ကျမတို့လူသားအားလုံးတွေမှာအခိုက်အတန့်ဖြစ်ဖြစ် အမြဲတမ်းဘဲဖြစ်ဖြစ် တချိန်တခါတော့ အိမ်နဲ့ဝေးနေရ
တဲ့အဖြစ်မျိုးကြုံဖူးကြတာချည်းပါဘဲ..။ ခဏတဖြုတ်လေး ခရီးထွက်လာတာတောင် အိမ်ပြန်ရမဲ့အချိန်ဆိုရင်
တက်ကြွနေတာဘဲပေါ့..။အိမ်ရောက်လို့ ပါလာတဲ့အထုတ်လေးချ အိမ်ပတ်ပတ်လည်မကြည့်အားသေးဘူး
နီးရာထိုင်ခုံပေါ်ထိုင်ချလိုက်ရတယ်ဆိုရင်ဘဲ ရေလေးတခွက်လောက်သောက်စရာမလိုတဲ့အမောပြေခြင်းကို ခံစားရတာအမှန်ဘဲ..။
တချိန်လုံးခရီးထွက်ခြင်း ပြောင်းရွှေ့ခြင်းများစွာနဲ့ အပေါင်းအသင်းဖွဲ့နေရတဲ့ မယ်ငီးတော့ သွားရင်းလာရင်းနဲ့
အပေါင်းအသင်းရှာဖွေခြင်း ပညာကိုတော်တော်တတ်နေပြီဆိုပါတော့..ဒီတခါ အိမ်အပြန်လမ်းမှာ ၃လကြာ သွားခဲ့ပါတယ်။ ထိုင်းမှာဘဲ ၄၅ ရက်နေခဲ့ရပါသေးတယ်။ ကိစ္စများမြောင်လူတို့ဘောင် ဆိုတဲ့အတိုင်း ဘန်
ကောက်မှာလည်း ငြိမ်ငြိမ်လေးဘယ်နေရလို့လည်း..ဟိုသွားဒီသွားနဲ့ ထိုင်းသူငယ်ချင်းရှိတဲ့ စက်ရုံဖက်ကိုရွှေ
ဧည့်သည်အဖြစ် ခဏခဏသွားအိပ်ပါတယ်။ သူ့စက်ရုံက သုဝဏ္ဏဘူမိလို့ခေါ်တဲ့ဘန်ကောက်ကလေယာဉ် ကွင်းအသစ်ဖက်မှာပါ။ သူတို့လည်း စက်မူ့ဇုံတွေကအများသား..အများသိကြတဲ့တဲ့အတိုင်း စက်ရုံလုပ်သား
အားလုံးရဲ့ ၅ဝ % ကျော်က မြန်မာပြည်ကများလားတောင်ပြောရမလောက်ပါဘဲ..။ စကားမစပ်ကျမသူငယ် ချင်းစက်ရုံအကြောင်းတခါက ဒီမှာ ရေးဖူးပါသေးတယ်။ သူငယ်ချင်းက သူကလည်းအတင်းခေါ်တယ်။ ပြီးဘယ်တော့မှမအားဘူး..မယ်ငီးကတော့ သူ့သူငယ်ချင်းတွေနဲ့ အဲ့ပတ်ဝန်းကျင်မှာ တရွှာလုံးပတ်လည်နေတာ
ပေါ့...။အနီးအနားက ဈေးသွားတယ် တခြားစက်ရုံတွေခြေဆန့်တယ် ပတ်ဝန်းကျင်တဝိုက်က မြန်မာနိုင်ငံ ကလာတယ်ဆိုတဲ့ အဆောင် အခန်းတွေ လိုက်လည်တယ်..။သွားလေးဖြီးပြပြီး အတင်းဝင်ရောတယ်..။
အင်တာဗျုးတွေ ဗျုးခဲ့တာပေါ့...။
တချို့အကြောင်းအရာတွေလည်း မျက်ရည်လေးလည်ပြီး နားထောင်ခဲ့သလို။ တချို့အကြောင်းအရာတွေကို
လည်း လိုက်မမှီနားမလည်ခဲ့ပါဘူး။ သူတို့တွေရဲ့ ရည်မှန်းချက်လည်း များများစားစားမရှိကြပါဘူး..။နေနိုင်သ
လောက်တော့နေကြမယ်..ဆိုတာချည်းပါဘဲ..။ ဘန်ကောက်ကိုလာဖို့ နယ်စပ်ကို လမ်းလျောက်ပြီး ၃ရက် လာရတာတို့ဘာတို့က အများဆုံးပါဘဲ..။ နေထိုင်ခွင့်လက်မှတ်ရဖို့ ပွဲစားဘတ်ခြင်းခံရသူများ ပွဲစားကူညီလို့
ဒီလိုဖြစ်လာတယ်ဆိုသူများလည်းမရှားပါ။ ပွဲစားဆိုတာကလည်း ကိုယ့်နိုင်ငံသားအချင်းချင်းပါဘဲ..။တခုပြော
စရာရှိတာက ကျမကို ဘာလူမျိုးလည်းမေးပြီး ရှမ်းလို့သိထားပေမဲ့၊ သူတို့ပြောပြောနေတဲ့ရှမ်းဆိုတာက ဒီက
ထိုင်းတွေကိုခေါ်နေတာဖြစ်ပြန်ရော...ကျုပ်မယ်ငီးတော့ နားတွေပါးတွေလည်ကုန်ပေါ့...။
များသောအားဖြင့် နယ်စပ်က တိုင်းရင်းသားတွေများပါတယ်..။ရခိုင်တွေလည်းရှိတယ်။ ကိုယ့်တူရာတူရာ
တိုင်းရင်းသားအချင်းချင်းစုနေကြတာဘဲ။ ဟို..ဖက်စက်ရုံက ကရင်တွေ၊ ဒီအောက်ဖက်က မွန်တွေ၊ ဒီလို
ပြောတတ်ညွှန်းတတ်ကြပါတယ်။ ကျမတို့နိုင်ငံ ဆိုတာကလည်း တိုင်းရင်းသားပေါင်း ၁၃ဝ ကျော်တောင်ရှိ တာဆိုတော့ စည်းလုံးညီညွတ်မူ့မရှိကြဘူးလို့ ပြောရခက်ပါတယ်။ အထူးသဖြင့် မွေးရပ်မြေကနေ တမိုင်
လောက်ဝေးတာနဲ့ တူရာမျိုးနွယ်စုချင်းဘဲ ပေါင်းသင်းဆက်ဆံတတ်ကြတာ တက္ကသိုလ်ကောလိပ်တက်ဖူး
ကြတဲ့သူတွေပိုသိမှာပါ..။ ကျောင်းတုံးကဆို ဟိုရှမ်းအုပ်စုလေ..ဒီချင်းအုပ်စုလေ..နဲ့ဒီလိုပါဘဲအုပ်စုလိုက်ဖွဲ့
နေခဲ့ဖူးကြတာချည်းပါဘဲ။
 |
| ကျမသူငယ်ချင်းစက်ရုံက မြန်မာနိုင်ငံသားတွေပါ |
သူတို့တွေကျမကိုတွေ့တွေ့ချင်းမေးတတ်ကြတဲ့ မေးခွန်းက ခင်ဗျားဘာစာအုပ်နဲ့နေတာလဲ..တဲ့။ တရားဝင်အ လုပ်လုပ်ခွင့်လက်မှတ် ပတ်စ်ပို့ကိုပြောတာနေမှာ..။ သူတို့စာအုပ်အကြောင်းကို အားပါးတရ ရှင်းပြနေကြပါ
တယ်။ သက်တမ်းတိုးကတော့ ပွဲစားနဲ့ဘဲတိုးခိုင်းတယ်ဆိုတဲ့ အကြောင်း၊ ထိုင်းအစိုးရ ဆက်ခွင့်မပြုရင်တော့
ပြန်ရမှာပေါ့..လို့ဆိုပါတယ်။ သူ့အခန်းအနီးနားက စာအုပ်နီကိုင်ထားတဲ့ သူတို့ထက် အဆင်ပြေနေတဲ့ လူ ၃
ယောက်ကိုလည်း လိုက်ပြပါတယ်။ သူတို့က အဆင်ပြေမှာပေါ့..ကိုယ်ပိုင် လက်တွန်းလှည်းနဲ့လမ်းတကာ
မုန့်လိုက်ရောင်းနေတဲ့ အချားဟဲတွေကိုး..။ သူတို့ကြတော့ တမျိုး နဲနဲအဆင်ပြေတာနဲ့ သူတို့အမျိုးတွေကို
လှမ်းခေါ်လိုက်ပြီ..။ သူကတခြားအဆင့်တက်သွားရင် သူ့နေရာကို သူ့အမျိုးအနွယ်တွေကိုဘဲ ပေးထားခဲ့တာ
လေ။ ဒါကြတော့ ကျမတို့ မြန်မာနိုင်ငံသား တိုင်းရင်းသား ၁၃ဝကျော်တွေမှာ မရှိတတ်တဲ့ အလေ့အကျင့်တ
ခုနေမှာပေါ့နော်...။
 |
တရားဝင်စာရင်းအရ ထိုင်းမှာမြန်မာနိုင်ငံသား ၂သန်းကျော်ရှိတယ်တဲ့။ အင်း..အတွေ့အကြုံအရ တရားမဝင်
စာရင်းလို့မယ်ငီး ပြောပါရစေ.. ၄ သန်းလောက်ရှိမှာ။ဒါနဲ့..သူတို့မဲကပေးတဲ့ကိစ္စ ဘဘတို့ဘယ်လို စီစဉ် ထားကြကြောင်း..သိချင်သား..ဟီး...။ သူတို့ ဘဝတွေကိုဆိုင်ရာတာဝန်ရှိကြီးများ အရေးတယူ ဆောင်ရွှက်
ပေးဖို့ခေါင်းထဲမရှိပေမဲ့၊ မဲကိစ္စမှာတော့ ပြီးတောင်ပြီးလောက်ပြီနဲ့တူတယ်..အဟီး..နဲနဲလောက်ရှည်ကြည့်
တာပါ.. း)))) ထားပါလေ..ပြန်ဆက်ကြည့်ရအောင်..ဘာဖြစ်လို့မယ်ငီးက ၄သန်းလို့ပြောတာလဲ..ဆိုတော့
အဲ့နားပတ်ဝန်းကျင်က အိမ်ယာစခန်းအကြီးကြီးပါဘဲ..ဆောက်လုပ်ရေးခွင်တခုမှာ မြန်မာလုပ်သားချည်းဘဲ
၄၅ဝ ကျော်ပါတယ်။ သွပ်မိုး သွပ်ကာ တန်းလျားရှည်ထဲမှာ ခလေးရောခွေးရော ဆိုသလိုပါဘဲ..ပြွတ်သိတ်
နေကြရတယ်။ ညနေအလုပ်ဆင်းရင် ပစ်ကပ်ကားနောက်က ကုန်ပစ္စည်းများစွာနဲ့ ရောင်းချတဲ့ ကုန်စုံဆိုင်
ကား ၄-၅ စင်းက ဆိုက်လို့။ သူတို့လေးတွေက တိုးဝှေ့လုပ်ယက်ဝယ်နေကြတယ်..။ မြင်ခဲ့ ဓါတ်ပုံရိုက်
ခဲ့ပေမဲ့ မတင်ချင်ဘူး..ရင်ထဲမှာမကောင်းဘူး..။ တန်းတူညီတူ အခွင့်အရေး လူ့အခွင့်အရေး ဆိုတာ ကိုယ့်
နိုင်ငံမှာ အများနဲ့အတူမရကြတာ..ခုလို သူများနယ်မြေမှာ အနှိမ်ခံ လူတန်းစားတရပ်အနေနဲ့ မြင်တွေ့ရတာ
တော့ တကယ်ဘဲ သနားတယ် ကိုယ်ချင်းစာတယ်။ တခြားလှေဆိပ် ကမ်းနားက ငါးဖမ်းသဘောၤပေါ်မှာ
လုပ်ရတဲ့သူတွေဆိုပိုဆိုးတယ်..တဲ့။
 |
ဆောက်လုပ်ရေးခွင်မှာလုပ်နေတဲ့ အကိုလေး ၂ယောက်နဲ့စကားပြောဖြစ်ခဲ့သေးတယ်..။ သူဋ္ဌေးက ကမ္ဘော
ဒီးယားဖက်မှာ ကန်တရိုက်ရတော့ သူ့ကိုပါ အဲ့ဖက်ခေါ်သွားတယ်တဲ့ နောက်မြန်မာနိုင်ငံသားတယောက်နဲ့
ပေါ့..။ နယ်စပ်မှာဘဲ လှည့်ပြန်လာခဲ့ရတယ်လေ..။ သူတို့စာအုပ်က ဒီနိုင်ငံတွင်းမှာဘဲ လုပ်ရမှာမို့လို့တဲ့...။
သူတို့တွေ အားလုံး တလဘတ် တစ်သောင်းဝန်းကျင်လောက်ဘဲရတာ..။ မြန်မာငွေနဲ့ ၃သိန်းလောက်နေ
မှာပေါ့..။ တချို့လည်း မြန်မာပြည် ပြန်လာကြတယ်..။ လယ်လုပ်ခြံလုပ်နဲ့ ပါလာတဲ့ပိုက်ဆံပြောင်သွားလို့
ဒုံရင်းနေရာကိုဘဲ ပြန်ရောက်လာကြတဲ့သူလည်းမရှား..။ ခလေးမွေးပြီး အဖိုးအဖွားနားအပ်ထားလို့..ပြန်လာ
ကြတဲ့လူလည်းရှိတယ်။
တနေ့နဲနဲလောက်နဲ့ ဆက်ကြသေးတာပေါ့..ရှင်.......
ဒီအပေါ်ပုံက ကျောက်မျက်သွေးတဲ့နေရာပါ..အလုပ်သမားထောင်ချီပြီးရှိတယ်..။ ဝင်းကြီးက ကြီးမားကျယ်
ဝန်းလှပါတယ်..။
ရှေ့တည့်တည့်မှာတော့ ဈေးတခုရှိပါတယ်။ တချို့ဆိုင်မှာ..မြန်မာစာနဲ့တောင်ရေးကပ်ထားတာတွေ့ရတယ်
ကျမတောင် ချည်ပေါင်ပင်တွေဝယ်ခဲ့ပါသေးတယ်..၁ဝ ဘတ်မှ ၃စည်းတောင်ရတာ..ဈေးချိုလိုက်တာ...
သူတို့တွေလည်း အိမ်နဲ့ဝေးနေကြသေးသလို ကျမလည်း အိမ်နဲ့ဝေးနေပါသေးတယ်...တနေ့တော့ တနေ့ပေါ့
ကိုယ်တို့ရဲ့..တနေ့တော့ ရောက်လာမယ်ဆိုပြီး လျောက်လှမ်းနေကြတဲ့သူချည်းပါဘဲလေ...
အားလုံးဘဲရွှင်လန်းချမ်းမြေ့ကြပါစေရှင်~~~
မီးမီး
