ဝေဟင်ပြူတင်းဝက မျှော်ကြည့်လိုက်မိတာ...

မင်္ဂလာပါရှင်~~~

ခရီးသွားနေတုံးကာလဆိုတော့လည်း ခရီးသွား ဓါတ်ပုံလေးတွေပေါ့နော်။

ဒီတခါ ကျမကံကောင်းခြင်း ၂ခါကြုံလို့ပါ။

လေယာဉ်စီးတော့ ပြူတင်းပေါက်နားကပ်ထိုင်ရတာရယ်..။

နေ့လည်အချိန်ဖြစ်နေတာရယ်...။

အပြင်လောကကို မြင်ရတယ်လေ..။

ခါတိုင်းဆို ညအချိန်ဖြစ်နေလို့ပြူတင်းပေါက်ကပိတ်ထားတာနဲ့..။

အောက်ဖက်ကမ္ဘာကနေ့ကျမတို့ကညဘဲရှိလို့ပြူတင်းပေါက်ကိုပိတ်ထားတတ်ကြတယ်လေ။

ကဲ..ပြောနေကြာတယ်နော့်...

JFKကနေလယာဉ်စတက်တက်ခြင်း ကျမတို့နေတဲ့ NY Long island ကိုမြင်ရတာ..။

 လေယာဉ်တက်ပြီးသိပ်မကြာပါဘူး၊ကျွေးမွေးခြင်းနဲ့စတင်ပါတယ်။

များသောအားဖြင့်လေယာဉ်ပေါ်ကအစားအစာတွေဆိုရင်ခံတွင်းကိုလုံးလုံးကြီးမတွေ့ဘူး..။

ကျမတို့က Japan Narita transit ပါ။

လေယာဉ်ပေါ်ကစကရင်မှာပြတဲ့အတိုင်းအပေါ်ဖက်ကိုတက်ပြီးမှ၊

(ကမ္ဘာကြီးကလုံးတော့၊ဘေးကနေမသွားဘဲ၊ဂျပန်ဖက်ကိုဆင်းသွားတာ)လေ။

 စားပြီးတော့အိပ်တာပေါ့။နိုးလာတော့လှမ်းကြည့်တာတိမ်ဖြူဖြူတွေကတမျိုးပါလားလို့ထင်နေတာ။

ကနေဒါအပေါ်ဖက်က ရေခဲဒေသတွေဖြစ်နေတာလေ..။

မုန့်တွေခဏခဏကျွေးတယ် ၃ခါလားမသိပါဘူး။

ဒီ အမေရိကန်လေကြောင်းလိုင်းကအစားအစာမကောင်းဘူး။

ဒီတခါနိုးလာတော့ ဆိုက်ဘေးရီးယားဆိုဘဲ။

ငယ်ငယ်ကတဲကကြားဖူးခဲ့တယ်အရမ်းအေးတယ်ဆိုတာ။တလောကလုံးတော့ရေခဲပါဘဲ။

မြစ်လည်းခဲ ကုန်းလည်းခဲ..ဘဲ။

တောင်တွေကိုမြင်ရတာလည်းအထီးကျန်ဆန်လိုက်တာ။အေးခဲခဲကြီး..။

ရှရှားနဲ့ဂျပန်ကြားပင်လယ်လည်းရေခဲတွေပါဘဲ။

ဂျပန်ကျွန်းစဝင်တာလည်းအဲဒီရေခဲတောင်ဘဲတွေ့ရတယ်။

တောင်ကျော်တာနဲ့လွင်ပြင်တွေမြင်ရပြီ။

ကျမလည်းကင်မရာနဲ့အလုပ်ရူပ်နေသလိုသူတို့တွေလည်းအိပ်မက်ထဲမှဘာတွေလုပ်နေကြလဲမသိဘူး။

ဂျပန်ကိုလာတဲ့လေယာဉ်ဆိုတော့ ဂျပန်တွေချည်းပါဘဲ။

ဒါနဲ့စကားမစပ်ဗျာ..ဂျပန်တွေ ပါးစပ်အုပ်ထားတာတော်တော် နှစ်သက်ကြတာလားမသိဘူး။

လေယာဉ်ပေါ်က ဂျပန်အားလုံးဘဲပါးစပ်တွေအုပ်ကြတယ်။ပြီးအိပ်တယ်။

 အဲဒီရေခဲတောတောင်ကြားထဲမှာ ရွှာတန်းငယ်လိုလိုတခုတွေ့လို့အနီးကပ်ဆွဲပြီးရိုက်ကြည့်တယ်။

ကျမစိတ်ထဲမှာတော့ အိမ်လေးတွေလို့မြင်မိတယ်။

ဘယ်လိုများနေထိုင်စားသောက်ကြပါလိမ့်နော်..။

 

ကိုင်း..တောင်လည်းဆုံးရောကျွန်းလည်း ကုန်ရောဆိုသလိုပါဘဲလေ..။

နောက်တကျွန်းပြန်စတော့မယ်။မြို့ရွှာတွေမမြင်ရသေးဘူး။

ဒီကျွန်းမှာတော့ ရေခဲတွေတော်တော်ပါးလာပြီ။

မမတွေကလည်းလာကျွေးပြန်ပြီလေ။ပီဇာတဲ့..။

ချစ်ချစ်ကတော့ထမင်းစားတယ်။

တောင်တွေမှာသာရေခဲမရှိတာ၊မြစ်ပြင်ကြီးတော့ခဲနေတုံးပါဘဲ။

အိမ်တွေလိုလိုမြင်ရပြီ။

တောင်တွေကျော်လိုက်တာနဲ့လွှင်ပြင်ကိုတွေ့တာဘဲ။အိမ်တွေနဲ့ပြည့်နှက်နေတာ..။

ပြီးလေဆိပ်ကိုဆင်းတော့မယ်ဆိုပြီးကြေငြာပါတယ်။

လှမ်းမြင်နေရတာလေဆိပ်ပေါ့။

ရောက်ပြီလေ..green tea တို့ရဲ့နေရာလေးပေါ့။

မိတ်ဆွေများအားလုံးဘဲ အေးအေးချမ်းချမ်းရှိကြပါစေနော်....

(ခဲတော့မခဲလိုက်ကြနဲ့ပေါ့..အဟဲ)

#meemeenage