လွန်ခဲ့တဲ့၃ နှစ်က အဖြစ်အပျက်ကို
မှတ်မှတ်ယယပြောရင်တော့
လကုန်ချိန် Blog ရေးနေတုံး
<<( blogspot.com ) မှာရေးလာတာ
၁၀ နှစ်ကျော်လာပြီလေ>>
တဖြေးဖြေးအရေးကြဲလာပြီး
နောက်မှ တလ တပုဒ်တော့
ရေးသင့်တယ်တယ်ဆိုပြီး
လကုန်ချိန်မှာရေးလေ့ရှိတာ
ဒီကညနေချိန်ဆိုပါတော့
သူငယ်ချင်း မက်ဆေ့ ပို့လာတာ။
ကမန်းကတန်းသတင်းဖွင့်ကြည့်ရင်း
ရင်ထဲကခံစားချက်ပြောမပြတတ်ဘူး။
ရင်ထဲဟာကနဲ အေးကနဲ
ဒေါသစိတ်တွေထောင်းကနဲ..
မျိုးစုံကိုတချိန်ထဲခံစားလိုက်ရတယ်။
၁နှစ်ပြည့်ချိန်လည်း
သတင်းတွေကြည့်ရင်းနဲ့
အိမ်မှာပဲနေခဲ့တာ
ပြီးခဲ့တဲ့ ၂နှစ်ပြည့်ကတော့
တကဲ့အမှတ်တယနဲ့ကိုယ့်အတွက်
ကြေကွဲဝမ်းနည်းစရာတခုဖြစ်ခဲ့ပါတယ်။
၂ နှစ်ပြည့် မြန်မာပြည်မှာ
ဘာတွေဘယ်လိုတွေဖြစ်နေကြလဲ
သတင်းကြည့်ရင်း ညနက်သွားတယ်။
ည ၁၂ နာရီတောင်ကျော်သွားတာ။
မနက်နိုး မနက်စာစား
ဘုရားဆွမ်းကပ်နေတုံး
အိမ်ခေါင်းလောင်းထိုးသံကြားလို့
အပြေးဆင်းသွားဖွင့်တာ
ရဲတွေ ၃ယောက်လောက်လောက်လန့်သွားတာ
နောက်မှ အိမ်အောက်ထပ်က
တံခါးပွင့်လာပြီး Mike ရဲ့အမထွက်လာတယ်။
Mike ကတယောက်ထဲနေတာ
အိမ်နီးနားချင်းကောင်းမိတ်ဆွေဖြစ်ပြီး
ကိုယ်တွေချက်သမျှသွားပေးရင်
အရမ်းသဘောကျတာ
ပဲပြုတ်ထမင်းကြော်ကအစ
သူအရမ်းကြိုက်တယ်တဲ့။
သူ့အမျိုးအားလုံးနဲ့လည်းခင်နေတာ။
သူ့ကိုခေါ်မရလို့သူ့အမက
သူ့သော့နဲ့ဝင်သွားတာ
Mike က ကုတင်ပေါ်မှာပဲ
အိပ်နေပြီးအသက်မရှိတော့ဘူး
ရဲကားတွေဆေးရုံကားတွေနဲ့ရူပ်ရှက်ခတ်
သူ့အမကိုလည်းအပြင်ထွက်ခိုင်း
သေချာစစ်ကြတာ
ဘယ်လိသေသလဲ..
သွေးရိုးသားရိုးလားပေါ့..။
သူဆုံးက ည သန်းခေါင်ချိန်လောက်တဲ့။
ကိုယ်တို့တွေမအိပ်သေး
သတင်းကြည့်နေတုံးပဲပေါ့..။
တကယ့်ကွေးသောလက်မဆန့်ခင်
ဆိုတဲ့စကားအတိုင်းပါပဲ..။
သေမင်းဆိုတာကြီးက
လက်တကမ်းအကွာမှာပဲရှိကြတာ။
မသေခင်ကျန်ရှိတဲ့အချိန်မှာ
တန်ဖိုးရှိတဲ့ အလုပ်တွေ
သူတပါးကို ကူညီဖေးမပေးတာတွေ
ဗုဒ္ဓဘာသာလိုဆို
ကုသိုလ်ကောင်းမူ့ပြုတယ်ပေါ့
ဘုန်းကြီးလူမှကျောင်းဆောက်မှ
ကုသိုလ်ရတာမဟုတ်ပါဘူး..။
လိုအပ်သူကို ပေးနိုင်ကူညီနိုင်တာလည်း
ကုသိုလ်ပြုခြင်းပါပဲမဟုတ်လား။
ဒီနေ့မှာ ဝမ်းမနာ သားသမီးတူတူမ
မောင်ငယ်ညီငယ် အရွယ်လေးတွေကို
(၆ ယောက်ရှိတယ်လေ)
အားပေးထောက်ပံ့လိုက်တယ်။
လတိုင်းထောက်တာပါ။
သူတို့လေးတွေရဲ့သတ္တိနဲ့
ကျုပ်တို့ခရီးအတော်ရောက်လာပြီလေ..။
လက်ကျန်အားနဲ့အတူတူထပ်ရုန်းကြရအောင်
ပုံက ကလေးထိန်းကျောင်းရှေ့က
တံမံတလင်းပြားကြားထဲခလေးတွေ
ပန်းမျိုးစေ့တွေချထားကြတာတဲ့။
ပွင့်ချိန်တန်တော့ ပက်ကြားအက်ကြက်းထဲက
ပန်းပင်လေးတွေ တန်းစီထွက်လာကြတာ..။
အချိန်တန်ရင် ပန်းကပွင့်ကြတာပါပံ။
မျိုးစေ့မှန်ရင်တသက်လုံးငုပ်မနေပါဘူးလေ..
#meemeenage
