင်း..တကျပ်ထဲနဲ့ဗိုက်ကားအောင်စားနည်း..တဲ့။ နောက်၂လ-၃လပြည့် နီးမှ သူ့အဖေကလူကြီး(နိုင်ငံတော်ကောင်စီဝင်) ဆိုတာ
သိရတာ..။အဲ့လိုအကိုပါဆို😄

တချို့ကသူတို့ပုံတွေပါရင်မကြိုက်ဆိုလို့ကြိုးစားပမ်းစားဖျက်ရတာအမော
အလယ်ကလူစကားဝဲ၏...အော်..ချင်းလူမျိုးပါဆို

သူ့ကိုသူငယ်ချင်းတွေက လိမ္မော်ရောင်အာစရိယပွဲမှာပြန်တွေ့ကြသတဲ့..။ ဆုံးသွားတဲ့အကို့ တွေရဲ့ သူငယ်ချင်းတွေပြန်တွေ့ရင် မျက်ရည်က အလိုလိုကျကျလာတတ်တယ်။ ညီညီ့သူငယ်ချင်းတယောက်ကဆို နံမည် ကြီးဘဲတဲ့။ နယူးယောက်မှာနေတာ။ ရှပ်ရုင်မင်းသားကျော်သူတို့ရဲ့သူငယ်ချင်း ပန်းချီဆရာကြီးပေါ့။ မယ်ငီး
ဆီဖုံးဆက်ပြီး ညီညီ့သတင်းမေးရှာတယ်။ ညီညီကျောင်းတက်တုံးက တီးဝိုင်းတခုရဲ့ ဂီတာသမားတယောက်
ဆုံးသွားတယ်။ ညီညီ့သူငယ်ချင်းပေါ့။ ညဈေး(ခုတော့မဟုတ်တော့ပါဘူး)ရန်ကုန်ဆေးရုံကြီးရင်ခွဲရုံဘေး ကဈေးတန်းမှာ တခြားသူငယ်ချင်းနဲ့ လမ်းလျောက်နေတုံးခေါ်သံကြားလို့ လိုက်ရှာတာ ရှာမတွေ့ဘူး..
ဟေ့ကောင်ညီညီ ဟေ့ကောင်ညီညီ..ဒီလိုခေါ်တာတဲ့။ နောက်တော့ ဘယ်ကောင်ငါ့ကိုခေါ်လည်းကွ..လို့
အော်မေးလိုက်တော့..ငါမိုးကျော်ပါလို့..ပြောတာ..သူတို့တွေ လန့်ပြီးထွက်ပြေးကြတယ်တဲ့။ ဆုံးသွားပြီးသူ
လေ..။ နောက်တော့ မဟုတ်ပါဘူးဆိုပြီး လက်ဖက်ရည်ဆိုင်မှာထိုင်ပြီး အော်မေးတာ အခုဘယ်မှာလဲ
ပြောတာ သူက ရင်ခွဲရုံနားမှာ သူ့ကိုဆေးလိပ်တိုက်ပါပြောသတဲ့။ ဆေးလိပ်ဘယ်လိုတိုက်ရမလဲ ဆိုတာ လည်းမေးလိုက်သေးတယ်ဆိုဘဲ။ ဒီအတိုင်းမီးညှိပြီးချထားပေးပါဆိုတော့ သူတို့လည်း ဒီအတိုင်းမီးညှိပြီး
ပန်းကန်ပြားမှာ ချထားပေးတာငွေ့ငွေ့လောင်သွားတယ်တဲ့။ လက်ဖက်ရည်ဆိုင်က အလုပ်သမားရော သူ့ပါလာတဲ့သူငယ်ချင်းတွေရော တွေ့ကြတာလေ။ အားလုံးသတင်းပြန့်သွားတော့ သူ့(ကိုမိုးကျော်)ဆီကို လာရှာကြတယ်။တခြားလူဆိုရင် သူက စကားပြန်မပြောဘူးတဲ့။ ညီညီ့တယောက်ထဲစကားပြော တယ်ဆို လားဘဲ..။ နောက်ညီညီလည်း သူ့သူငယ်ချင်းအတွက် ဘုန်းကြီးကျောင်းမှာ အလူလုပ်ပေးလိုက်တယ်။ အဲ့ဒီအကိုပေးထားတဲ့မာစတာခွေရှိတယ် အဲ့ခွေကို ပြန်ရှာတာ မတွေလို့။ သူတို့အဖွဲ့ထဲက အဆိုတော်က နံမည်ကြီးခိုင်ထူးလေ...။
လိမ္မော်ဆိုလို့ ခရမ်းလိုလို လိမ္မော်လိုလို ညနေခင်းတခုကို ဒီနားခဏတွေ့မိသား... ပြောရင်တော့ တထောင့် တညပုံပြင်လိုပါဘဲ..ဇာတ်လမ်းလေးတွေအများကြီးရှိတာပေါ့ကွာ...တခါတုံးက တဘဝလိုသာ မှတ်ယူမိ ပါရဲ့...အားရင်လည်းစမြုံလာပြန်ဖြစ်နေအုံးမှာပါ...လေ

အားလုံးဘဲရွှင်လန်းချမ်းမြေ့ကြပါစေရှင်~~~
#meemeenage